(爸爸no.1)我老豆係口靚妹: 爸爸no.38
爸爸no.38
「有冇人呀?」
D人去晒邊?一個人都冇,間屋又大又只得我一個,爸爸媽媽又唔響屋企,就快
天黑,只得我一個,又係依種孤單嘅感覺!
「依~~~依~~~」
哥哥?
「你嚟咗嗱?所有人都唔見晒,你今晚可唔可以唔走呀?陪我吖!」
「....................」
「唔得!唔準走,陪我陪我陪我唔比你走............」
「唔...............」
發夢!係咪做咗女仔連發夢都發埋d靚妹夢,乜嘢哥哥妹妹!
估唔到我當當張俊雄會攬住個仔瞓,不過...........又幾舒服嘅!好耐未試過瞓得咁甜、咁安心!
唔知點解?做咗女仔之後細膽咗,由其係夜晚、由其係依半個月,半夜醒咗真係可以用提心吊膽
嚟形容,希望快d習慣啦!
「咕.......咕.........」
衰仔瞓到成架火車咁,真係唔知咩構造,次次朝早鏟佢都唔醒!
「...................」
我宜家直頭擒咗上佢度,扒咗響佢心口,睇真d個衰仔又幾靚仔幾可愛嘅,琴日我
仲同佢咀對咀............
「..................」緊張緊張
佢宜家瞓咗,理論上我咀佢兩嘢佢都唔知架啦,等等!
我做緊乜?我直頭好似一個強姦犯迷姦一個少女...........一個少年,我做緊乜?
我已經係一個女仔,唔可以做出依種事!
等等!我宜家係女仔,佢係男仔,男仔有咩嘢蝕底啫可?唔好話咀,咩咩都得啦,佢
直頭多謝我添呀,我又唔介意,好嚟啦!
等等!等等等等等等等我頭先講過d乜嘢?直頭色魔上身,唔可以,快d快d返落嚟,如果比其他人見到真係水洗都唔清!
理智、人性同我返嚟!
耶穌如來佛祖上身!
聖人mode熊貓模式啟動!
喃嘸阿彌陀佛、性母瑪利亞、色加矛狸、色即是胸、色色復色色.............
我係咪short咗?我up乜鳩?雜念雜念................
「你做乜嘢呀?」
「吓!噹噹......我........呀!」跌咗落床
「你點會走咗入政仔間房?你頭先想做d乜?」噹噹望住我
「我........我.........呀!」走
「喂!」噹噹
「沙......沙.......嗄嗄!」洗面
發生乜嘢事?個身體好似唔係自己咁,你話做咗女仔鍾意男仔,但我淨係對阿政
有feel,其他男人沾吓我都覺得反感,究竟發生乜嘢事?
「好d未呀?」噹噹
「你有冇講比阿政知?」
「瞓到隻豬咁想講都講唔到啦,放心,依d嘢我唔會攞嚟講笑嘅!」噹噹
「可能琴晚飲大咗............」
「依d節日響渡假屋又冇父母響身邊,又隊酒又走上男仔張床,好易出事架!」噹噹
「你未夠秤,如果搞d乜嘢出嚟又比阿茵知道,到時傳咗出嚟真係會害死政仔架,
檢點d啦!」
「知啦!」我
「其實你乜嘢心態?想玩政仔定想收兵?」噹噹
「講乜嘢呀你?」我
「唔係咩?話假拍拖但又成日出雙入對,你知唔知政仔鍾意咗你?」
「你諗多咗啦!」我
「佢對你嗰種態度同其他人唔同架,如果你唔係認真唔好玩人啦,而且政仔好單純,如果你玩過
佢一次,佢以後見到你都調頭走呀!」噹噹
諗多咗啦你!我係佢老豆佢梗係對我唔同d啦,不過話時話如果我真係做咗d越軌行為,真係連父子
都冇得做,檢點d、要檢點d!
「你冇嘢吖嘛?」噹噹
「冇嘢啦!點解你好似咁關心阿政嘅?」我
「吓.......乜嘢呀?個個我都關心架啦,你哋邊個有事我都企出嚟撐你哋架,咁政仔係
我朋友我梗係睇住佢啦!」
咁又係!條衰妹d性格懶有義氣咁,邊個有事佢就成個大家姐咁企出嚟,睇嚟佢已經當咗名政係佢條靚,都好嘅,
多個人睇住阿政!
「唔.......早晨!」詩
「咁早呀!」我哋
「比你哋嘈醒,做乜頭先咁嘈嘅?」詩
「冇嘢呀傾計之嘛,阿嘉唔講啦我上返去先!」噹噹
8:30am
「起身啦睡公子!」4個
「唔...............」冇反應
「起身啦!」180分貝
「嘩!做乜全部響晒我間房!」政
「想睇吓乜嘢係死豬囉!」茵
「知唔知走入人哋間房睇住人瞓覺好冇禮貌架?」政
「更冇禮貌嘅事某人都做咗啦!」噹噹
「學人單單打打?夠薑出去隻揪吖!」我
「怕你呀?不過...............」
「嘶..................」又瞓返
「起身呀仲瞓!」240分貝
「各位9:45am我哋落去食早餐然後出發,去厠所沖涼化妝唔該快d!」我
「你哋個個都洗晒面刷晒牙...............」政
「仲講!快d啦慢吞吞!」噹噹
*************************************************************************
「肉丁麵加隻蛋唔該!」我
「豬扒麵!」政
「蛋治!」詩
「唔洗咁緊張仲有大把時間,11點我哋一定到東涌!」我
「聽佢哋講我哋響纜車站等,係唔係去昂平?」政
「乜你唔知我哋今日行程嘅咩?」噹噹
「你哋又冇講,今日嘅行程係點?」政
「依家先問?賣咗你呀,去昂平然後去大澳!」我
「其實響依度搭車上去咪仲快,洗乜特登出返去東涌?」政
「冇嚟浪漫!」我哋4個
「去昂平梗係要搭纜車架啦,仲要搭水晶車添!」茵
「其實我未搭過架!」詩
「但係依家先去買飛買唔買到呀?」政
「依家先買?聖誕節呀大佬,耶穌話自己生日都買唔到呀,梗係一早買咗啦!」揸住成疊飛
「同埋你班friend 都係搭地鐵入嚟,當然響東涌集合啦!」噹噹
「唔好講啦d嘢嚟啦,快快趣塞晒d嘢仕口走人!」我
「又話大把時間嘅?」詩
「食啦仲講!」
東涌:
「嘩!返到嚟啦!」詩
「住咗晚塘福覺得依度好似變咗大城市咁!」噹噹
「咁多位如果你哋掛住屋企掛住媽咪依家可以搭地鐵走架,我唔會笑你哋架!」我
「小學旅行咩掛住屋企!」噹噹
「可能有人住唔慣d屋仔想揾人陪佢返屋企呢!」茵
「大小姐冇工人響身邊可能唔習慣!」詩
「其實佢識唔識挷鞋帶?」茵
「可能佢出世到依家都未執過屋!」詩
「其實佢用過洗衣機未.............」噹噹
「喂!做乜講到我好似二世祖廢人咁呀?」我
「有錢人d仔女都係咁架啦,我哋都係講事實啫!」三個
「係你老母,我睇住頭家嗰陣你哋老豆老母都仲係打緊飛機咋!」
「啦啦~~~~啦啦~~~~~」
「好熱鬧喎,嚟遠都聽到你哋把聲!」
「袁澤守?」我哋四個
「我哋響前面排緊隊,過嚟啦!」澤
「阿茵姐姐,依度、依度!」有個小妹妹向住我哋揮手
「麗麗豬!」阿茵直頭飛撲埋去
「茵姐姐!」兩個攬埋一舊
「麗麗豬............」我哋
「終於見到你啦,美美呢?點解佢唔一齊嚟呀?」茵
「家姐一早約咗人,佢聽到有得搭纜車真係想放飛機過嚟,不過最後都比人的走咗!」麗麗
「咁冇辦法啦!我哋買d手信比佢同埋做個旅遊特輯,10分鐘send張相比佢!」茵
「會唔會反而整喊佢呢?」麗麗
「唔好講咁多咀啖先!」茵
「唔好啦好多人,咀咀唔鍚得..........」
「世風日下................」又係我哋
「其實洗唔洗介紹個醫生比阿茵?」詩
「介紹個社工可能有用d,你睇!」我
「哇!唔好摸、唔好伸隻手入嚟............」
「報警!」都係我哋
「阿原!仲未到我哋不如行吓睇吓風景先啦!」茵
「哈~~哈~~哈~~」一家三口
「佢哋好似仲閃過你哋兩個喎!」三毒
「阿政!睇住自己女朋友先得架,淨係顧住四圍望!」澤
「哦!」
「喂!就到啦全部同我返嚟!」我
「嘩!水晶車呀!」麗麗
「要搭梗係要搭靚嘢啦!好,上車!」
一大班人浩浩蕩蕩有講有笑,連之前嘅事都好似放低咗,女朋友?響其他人眼中我哋係男女朋友關係,
但真正身份其實係兩父子,無論如何我都冇可能成為女朋友,清醒d啦蔣泳嘉,唔好做出一d返唔到轉頭
嘅事,如果唔係連唯一嘅關係都會冇埋!