(爸爸no.1)我老豆係口靚妹: 阿政no.36
阿政no.36 第一夜(2)
「咁啦,就比1分鐘時間你啦!」噹噹
「噹噹!」詩
「喂傻咗呀?咁樣即係送羊入虎口!」茵
「喂!玩定唔玩呀?」噹噹
「................」面都紅晒
「可唔可以當coupon下次用呀?有d眼瞓!」
「Q你老豆!玩就玩、唔玩就算!」噹噹
「...............」走咗去
「竟然唔夠膽!」茵
「睇穿佢啦,條衰妹邊度夠膽大庭廣眾做d變態嘢吖,成日撩起個火頭!」
其實最大嘅原因我哋係兩父子,可以做得d乜嘢吖?
不過佢d性格乜都要威乜都要嬴乜都要爭第一,啱唔啱自己做唔做得嚟都要搶咗返嚟先!
改吓d性格啦,唔係遲早出街比人打死!
「都玩咗好耐啦,我都要去一去溫書!」
「你走先啦,我哋會mark低,遲d攞coupon揾你找數!」嘉
「又Q乜呀?」
「我哋都唔好玩太耐啦,玩到冇晒力陣間都唔知點執返間房!」噹噹
「間房好亂,真係要執一輪先可以瞓覺!」詩
「唔關我事,我都唔響度瞓!」嘉
「唔..............」3個啤住阿嘉
「咁你去邊度瞓呀?」我
「樓上囉!」嘉
「仲有樓上?你租咗三層?」噹噹
「係呀!我係大小姐嚟架嘛,梗係一個人瞓一間房架啦,幾個人瞓一間房好似去咗集中營咁!」嘉
「集中營?」噹噹
「原來我哋嚟咗集中營!」茵
「唔做嘢有冇飯食架?」詩
「喂!我都唔係咁嘅意思............」
「得啦,明白嘅!」茵
「現在已經夜深,集中營要關閉,請兩位盡速離開!」噹噹
「哇~~~哇~~~」我哋兩個
「砰!」
「其實係你得罪佢哋,點解連我都趕埋出嚟?」
「衰仔!係咪企響我嗰邊架?講d咁嘅嘢?」嘉
「哇~~嘩~~~嘩~~~」響度扔緊枕頭
「我又要扔........嗚!」
「算啦,今晚佢哋都唔會理你架啦,聽日先玩過啦,仲有以後講嘢要顧人哋感受呀!」
「枕頭枕頭枕頭............」跟本冇聽我講嘢
「阿政!我陪你溫書,仲企響度gogogo!今晚做唔到兩張paper唔準瞓!」發火
化悲憤為虐待我................
***********************************************************************
「咪咁囉!知道未呀?」嘉
「唔!」
我哋宜家響度溫緊書,不過情境係兩個人瞓響張床、冚住同一張被,佢仲要「艾」
響我膊頭度教我解題,真係陪瞓式教育!
其實平時響屋企我哋都響同一間房(我間房),不過我就響電腦枱溫習,佢就響張床碌吓
碌吓,就算教我嘢佢都係坐響電腦枱旁邊教我!
不過依度枱都冇張,佢又話凍喎,所以就變成咁啦!
雖然我哋成日都兩個人響間屋,只不過我哋依家響渡假屋度瞓埋同一張床,佢仲要攬到我
實一實,感覺真係好似............開房!
望住佢塊面紅紅哋,(飲咗酒)小鳥依人咁「艾」響我身邊,真係有種小夫妻嘅感覺!
Stop stop!我諗咗去邊?點解會諗埋d天地不容嘅事,禽獸模式關閉!
「喂!係hand咗機家定死咗板呀?返嚟返嚟!」手fing fing
「阿政,我講過幾多次工作時工作遊戲時遊戲,要玩嘅時候可以有幾癲玩幾癲,不過做正經事嘅時候一定要專心!」嘉
「哦!」
「不過今日真係玩得幾癲,算啦!做埋依條瞓覺啦!」嘉
「你好似越攬越實!」我
「有d凍!」
「冚咗被都仲凍?」
「寒冷天氣警告吖嘛!可能我之前玩得太癲靜返落嚟咪有d凍囉!」嘉
「你飲咗酒d酒氣散咗會特別凍架,而且你仲未好返,你第時做乜嘢都要顧住自己身體呀!」
「知道啦,好溫暖、好溫暖!」縮咗入張被度
「其實你係咪想響度瞓呀?」我
「你唔會趕我走個可!」
「又話大小姐要一個人瞓一間房,依家搞到要兩個人瞓一張床!」
「係咪咁講嘢呀?生保床我瞓唔慣吖嘛!」嘉
「依張唔係生保床?怕黑就怕黑啦!」
「玩踢爆吓?係咪借宿一宵都唔得先?」
「我話唔得你都唔走架啦!」
「嘩~~~嘩~~~」完全捐晒入張被度
「阿政熄燈瞓覺!」
「......................」冇佢符
「等陣!唔好熄燈住!」
「又乜事?」我
「有小小急,阿政陪一陪我!」
「你唔係連去厠所都唔夠膽吓?」我
「全部人響晒2樓,下面 一個人都冇...........」
「你屋企咪仲大,人又小個依度,你平時點去厠所架?」我
「我11點之後都唔去厠所嗰喎,我夜晚不嬲都飲好小水!」嘉
「如果真係急呢?」
「死忍!忍到天光!」嘉
「......................」
「喂!仲企響度,陪唔陪我架?」嘉
「阿政!你響唔響出面呀?」嘉
「我企咗響門口呀,唔洗驚慢慢嚟!」我
「沙.......沙.........我幾時有話我驚呀?我問吓之嘛,好!返上去瞓覺!」
「我覺得你一到夜晚細膽好多,而且有小小神經緊張!」
「我都唔知點解,以前都唔係咁嘅,做咗蔣泳嘉之後一到夜晚或者一個人嘅時候就覺得周身唔自在!」
「其實你洗唔洗睇吓醫生?」我
「傻架?怕黑之嘛,過多排我就慣架啦,呼~~好凍~~~~凍!」
「快d返上去啦凍死你呀!」
雖然佢話冇嘢,但我嘅直覺話比我聽,佢嘅情況嚴重咗,不過我又唔可以夜晚響佢身邊,究竟我應該點做?
「嘩!好舒服、好溫暖....哇........哈...........」
響我身邊依個女仔,2個月前成為咗我老豆,不過無論樣貌身材行為氣質都係一個靚妹,所以依兩個月
嚟我都冇叫佢做爸爸,而係直接叫佢阿嘉!
佢除咗仲有以前嘅記憶外,好似所有嘢都唔同咗,不過親人嘅感覺我仲feel到!
冇錯,如果佢冇返嚟,我就只會一個人孤獨咁生活落去,宜家依種家人嘅感覺真係好溫暖,不過..................
「嘩!「責」死你!」成個人壓落嚟
「我扁啦!」
「哈~~~頭先我有1分鐘coupon,我要用1分鐘「責」死你!」嘉
「唔好玩咁癲啦,聽日要早起架!」
「去camp唔玩到癲點算去camp呀?再「責」!」
我死啦!一個咁嘅老豆真係唔知點應付,不過又幾得意,起碼有佢響身邊一定唔會悶,不過.............
「責死你、責死你!」玩得好開心
「責夠未呀?我死啦!」我
「未夠!再責!」張床都震埋
「夠啦瞓覺!啪!」
「哇!老豆都打?比雷公劈呀!」
「瞓覺!」我
我覺得我好似做咗老豆嘅角色,反而隔離嗰個越嚟越似我個女或者我個妹,不過點都好啦,
只要佢開開心心就夠,只不過.................
「嘩~~~嘩~~~~」黐咗線
真係唔夠佢嚟,不過話時話阿汁把口真係好臭,我唔會真係比隻女鬼責成晚吓
?塘福第一夜就係咁樣結束啦!
唔係...........仲未結束,佢仲玩緊,希望第一個晚上快D完結,好辛苦..................