(爸爸no.1)我老豆係口靚妹: 爸爸no.45
爸爸no.45
1:00pm
「生日快樂!」
「其實正確嚟講聽日先係我生日!」詩
「咁我哋聽日再興祝過吖!」我
「好呀,如果你得閒嘅話,我都祝你考完試快樂!」詩
「乜有依d快樂嘅咩?」
「當然有啦,考完試成身鬆晒可以暫時忘記DSE嘅事,開開心心過新年吖嘛!」詩
阿詩今日有小小唔同,好活潑好主動,可能生日啩所以心情好開朗
「阿政!」詩
「係!」我
「以後我跟大隊叫你阿政唔叫哥哥啦!」詩
「哦......好呀!但點解突然跟大隊?」
「我哋又唔係兄妹叫哥哥好似好怪咁,而且叫哥哥好似好細路女!」詩
「係喎你16歲可,所以要扮大人!」
「扮---大---人?乜我好細個咩?」好大聲
「第一次見你嗰陣我以為你係成班人最細嗰個,原來啱啱相反!」我
「唔係啵!我係響咁多個中最高大,噹噹細細粒仲似細路女啦!(噹噹真係最細)」詩
「烏龜夠細隻啦咪又有成百幾歲,相反大笨象一、兩歲都大隻過我哋!」我
「原來我係大笨象噹噹係烏龜!」
「比喻咋..........」
「你D比喻又幾得意,星期一我講比噹噹知!」詩
「你係咪想我比佢打死?」
「好!我要成熟d,去買新衫要成熟嘅!」詩
「今日你買衫我比錢啦,因為時間同考試關係,我冇買到禮物!」我
「原來冇生日禮物...........」詩
「吓!對唔住我陣間去買!」
「講笑咋!去買衫啦!」
就係咁今日嘅生日節目就由買衫開始,好在平時同阿嘉(父子family day)行街買嘢都知道吓女仔
心意,今日就照辨煮碗帶阿詩去晒依d景點啦!
*************************************************************************
「原來佢同其他人興祝生日唔理你!」
「唔好講得咁難聽,佢都有朋友嘅,我又唔係24小時on call女朋友!」我
「係呢講到邊呀?繼續啦!」我
「啱啱講到去我哋第一次相遇嘅地方就響對面幾條街度,你嗰陣時一個人坐咗響公園,
有幾條靚仔撩你,我睇唔過眼.................」
今日我一個人好無聊,而且我對蔣泳嘉嘅過去都好有興趣,咁啱有盧碩俊同我講返蔣泳嘉
過去嘅事跡,咪聽吓囉!
原來盧碩俊真係MK仔,書又讀唔成無所事事,但係又英雄救美救咗蔣泳嘉,一個古惑仔同千金小姐,
好似有小小電影feel,不過我唔係真正嘅蔣泳嘉,佢永遠都唔會做到男主角!
講返盧碩俊當佢識咗蔣泳嘉之後重新做人,日頭返工夜晚讀返書,其實睇落條靚仔都唔係壞人嚟嘅
,甚至對蔣泳嘉好好,可惜蔣泳嘉已經唔響依個世上,我都係唔好見佢咁多!
「其實嗰個張子政真係唔適合你架!」俊
「又講依d?」
「你同我講過你喜歡嘅係一個能夠保護你、照顧你嘅大哥哥,嗰個張子政成個裙腳仔咁佢連自己都顧
唔掂,我覺得你哋遲早會分手!」俊
「我已經唔係以前嘅蔣泳嘉,我已經唔需要人哋照顧!」我
「你真係唔同咗,以前嘅你好需要人保護,一個人你會好寂寞而且你又怕黑,一有壓力困難你就想有人響身邊,
但宜家真係唔同咗!」俊
我覺得我越嚟越似你講嗰個蔣泳嘉就真,只得我一個嘅時候我真係好唔自在,好想有人響身邊,所以我先揾你吹水!
「好!揾過地方吹水跟我嚟!」我
「去邊?」俊
「落bar!」
「小姐你未夠18年歲架,陣間比差佬逗呀!」俊
「七點咋!d bar 都係啱啱開,邊有咁早落嚟逗你呀?」
「驚就返屋企啦唔好跟住嚟啦!」我
「嚟咪嚟,驚你呀?」
*********************************************************************
「依棵桔仔好得意呀!」詩
「依d唔係桔嚟架,不過我都唔知係乜嚟,不過又幾應節!」我
我哋宜家行緊花墟,由1點行到5點乜嘢商場都行晒啦,不過我哋行吓坐吓食吓嘢又唔係太倦,
(有冇食咗三餐?)行到冇嘢好行我就帶佢嚟花墟行吓,時近新年所有鋪頭都係賣賀年花,我哋
就好似行緊花市一樣,阿詩就最鍾意d的的式式嘅小盆栽,見佢盆盆都想買個樣,跟本就係一個小妹妹,
佢都好難扮到成熟架啦!
「你第一次嚟花墟?」我
「經過望過吓囉,原來咁多嘢睇!」仲揀緊
「你都係住旺角,咁近都唔行過嚟?」
「又冇人帶我嚟!次次都係行嗰幾條街幾個商場,遲d帶埋我出嚟吖,我都想睇吓男仔鍾意d乜嘢!」詩
「有d嘢可能唔啱你!」
「你唔係講嗰d嘢吓?」啤
「唔係呀!我係話男仔嘢好多都好悶好毒,好似依度咁其實我哋次次嚟都係陪阿汁!」我
「肥仔汁?」詩
「依個模型狂人除咗模型之外,連場景盆景水陸缸乜都啱,佢屋企跟本就係一個熱帶雨林!(佢阿爸阿媽就真係慘啦)」
「乜嘢係水陸缸?」詩
「水陸缸即係響個魚缸度整個沼澤咁,一半水一半泥,上面有花花草草下面有魚呀九角龍呀龜呀咁啦!」
「去邊度買?」詩
「嗰邊囉!對面魚街大把!」
「連噹噹(龜)都有得買?」
「你唔好同佢哋改花名啦!」我
「哥.....阿政!陪我去買噹噹返嚟!」扯住我行
就係咁除咗買衫之外我仲買多件生日禮物比阿詩--------------就係噹噹!
今日嘅阿詩真係好唔同,文靜得嚟又好活潑,同以前粒聲都唔出好大分別,係咪女仔一到16歲就會咁樣?
唔知另一個到咗16歲會唔會變返溫柔斯文,變返個真正嘅女仔呢?
係囉!成日都冇見過佢,佢一個人冇嘢吓?唔知點解有D不安,佢做乜一個電話都唔打嚟?平時一得閒就打嚟鬧
我兩句架?陣間打比佢先!
*************************************************************************
7:00pm
「喂仲有D咩呀?講多D我以前D嘢啦!」
「夠啦唔好再飲啦!其實你係咪唔開心呀?」俊
「好開心!」我
「生日嗰個係咪女仔嚟?」俊
「嗯!」
「嗰個張子政真係太唔細心啦,邊會有人同其他女仔興祝生日唔理自己女友架?」
「講夠未呀?唔該嚟多兩支!」我
「你飲咗好多啦!」俊
「啤酒之嘛,嗱係咪friend先?唔開心仲阻頭阻勢!」我
「唔該嚟多半打!」睇嚟佢都幾唔開心啵
「嘟、嘟!」
「邊個呀?唔買保險呀!」我
「阿政呀,你嗰度咁嘈嘅?」政
「張子政你條仆街扔低阿嘉唔理...........」盧碩俊都貓貓地
「盧碩俊?點解佢會響度架?」政
「劈酒囉!你又啱呀?我哋宜家響XXbar不過你要睇貓貓狗狗戲嚟唔到架啦咔!」
「嚟多半打!」
「你會死架!」俊
「咩呀?幫你叫架!」我
「嘔!」
「好d未呀?飲啖水啦!」俊
「好d啦不過頭好痛!」
「究竟嗰條友有乜好,你鍾意佢d乜?」俊
「我都唔知,可能我真係痴痴哋線!」我
我真係痴咗線,明明係自己個仔佢拍拖我應該開心先啱,但依家個心好痛、好辛苦!
「阿嘉!我哋重新開始!」盧碩俊捉住我
「喂.......你想點呀?冷靜小小!」
「唔.........」佢咀我
「阿俊,我想分手!」
「我有乜嘢做得唔好呀?阿嘉........唔好分手!」俊
「其實我一直都只係將你當做佢嘅代替品,我一直都只係當你係大哥哥,再落去只會對你唔公平!」
「又係嗰個人?都咁多年啦嗰陣時你哋都係得十歲八歲,邊度有真感情架?而且你都冇可能揾得返佢啦!」俊
「.................」
「阿嘉唔好走,唔好分手!」俊
「阿俊唔好呀,我哋已經分咗手,唔好.........阿政!」
「停手!盧碩俊你同我放開阿嘉!」
「阿政?」
「砰砰!」
我冇睇錯吓?阿政竟然將盧碩俊當沙包咁打!
「阿政停手呀!你想打死佢咩?」
「誤會咋、誤會咋!」我扯住阿政
「嗚.......對唔住阿嘉,我唔係顧意!」俊
「我知!只係大家一時飲多咗,我知你唔係嗰種人!」我
冇錯!蔣泳嘉嘅記憶再一次響我腦海出現,我知道眼前嘅盧碩俊其實係一個好人,一個關心蔣泳嘉
嘅大哥哥,只可惜我唔係蔣泳嘉,我要令佢死心!
「不過我哋已經分咗手,我哋以後都唔好再見面!」我
「阿政我哋走!」
望住盧碩俊,其實佢真係幾可憐,但如果再拖拖拉拉落去只會更加傷害佢,因為無論係以前嘅蔣泳嘉
同今日嘅我,都會同佢講同一句話----------分手!
不過估唔到蔣泳嘉係一個咁花心嘅女仔,提出分手嘅竟然係佢,等阿政仲話佢係乜乜好女仔,話時話第
日會唔會又走多個男朋友出嚟架?
「呀!」
「你點呀?」政
「扭親隻腳行唔到呀!」
「我揹你啦!」政
「哦!」
「做乜黑日黑面咁?」
「你做嘢可唔可以顧吓後果?你宜家係女仔嚟架,走去bar同盧碩俊飲酒,我嚟遲d你渣都冇呀,幾十歲人
都唔化!」政
仔鬧老豆..........做乜今日咁惡?不過我又斷撚正,真係聲都冇得出!
「咁我一個人悶吖嘛,一個人響屋企又驚咪響條街行吓囉,點知會撞到盧碩俊嘅啫!」扮可憐
「你悶咪出聲囉!你又唔係唔識阿詩,我哋一齊去睇戲都得架!」政
「傻仔!人哋淨係想同你一個睇戲咋,而且我都想響盧碩俊度收吓料,聽吓蔣泳嘉嘅過去咪跟佢去酒吧囉,
我都冇諗住飲酒,係佢係咁隊我之嘛,結果比佢灌醉咗!」掉轉晒嚟講
「你一個女仔小心d嘛,盧碩俊跟本對你有嘢,你單獨一個人好危險架!」政
「知啦!我依家連初吻都冇埋...........嗚!」
「幾十歲人學人講初吻?」笑
「笑乜嘢呀?我講緊我做咗女仔之後嘅初吻呀,咁就冇咗.................」
「其實嗰個都唔算係你嘅初吻,響camp嗰陣..........」政
「你竟然仲記得?其實你係咪.........」我
「喂!我講事實咋!」政
「事實就係唔可以比其他人知道我哋兩仔爺互咀!」我
「成村人睇晒啦!」政
「仲有呀,唔好以為打兩吓沙包就覺得自己好好打,盧碩俊貓咗咋,記住以後唔準同人打架!」
「我唔會輸嘅!」政
「唔?」
「我唔會比你有事!」政
「懶型!」我
不過衰仔又真係幾型嘅,今日嘅阿政終於似返個男人啦,可以保護到女仔,以後響佢身邊嗰個女仔
一定好安全好幸福!
「等等!你走咗過嚟咁阿詩點呀?」我
「我.......話要睇睇你,我叫佢自己一個睇住先...........」政
「傻架你?咁樣扔低個女仔響戲院門口都得嘅?」
「都係你啦,如果唔係你有事我都唔會掉低阿詩一個!」政
「就算真係要救我都可以拖埋阿詩嚟架嘛,咁樣對女仔都得!」
「又好似係............」政
依個白痴仔!不過........呵呵嬴咗啦,阿政為咗我扔咗阿詩響街邊,單詩詠!依家一個人企響街邊嘅滋
味係點呀?哈哈!
「你笑乜嘢?」政
「吓!乜我有笑咩?」
「阿詩咁慘你仲笑得出,我咃依家搞到一鑊泡都唔知點同阿詩講!」政
「比個電話我!」我
「做乜嘢?」
「打比阿詩!」我
「做乜唔用自己嗰個?」
「叫你比就比啦!」我
「嘟、嘟!」
「阿政!」詩
「我呀,阿嘉呀!」
「阿嘉你冇事嘛?」詩
「冇事啦!因為頭先咁樣.........所以咁樣...........好彩阿政乜都唔理走嚟救我咋,宜家冇事啦!」我
「不過我扭親腳,阿政宜家揹住我送我返屋企,佢過唔到嚟架啦,咁啦!聽日我同阿政一齊過嚟陪你
興祝生日吖!」我
「咁...........」詩
「你都早d返屋企啦,我哋聽日見啦!」
「咔!」
「比返你!」
「阿詩冇乜嘢吓?」政
「冇嘢,不過我哋聽日要同佢補祝返生日,(其實聽日先係正日)同埋我哋要同佢道歉,一個女仔嘅生日比
我哋兩個搞到一鑊粥!」我
「乜你都會唔好意思嘅咩?」政
「講多次?喂有的士呀、的士!」
蔣家大宅:
「好啦,你唔洗落車直接搭返屋企啦!」
「講乜呀?你隻腳整到我扶你入去啦!」政
「飲到紅卜卜又整親隻腳,佢哋會唔會以為我哋醉酒打架呢?」我
「依~~~~~」
「阿嘉、子政!」
「蔣uncle!」政
「爸爸..........」