爸爸no.34

12:30am

「唔...........我瞓咗幾耐?」我
「你醒啦?你瞓咗兩個幾鐘啦!」政
「你上嚟嗰陣全身興恰恰,你發燒就唔好一早上嚟啦!」政

「我都唔知自己發燒!」
「咇!冇事啦,食咗藥退咗燒啦,一點半再食多一次啦!」政




「仲要食?我依家手軟腳軟,再食我今晚都出唔到街!」我

「出唔到都冇辦法架,今晚我哋響屋企休息囉!」政
「我就唔想你響屋企過呀,你年年平安夜都係一個人響屋企,幾難得有一班女仔同
你去倒數,就算我出唔到去你都要去吓!」

「你唔去我都唔去!」政
「比藥我,我同你啪晒佢!」
「都話一點半先食囉!」政
「........................」





「嗱!飲咗佢吖,檸檬味感冒熱飲!」
「唔該...........」一啖一啖
「唔!好味.......暖笠笠!」

「係呢,佢哋頭先打嚟做乜呀?」我
「佢哋話出去睇戲,問我哋去唔去喎,我話你病咗推咗啦!」政
「真係精力充沛,琴晚玩足全日,依家一點又出去睇戲,佢哋唔係諗住直踩到
今晚1點吓?」





「唔係,佢哋返屋企食完飯先再出嚟,到時我哋8、9點出去join佢哋------如果你
好返嘅話!」政
「都冇乜嘢啦,都好返好多!」
「食藥啦!」政

「長氣.........」
「餵我!」撐大口
「覺唔覺得你d行為越嚟越細路?」政
「理得我!」




「溫成點呀?」我
「都溫晒啦,不過唔想太心散,所以想響屋企靜吓!」





「死毒撚!」我
「毒乜嘢呀?兩星期後要考試啦!」

「得啦得啦你都倦啦,上嚟抖一抖一齊瞓啦!」我
「又一齊瞓...............」


7:30pm

「噹噹!8:30響尖沙咀公園門口等啦!」我
「食咗麵先講啦,凍啦!」政
「冇乜胃口唔食啦!」

「你成日都冇食過嘢,你係咪仲未好返?」政




「冇事啦!不過由朝瞓到晚,瞓到冇晒食慾之嘛!」我

「死!瞓得太多今晚會唔會失眠架?我怕黑,如果成晚眼光光..............」
「阿政!橫掂平安夜大把女仔都唔返屋企瞓,不如我同大老闆講響你度過夜囉!」
「你係咪想我死?」政

「快d啦,吹吓吹吓8點都未走,快d啦!」我
「得啦,你d衫好薄,怕唔怕凍呀?」政

「今朝嚟你度好暖架,所以著少咗衫,依家都返唔到去換啦,算啦走囉!」
「至少都帶條頸巾啦,嗱!」政
「男仔頸巾唔啱我style 唔要!」我

「唔好咁貪靚啦,你仲病緊架,嗱!」
「唔要唔要唔要!」走咗出去




「喂.........」政
「唔係好凍啫,我好返啦,出發!」


8:30pm


「啱啱好冇遲到!」我
「不過我哋全部都早到呢!」噹噹
「阿汁、傑仔你哋都嚟呀?」政

「阿茵叫我哋嚟架,不過阿原要同屋企人過聖誕所以嚟唔到!」傑仔
「美美同麗麗都話要陪爸爸媽媽唔嚟呀!」茵
「人哋一家人過聖誕你唔好阻住人啦!」我





「咁宜家我哋點呀?」我
「咪四圍行吓,影吓相囉!」噹噹
「咁咋?」我

「廿幾三十萬人響尖沙咀乜都爆晒啦,個個都係四圍行架啦,你想點吖?」噹噹
「我諗住睇戲食飯唱K倒數,跟住帶你哋落老蘭!」我

「老.....我唔去呀!」阿詩嚇到想喊
「小姐,我哋全部都係學生,依d大時大節真係比人溶咗都似!」噹噹
「同埋聽日要去camp,我就唔同你玩天光啦!」茵
「老蘭依d地方跟本唔屬於我哋...............」3條毒撚

反應冷淡!真係成班柒頭宅女,落老蘭都驚,比着我以前大時大節如果唔洗理
屋企(我不嬲都冇乜理到),真係直上深圳東莞,要乜有乜,玩乜都得,真係玩到七
重天先返落嚟,老蘭喎!

不過阿政d性格就算帶佢去機鋪佢都驚,平安夜帶佢落街見多幾個人可能佢都已
經好開心!
算啦,當落街放狗啦!

「咁行去邊呀?」我
「去海塝!」噹噹
「公園!」詩
「商場!」茵
「太空館!」傑仔(太你老味)

就係咁!我哋今晚嘅節目就你鳩行啦,6.4、7.1、10.1、1月1吓吓都係由維園行去唔知邊度!
聖誕元旦農曆新年復活清明重陽鬼節都係鳩行,最多都係加多個倒數!

香港人!有冇d新意呀?








 
已有 0 人追稿