(爸爸no.1)我老豆係口靚妹: 阿政no.32
阿政no.32 下一站梅窩
「好飄逸、好舒爽,好似坐響一片雲上面咁!」嘉
「好和平、好寧靜,原來無壓力嘅身體係咁舒服!」噹噹
「身體好輕、好軟,真係想瞓返一陣!」茵
「冇晒嗰種壓迫感、濕濕哋嘅感覺,全身都好乾爽!」詩
「濕濕哋.............」三個望住阿詩
「冇呀!我跟你哋講之嘛,我都冇瀨.........」
「我哋又冇講d乜嘢!」噹噹
「我見佢去完厠所急急腳走咗上房!」茵
「換under?」嘉
「喂!邊有呀?上去攞d嘢咋!」詩
「我今朝見佢嗰條係紅色架!」茵
「咁sexy?唔知依家係咩嘢色呢?」噹噹
「咪又係嗰條,唔好行埋嚟.......哇!」狼群
「哇~~哇~~哇~~」無力反抗
究竟佢哋知唔知依度有個男仔架?真係望又唔係,唔望又好似好唔比面!
「喂!夠啦,3點啦要出發啦!」我
「係喎!要做正經事啦各位!」嘉
「皇帝仔抽卡啦!」噹噹、嘉
「好嚟啦!」茵、詩
佢哋仲記得?佢哋嘅眼神...........
佢哋仲戰鬥緊,依場戰鬥跟本仲未完結!
「我有小小意見!」我
「講啦!」四個
「其實大家都係唔輸.......唔嬴得,想攞返個彩啫,不如咁,收返d野球卡淨係玩正常
卡好冇?」我
「吓?我d卡整咗成晚,嗰乜交物交X交Y交都未出!」嘉
「依d說話都講得出口!」噹噹
「仲好流暢添!」茵
「我都覺得有問題!」詩
「而且依d比大學迎新營仲變態嘅game,真係唔適合我哋!」我
「阿政!你遲d要上大學,宜家練習吓咪幾好囉!」仲未死心
「人渣.............」全員鄙視
「啱嘅!我哋全部女仔,得政仔一個男仔,如果傳咗出去對大家都唔好,甚至影響到政仔考試!」噹噹
「唓!山高皇帝遠,有撚人知道我哋玩乜咩?」嘉
「問題就響依度啦,因為我哋當中有個阿茵響度!」我
「政政!做乜擺我上枱?」淚光
「4A班嘅首席打卡妹真係乜都會擺上網!」詩
「雖然佢唔係有心,但依隻事非精靈真係知道乜嘢都會響24小時爆晒出嚟!」噹噹
「原來你哋一直都呾睇我?」茵
「依d係事實、鐡一般嘅事實,係真理!」詩、噹噹
「好!再一次投票,攞走野球卡嘅請舉手!」我、詩、噹噹(阿茵呆咗)
經過我一番努力,終於都粉碎咗阿嘉嘅陰謀!
「唓!靚仔卡都冇嘢好玩嘅!」有人非常不滿咁喎
「唔好理佢,我哋抽!」噹噹
「第一張卡同噹噹扎頭髮!」我
「玩嘢呀?明知我頭髮最短,抽依d?」噹噹
「我都唔想架,短有短扎囉!」我
「嚟啦!」噹噹
「政仔你唔好整到我成個傻婆咁吓!」
「真係成個傻婆婆」茵
「洋蔥頭!」詩
「咔、咔、咔!」
「唔好影!邊個影打邊個,拆菲林.........」噹噹
「第二張,阿詩扮貓叫!」我
「啱晒佢啦!」噹噹
「天作之合!」茵
「...............」唔出聲
「喂叫啦!怕醜呀?」
「你哋企埋一邊先啦,我叫比哥哥.........」
「行埋嚟就有,叫啦汪、汪!」噹噹
「喵!」塊面紅晒
「哎吔!你好得意呀,其實你響度扮貓定蘋果啫?塊面紅卜卜,啪啪!」噹噹響度拍阿詩塊面
其實阿詩面皮真係好薄,仲怕醜過我!
「第三張,將阿茵個頭扭360度!」
「政政!你唔係嚟真吓?死人架!」慘叫
「得啦!個身跟住轉啦,依d超越人體極限嘅嘢都唔知邊個寫?」我
「轉...........」
「哈哈........嘻嘻...........」
「點呀響度望,玩定唔玩呀?」噹噹
「玩!」嘉
「第四張,接吻!」我
「又話d野球卡抽走晒嘅?」
「依張係靚仔卡嚟架,打車輪依d靚仔嘢同打卡介苗一樣,應該個個三四歲都打過晒架喎!」嘉
「未打過!」全體人員
「你哋係咪Hello Kitty?」嘉
「好嚟啦!阿政你要乾定要濕?」嘉
「濕你條命,沾一沾算啦!」
「初吻點可以咁咁求其架,不過古老相傳,初吻同初夜都係兩個人嘅事,唔可以有其他人在場,清場!」嘉
「驚呀?」噹噹
「平時大大聲,原來真係得把聲!」茵
「咩呀?我同阿政打車輪又關你哋事?」嘉
「你宜家係奴隸呀,要當眾凌辱!」噹噹
「唔好唔好!」反抗
「條死婆真係驚喎,學人撩起個火頭,推佢過去!」噹噹
「喂!你哋唔好.......砰!」阿嘉成個人撞埋嚟我度
「政仔、嘉!你哋有冇撞親?」噹噹
「玩大咗啦,扶起佢哋先啦!」茵
「我棚牙呀!」阿嘉衝咗入厠所
「喂!你有冇流血呀,比我睇睇?」噹噹
應......應該冇嘢吖?都冇撞到牙,而且好柔軟!
「三點三啦,真係變食下午茶啦,快d啦快d啦!」嘉
「唔知邊個搞鑊甘嘅嘢出嚟呢?gogogo!」噹噹
「快d啦梅窩、梅窩呀仲講座」
3:20pm 茶記
「真係一個公仔麵就夠嗱?雖然請唔到你哋食貴嘢啫,都唔洗咁架,搞到我好似好孤寒假」噹噹
「我哋趕時間呀噹噹,快快手食完個麵我哋就走架啦!」詩
「而且都三點幾啦,食得太飽夜晚嗰餐又食唔到啦!」茵
「你哋全部都係學生,如果依幾日餐餐都食貴嘢真係洗晒你哋d零用錢,不如咁啦,
之後嗰d全部我包底,食豪d!」嘉
「都話我哋唔係嚟黐飲黐食嗰囉!AA!」噹噹
「老頑固!」嘉
「你講唔掂佢架啦!噹噹份人最唔鍾意佔人便宜!」茵
「算啦,嚟camp都係志在去玩啫,食乜都冇所謂啦!」嘉
「嗱!比你啦,咁多個你最大食又鍾意食肉,夠唔夠飽呀?」噹噹比咗條腸阿嘉
「我都分唔清你係關心我定串緊我!」嘉
「含啦!」成條腸隊埋去
「佢哋冇事嗱?」我
「有乜嘢事?」茵
「頭先仲打得好犀利!」
「通常打完架15分鐘就恢復正常關係!」詩
「打架時打架,遊戲時遊戲係佢哋嘅人生格言!」茵
「不過下一次打架咪又係天崩地裂!」詩
「嗱!習習!」你一啖我一啖
睇住佢哋兩個一時就打到你死我活,一時又兩碗麵撈亂食,感覺上有d双公仔feel!
能夠同我老豆做到朋友,頂得順佢d性格,真係好小人做得到!
真係打架時打架,轉過頭又嘻嘻哈哈!
如果比着其他女仔,小小事就嬲足你一世,但噹噹發火時真係好恐怖,但出咗啖氣之後就完全唔擺響個心度!
真係好特別,同其他女仔真係原全唔同嘅感覺,就好似一個女仔擁有男仔靈魂........
唔好啦啩?一個已經夠啦!
「政仔你做乜望住我?食麵啦d麵淋啦!」噹噹
「哦哦!」
「怏d食啦,我call咗的,10分鐘架車就到架啦!」嘉
「咁快?我仲未食晒!」詩
「阿詩做乜都慢過人!」嘉
「食你就最快,人仔細細點解食咁多嘢架?男人都冇你食咁多!」
10分鐘後
「架車到啦,出發!」嘉
「等陣,我仲有半杯凍華田未飲晒!」阿詩飲得好辛苦
「唔好飲啦,陣間我請你飲嘢!」嘉
「唔係呀,好似好浪費!」詩
「司機大佬等緊呀,陣間佢起標仲浪費呀!」嘉
「各位團友下一站梅窩----------出發!」