(爸爸no.1)我老豆係口靚妹: 爸爸no.44
爸爸no.44
「呀!嗄嗄..............」
又發惡夢!雖然有阿政響電話度陪我,但最近成日都發惡夢而且越嚟越頻密,最衰都係噹噹,
依家我成日形住出面有人行嚟行去,我真係唔想再留響依間屋度!
揾阿政!
「嘟、咔!」
算啦!都6點幾唔好嘈醒佢啦,不過冬天等天光真係好痛苦,陣間充可以見到阿政.......今日係
星期六阿政要陪阿詩,即係今日我都見唔到阿政!
***********************************************************************
「啪、啪!」
「依邊搞掂啦!」我
「仲有嗰邊,做完依part 我哋仲要落去二樓幫d小師妹手!」班長姐姐
「夠啦!星期六都要人返學校做嘢,依d嘢揾校工做咪得囉,唔夠人咪輸入外勞囉,
成撚日揾鳩學生笨柒,仆街校長自己又唔撚返嚟學校,正一冚家鏟!」大叫(我)
係咁嘅!仲有唔夠兩個禮拜就係農曆新年,我哋學校都會搞小小節目興祝,小不免又要
佈置吓場地,而每一年級(F.6除外)都會揀一班返嚟幫手,而每班又會揀6個人,F.4就正正
揀咗我哋班,而我就咁好彩比人篤咗出嚟!
「細聲d啦!成間學校都聽到你屌鳩校長啦!」班長姐姐
「對唔住!今日情緒唔係幾穩定!」我
唔知點解今日硬係有d心之神不定,第六感話比我聽依一兩日會有好多敵人出現!
「係唔係冇得同男朋友出街好唔開心呀?」澄澄(敵人一號)
「小小啦!我想問吓邊個咁抬舉我叫我返嚟幫手架?」我
「Miss 苟囉!你係全級第一miss當然要揾d品學兼優嘅學生返嚟啦!」澄澄
「乜我哋好品學兼優咩?」茵、DaDa、女同學J
「做乜喊晒口呀?miss叫得你哋返嚟即係睇得起你哋,唔通佢叫噹噹返嚟咩?」澄澄
「叫d男仔返嚟都好吖,全女班做粗重功夫!」茵
「嗰班男仔有事就閃咗去,叫晒返嚟都做唔到乜嘢啦!」澄澄
「副班長呢?佢都幾做得嘢架!」女同學J
「副班長今日要參加校隊練習嚟唔到,不過佢d性格小小嘢都搞到大一大,到時係哋做
錯d乜嘢佢都報串比miss知,你哋係咪想咁吖?」班長姐姐
傳聞果然係真!正副班長真係有心病,聽講副班長一直謀住班長個位,所以佢成日刷miss鞋,
事無大小都話比miss聽,即係做咗佢條針啦!
而miss當然樂得多隻狗響身邊,所以咪比個副班長佢做囉!
不過miss最信都係班長,睇嚟副班長都係自作多情架啦!
(所上純粹猜測,不過可信程度有90％)
「阿嘉依度我哋搞得啦,你落去2樓幫F.2 d妹妹手啦!」班長姐姐
「得啦!落去睇吓班F.2雞搞成點先!」我
自己d嘢都未搞掂仲走落去幫人!話時話不如蛇吓先!
「小心呀!唔好擒咁高!」
「好重.......重..........」
「喂!小心呀你哋,落返嚟先啦!」我
「蔣泳嘉姐姐?」F.2雞A
「no.1女神竟然嚟幫我哋手!」F.2雞B
「真係好靚呀,仲好好身材添,我哋就.........」F.2雞C望住自己
乜原來我咁出名架咩?不過就咁睇班F.2雞成班都細細粒(全部矮過噹噹),揾都揾d
大隻d嘛,我仲以為去咗小學幫d小學雞手!
「你哋全部都係女仔?點解你哋miss唔揾d男仔返嚟?」
「miss周話班男仔淨係識得玩唔做嘢,所以冇叫佢哋返嚟呀!」F.2雞C
唔知點解我哋學校d男生唔係古古怪怪就係靠唔住,(連阿政都係)係咪風水唔好呢?
「我幫你哋啦!」我
「依度........嗰度...........」
「阿嘉姐姐你用開邊隻護膚品架?你皮膚好靚呀!」F.2雞A
「聽講姐姐你拍緊拖,好似話係6A嗰個............」F.2雞D
「阿嘉姐姐你多d落嚟我嚟依度啦!」七嘴八舌
其實佢哋都係細我兩年啫,點解會咁小學雞feel?可能全部都細細粒啩?不過依班妹妹仔又
幾聽教聽話,同我哋班d女仔真係好唔同,(6A嗰班直頭唔係人啦)如果身邊有返一兩個F.1、2
做吓朋友又幾好咁喎!
好!得閒落嚟收返幾條靚先!
「阿嘉我哋搞掂晒啦!」茵
「我依度都搞掂啦!」我
「阿嘉姐姐得閒多d落嚟呀byebye!」A-F雞
「你好似好受歡迎咁喎!」茵
「受歡迎依家嘢天生嘅,咦!你哋都響齊度?」我
「1點都未到不如一齊去旺角行吓吖!」澄澄
「旺角............」阿政今日都係行旺角
「做乜好似好唔願意咁呀?又約咗條仔呀?」澄澄
「佢今日唔得閒!」
「係囉!你都係得一個人今日又咁好天,我請食嘢!」佢今日心情真係好好
「係呢今日咁好天澄澄你都唔帶太陽眼鏡嘅?你依排日日都帶住返學架?」女同學
J真唔知定假唔知呀
「..................」天氣急遽轉變
「嗰條八婆搞到我碌咗兩打雞蛋先好得返,依兩個禮拜我連街都冇出過,真係唔好比我
再見到佢!」你日日返學都見到佢
「算啦過咗去啦,噹噹又唔響度你發脾氣都冇意思啦,係咪去架?」班長
「去!」澄澄
「阿嘉阿茵,我哋term 人好似從來未一齊行街買嘢,如果冇嘢做一齊吖!」
班長姐姐就係一個咁有組織力同親和力嘅人,連澄澄都要比返幾分面佢,橫掂都冇乜嘢做行吓囉!
「喂!依件好唔好睇呀?」澄澄
「你著乜都咁好睇架啦!」我哋
「咁依件啱唔啱我?」班長
「你唔係淨係著校服出街嘅咩?」我
「係囉!今日返嚟學校miss都話著便服都得,係你一個著校服!」茵
「咁我係班長嚟架嘛,好,下次著依件比你哋睇!」買咗
「我哋都行咗好耐啦,飲杯嘢坐吓好唔好?」女同學J
「JJ好似好倦咁,我哋坐低飲杯嘢先啦!」班長
「好耐都冇出過嚟啦,終於買返夠本!」澄澄
「你個friend嗰一拳真係好勁,佢真係兩個禮拜都冇出過街!」JJ
「如果打爆佢個鼻可能要去韓國整容添!」茵
「細聲d啦,難得佢咁好心情,佢一反枱我哋賠錢都賠死呀!」班長細細聲
「喂!你哋過年有乜嘢節目呀?」澄澄
「冇!」全體人員
「洗唔洗咁呀?好似唔想見到我咁!」澄澄
藍澄澄係一個好可怕嘅人,F1-F3基本上都係一個人(生人勿近),不過佢始終都係人類都想有
朋友嘅,所以F.3開始已經努力洗底做返一個好人(表面),平時響學校佢都有好多啱傾嘅同學,
不過只限於學校,一到星期六日假期就只有佢老死DaDa同佢一齊,所以佢應該都幾寂寞吓!
「我年初一要返大陸,年初五先返嚟!」班長姐姐
「我初一至初五都要去搶利是,好唔得閒!」JJ
「我咪又要跟爸爸媽媽拜年,唔去又話唔比面,乜澄澄你唔洗拜年咩?」茵
「一兩日囉!其他日子反而係人哋上嚟我屋企,煩到死所以咪揾你哋出嚟囉!」澄澄
「如果親戚多新年依d日子一定比阿爸阿媽挾出街啦,我仲慘比人挾返大陸!」班長
「阿嘉你呢?」
「我唔洗拜年呀,最多一兩日響屋企招呼吓親戚朋友,如果唔鍾意返入房瞓都仲得!」我
「你爸爸係大有錢佬,佢唔洗你亮吓相咩?」JJ
「唔洗啵!」
「阿嘉個爸爸真係好好,真係一個自由嘅家庭!」茵
「佢仲有條仔添,一個電話就隨傳隨到!」班長
「我哋想揾個朋友出嚟都推三推四,人哋一句說話條仔就死都死出嚟!」澄澄
「我哋都想拍拖呀!」成班
「拜拜!」
真係咁好?如果佢真係我條仔就話啫,可惜佢係我個仔呢!
宜家我條仔就正正同另一個女仔興祝生日,我就一個人漫無目的響旺角鳩行,仲有唔夠兩星期就新年啦
,越近新年嗰種寂寞感就越強,以前我係男人嗰時我有老豆老母,又有老婆仔女又多親戚,熱鬧到真係想一
個人走去靜返一兩日!
但宜家我係蔣泳嘉,蔣家嘅親戚我一個都唔識,跟本完全冇親情feel!
響我身邊嘅親人就只得阿政一個,阿詩今日會唔會同阿政表白呢?衰仔唔會鍾意阿詩吓?
佢哋會唔會走咗去開房.....................
屌!十劃都未有一撇冇事嘅冇事嘅,不過我就一個戇鳩鳩企咗響條街度啫,如果佢哋真係拍拖,
我會唔會好似澄澄咁星期六日都係得自己一個,再冇人理我關心我.........
「阿嘉!」
「係你?」
「我呀,阿俊呀!」