(爸爸no.1)我老豆係口靚妹: 阿政no.46
阿政no.46 二人的年宵花市(2)
「我哋響依邊呀!」
「澄澄?」我哋
「歡迎嚟到我哋嘅檔口!」班長姐姐
「你哋真係幫袁澤守睇檔呀?」嘉
「阿澤話佢哋唔夠人我哋咪嚟幫手囉!」澄澄
「有兩個friend臨時有事嚟唔到,好彩有澄澄同阿葵過嚟幫手咋!」澤
「嗰兩隻嘢唔嚟仲好,有兩位美少女響度都唔知幾好生意,d貨都差唔多賣晒啦!」看檔哥哥
「哥哥仔你真係識講嘢啫,好!一點前清晒d貨去慶功!」澄澄
「阿嘉阿政同我買返隻啦!」班長
「唔好淨係幫班長買,幫我買兩隻!」澄澄
「咪又係同一檔,而且我都冇手拎啦!」嘉
「你後面有個書童嘛,兩隻!」點解佢哋知我做咗書童架
「阿嘉!聽日我哋會去你屋企拜年,初一見啦byebye!」澄澄
「澄澄好似好開心!」我
「梗係啦溝仔嘛!」嘉
「其實我覺得澄澄唔係需要一條仔而係需要朋友,同埋佢冇你哋講得咁恐怖!」
「你識佢幾耐吖,F.1、2嗰陣成個惡霸咁完全自我中心,乜都自己啱晒,其他人全部都係衰人,同佢唔啱
唔夠人講就暴力解決,最後咪冇晒朋友囉,就算依家努力洗底,知心朋友都係得DaDa一個!」
「所以佢想識番d新朋友唔想比人知道佢嘅過去?」我
「世界有70億人冇可能所有人都圍住你轉,澄澄都大個啦,所以都應該知道乜嘢叫包容!」嘉
「咁咪好囉以後你就小個敵人啦!」
「兩睇啦!人越大就越識得包容妥協,但不斷嘅妥協就會將自己條底線越set越低,到最後只會成為一個冇底線
嘅人,當你老細話啱嗰樣嘢你夠膽話錯咩?當有權有勢嘅人將d嘢掉轉晒嚟講你夠撚出聲咩?咪又係好似成隻
狗咁擺晒尾,好似噹噹咁替人出頭?幫老細踩多你兩腳就會!」嘉
「你以前係咪好唔開心?」我
「嗯!以前成日同自己講為咗屋企乜都可以做,為咗錢除咗老婆仔女之外乜都有價講,連祠堂(自己條J)都可以賣
埋出去,結果真係輸咗成頭家,連條J都冇埋!」嘉
「但自從做咗女仔日日讀書返學,成個人反而清醒咗,原來做人有小小原則、小小理想、小小自我中心反而開心咗,
唔洗做每一件事都係為錢!」嘉
「我覺得你變咗!」
「人一定會隨住年月改變架,三歲嘅你同依家嘅價值觀都唔同啦!」嘉
「唔知我第日大過會變成點呢?」
「只要有一顆赤子之心同守住你條底線你點變都仲係張子政!」嘉
「嗯!」
「喂!無啦啦講乜鳩人生道理呀?買嘢啦!」嘉
***********************************************************************
「咁快就12:00嗱?應該好快有人倒數!」嘉
「其實嚴格嚟講11:00已經係子時,農曆新年一早已經過咗啦!」我
「嚴格嚟講你條柒頭應該響屋企打飛機唔好出嚟,冇嚟浪漫!」嘉
「倒數倒數!」我
「倒數遇埋我哋!」成班人啱啱到
「今年新年好熱鬧,係啦上年你哋新年點過?」嘉
「同屋企人一齊!」全部
「竟然全部咁乖仔乖女?噹噹你呢?」
「................」冇出聲
「唔好講啦,過到旺角都成點啦走啦!」茵
「我都要走啦!」小柔
「我送小柔返去,陣間揾你哋!」我
「等陣!得你兩個孤男寡女有d危險!」嘉
「又點呀?頭先咪又係孤男寡女咁過嚟!」小柔
「咁你一齊啦!」我
「.....................」
係喎!陣間會見到媽媽同陳uncle,睇佢個樣死都唔肯見佢哋兩個架啦!
「我陪你哋喇,陣間十吓十吓唔見咗個妹我真係笑啦!」噹噹
「唔洗啦!」兩兄妹
「要嘅!得你哋兩個阿政又唔知會比人帶咗去邊度,多個人我都安心d!」嘉
「行啦,我仲要唱K架唔好阻住我,早去早回!」噹噹成個的起小柔走咗,真係好粗暴
12:50 東涌線
「仲有兩個站就到青衣,真係要走啦!」小柔
「真係好似唔想返屋企咁啵小妹妹!」噹噹
「瞓醒覺聽日咪又見到我哋,乖啦!」我
「你忍阿嘉咁耐都係想逗利是啫,抖足精神啦小妹妹!」噹噹
「唔好小妹妹前小妹妹後,噹噹你都係大我兩歲咋!」小柔
「但係我覺得小柔好似細你好多!」我
「小妹妹!」我哋兩個係咁掃佢個頭
「你哋兩個......」
「係啦,陣間你哋記得問爸爸媽媽攞利是,初一二你都見唔到佢哋!」小柔
「你就好啦咁快有利是收!」噹噹
「係啦其實哥哥你可以跟我一樣叫爸爸架!」小柔
「唔洗啦!」我
「唔怕啦你爸爸都已經死咗,就當有多一個新爸爸!」小柔
「喂!政仔爸爸走咗冇耐唔好講依d嘢,而且每個人都只得一個爸爸,唔好逼政仔叫!」噹噹
「我都唔係咁嘅意思!」小柔
「我知!不過我都係想叫返你爸爸做陳uncle!」
「知道啦!」小柔
突然間感覺好似同噹噹心靈相通,可能我哋都有相同嘅家庭背景,而且屋企都出咗問題!
其實爸爸同特首響某方面嚟講都幾相似,大家都係冇得揀,無論好定唔好又或者幾難頂你都要硬食
,就算想同佢心平氣和講道理,佢都係一句This is an order 睬你都有味,講多兩句直頭一嘢車埋嚟!
不過就算幾難頂、就算有好佢十倍嘅人關心你,你都唔會叫嗰個人做老豆啩?究竟依種係叫親情定戇鳩呢?
「爸爸媽咪!」
「阿政辛苦晒你,要你成晚睇住小柔!」陳
「我好乖架!」小柔
「乖!不過成日四圍走要我捉你幾次返大隊啫!」噹噹
「嗯!你係..........」
「我叫趙語聆!係阿政嘅朋友!」
「正確嚟講應該係同學,我哋讀同一間學校!」我
「乜嘢正確嚟講?朋友唔係親密過同學咩?」噹噹
「我想講清楚d嘛!」
「你哋真係好夾,你就係阿政嘅女朋友?」陳志聰
「好夾?女朋友?」我哋
「唔係呀志聰,阿政嗰個女朋友係另一個女仔,不過我覺得你哋兩個仲襯,好過嗰個女仔多多聲,小妹妹你諗諗佢!」媽媽
「政仔你媽媽又幾open嗰喎,第一次見面就要我哽咗你,仲要你飛埋阿嘉,睇嚟佢哋兩個都幾大仇口!」細聲(噹噹)
「可能依d就叫無仇不成夫妻啩?」細聲(我)
「噏乜春?」噹噹
「係啦比咗利是你哋先!」媽媽
「新年快樂!」
「阿聆,如果有時間多d同阿政嚟我哋屋企,小柔成日一個人好悶,有你依個大姐姐響度佢一定好開心!」媽媽
「噹噹都幾好人嘅!」小柔
「噹噹?」媽媽
「拜拜!」
「走咗啦,我哋都要去旺角揾返佢哋啦!」我
「不過我仲想買d嘢!」噹噹
「買乜呀?」我
「桃花........」
「買嚟做乜?」我
「買嚟食呀!梗係買嚟擺啦!」噹噹
「估唔到你都興依味嘢!」
「乜呀?桃花好似話可以增強桃花.........係吸引力?唔係唔係,係改善人際關係,即係可以改善家人朋友同學
貓貓狗狗關係咁囉,你明唔明我講乜呀?」其實你明唔明自己講緊乜
聽講桃花好似可以增加人緣運,噹噹應該係想佢爸爸媽媽可以各好如初,可以改善佢哋兩個關係啩!
其實噹噹一直都想見返佢爸爸,或者依個就係佢嘅新年願望!
「不過點解你唔早d買?」
「本來響維園諗住買架,不過太多人買唔到!」噹噹
「邊有人去維園買架?你又唔係揸車真係買到都抬唔到返屋企啦,一般人都係早幾日響屋企附近買架!」我
「咁聽日先啦!」噹噹
「聽日初一乜都冇得賣啦,要買就一定今晚買到去花墟啦,依家一點嗰度應該冇咁多人!」
「你陪我去?」噹噹
「梗係啦唔通得你一個女仔咩!」我
就係咁樣行完維園之後我嘅第二個節目------------又係行花市!
唔知係咪天生毒撚命?年三十晚應該係一大班人行年宵嘅我都係得兩丁友,維園嗰次就只係同阿嘉兩個人一齊,依
都係得兩個人,就係同噹噹!
有時真係幾羨慕人哋一大班人有講有笑咁行架,不過兩個人亦有兩個人嘅好!
好!行完維園之後我同噹噹轉戰另一個花市-----------旺角花墟!