(爸爸no.1)我老豆係口靚妹: 阿政no.31
阿政no.31 不許成功,只許失敗
2:40pm
你哋好我係阿政!我依家響度玩緊牌,即係嗰隻乜乜野球Dee囉,玩咗成粒鐘,唔好以為
玩咗好多鋪,仲係第三鋪咋,仲係「Round3」............
冇錯!Round3由2:00玩到2:40,足足40分鐘2400秒8個字三柱香時間都未玩完,
其實可唔可以伸報健力士?
事源係咁,第三鋪小弟攞到副好牌,一嘢就炒晒佢哋四個,但之後佢哋個個都唔肯出牌!
「大!」嘉
「去!」噹噹
「唔出!」詩
「next!」茵
咪就係呾囉!不過鋤Dee嘅規則唔係我出晒牌後,下家莊一定耍強制出牌咩?我下家莊係阿嘉,
但佢死都唔出牌,共他人又on膠膠冇叫佢出喎!咁就搞到依家咁嘅狀態出嚟!
「大!」成班傻西,本來阿政出晒就到我一定耍出,但竟然冇人叫我出喎!連鋤Dee係乜都未識
同我鬥,你哋輸撚硬.........唔係,係我輸撚硬,我一定要輸!(嘉內心)
「下位!」我知你想點,你想輸想做奴隸吖嘛!想搞政仔?下世啦,我絕對唔會比你
嬴.............唔係,唔會比你輸!(噹噹內心)
「都係唔出!」你哋兩個大恐怖啦!如果比你哋做咗奴隸哥哥真係不堪切想,我
一定要嬴,唔係唔係我要輸!(詩內心)
「冇嘢出!」你哋玩得咁開心又點小得我嗰份呀?一於死跟(茵內心)
「............................」
已經進入咗千日戰鬥嘅狀態,其實好唔好話比佢哋聽鋤Dee嘅規則?等等,阿嘉嘅
眼神........如果我篤佢出嚟,我一定死得好慘,當睇唔到!
「大!」嘉
「下一位!」噹噹
「死都唔出!」詩
「入晒夾萬!」茵
「咁多位,都玩咗好耐囉,不如.........」
「你出去行吓啦,唔洗理我哋!」四個
「我想話我哋好似係嚟camp唔係嚟聚賭,而且光陰似箭,3日2夜嘅camp好快.........」
「都話叫你出去囉!」四個
「......................」
「大大大!」嘉
「唔洗問啦,next!」噹噹
「都話唔出囉!」詩
「咪又係嗰句!」茵
2:50pm
「過主!」噹噹
「等陣!我要去一去toilet!」詩
「封牌!」茵
「等陣!」嘉
「遊戲規則有變,由依一刻開始邊一個離開賭枱就算輸!」嘉
「吓?」三個
「阿政講得啱,任何嘢都要有個了斷,唔可以永無止境咁鋤落去!」嘉
「你緊係咁講啦,你第二鋪完咗就去toilet!」詩
「又冇人唔比你去,你自己唔去之嘛!」嘉
「卑鄙!我提議全部去晒toilet再重新計過!」詩
「反對!我支持阿嘉講法,如果痾晒再嚟過,5點都未玩完呀!」噹噹
「噹噹!」阿詩眼淚都出埋嚟
「小有吓,竟然支持我?」嘉
「我又唔急!雖然我兩個幾鐘未去過厠所,不過我由青衣到依家一滴水都未飲過,
正所謂冇入冇出,我有排玩!」噹噹
「我都唔急!」茵
「阿嘉你雖然2:00去咗厠所,不過響東涌食早餐嗰陣你飲咗支大氣水,到咗塘福又飲咗支
烏龍茶!」噹噹
「你唔知咋,佢入到嚟又飲咗支朱古力奶!」茵
「嘿嘿!我唔信你可以一次痾晒三支嘢出嚟!」噹噹
「睇吓點?」嘉
「咁我呢?」詩
「哈~~哈~~哈~~」三條賤人
「阿詩唔好忍啦,痾殊殊啦!」茵
「toilet嘅大門常為你而開架!」噹噹
「全部都係衰人,繼續!」
「大大大大!」嘉
「下位!」噹噹
「急急.......」詩
「殊殊~~~~she~~~~she~~~」三個響度吹口哨
「.................」阿詩忍得好辛苦
「哈~~~哈~~~」三隻嘢
「呀!」阿嘉打咗個冷震
「你都唔係好得好多咋阿嘉!」噹噹
「你咪又係,唔好話我篤爆你,你兩個其實都好急,你哋大我之嘛!」嘉
「嘿!」兩個面色一沉
「而且我仲有秘密武器!」嘉
「阿政!同我買包成人紙尿片返嚟!」嘉
講乜撚嘢呀佢?
「你........為咗嬴竟然可以去到依一步?」噹噹
「大佬呀!塘福呀,邊度有得買呀?」我
「有錢你驚買唔到?有錢用過嘅M巾都買到呀,出去問d老人家高價收購返嚟啦死蠢!」嘉
「我又要、我又要!」三個
「阿政唔好幫佢哋買,我係你條女又係你老豆,依鋪你一定要撐我!」嘉
「乜嘢老豆呀,急到short咗?」茵
係全部都short晒呀!係咪尿毒上腦?全部都語無倫次,唔可以再比佢哋鬥落去,如果唔係
輕則膀胱炎,重則中尿毒!
「不如算啦!四個都嬴好冇?」我
「我哋要輸呀!」四個
「咁......咁不如四個都輸啦!」我
「你.......你講乜嘢?」嘉
「你唔係諗住一次過咩晒我哋四個吓?」噹噹
「一皇四后?」茵
「哥哥唔係d咁嘅人嚟架!」詩
佢哋up乜春呀?等等,好似輸咗要做野球卡d變態嘢..............
「等等!其實我只係想你哋停戰,嗰d卡可以唔洗..........」
「點吖?大家都係想攞個彩啫,無謂揾命駁吖!」嘉
「停戰啦!」茵
「好,stop!」噹噹
「吱吱.........喳喳........」
好似冇人聽我講嘢咁喎!
「我哋一致通過--------停戰!」四個
「不過我哋依家第一件事就係...........」嘉
「去toilet!」阿嘉轉身就走
「比我先、比我先!」茵、噹噹
「嗚......我最急.......比我先呀!」阿詩急到行唔郁
「我扶你啦!」我
「個死婆入咗去!」噹噹
「以佢嘅性格佢一定慢慢痾睇住我哋死!」茵
「啦~~啦~~啦~~」響入面唱歌仔
「開門呀死八婆!」
「嘩嘩.......啦啦.......」
一如既往又係吵吵鬧鬧,不過佢都仲有少少人性,去咗2分38秒就出嚟,仲要第一
個比阿詩,而依一場漫長嘅牌局亦終於完結!
女人嘅鬥爭真係好可怕,響某程度上比男人更恐怖,男人係理性嘅動物,只會為利益
而鬥爭,但女人?可能佢哋都唔知為咗乜?
唔好諗住同女人嗌交,你輸硬,係輸撚硬!真係嗌到更年期都唔肯收聲!
亦都唔好諗住同女人講道理,算把啦!
留返d時間做d有意義嘅事啦!