(爸爸no.1)我老豆係口靚妹: 阿政no.1

萌父X毒子

我,張子政,17歲,仲有三個月就18歲,但係仲好似細路仔一樣,乜嘢都唔識,乜嘢都要人幫,家頭
細務唔識,游水打波,唱K乜都唔識,學業叫中等,身體比較差,細個有哮喘,呢兩年先斷尾,朋友唔
多(可以叫做冇),平時嘅娛樂就係響屋企上網打機,冇錯,我就係你哋口所講嘅毒撚.(我就係林
重恩中學6A班5毒之一)

有冇鍾意嘅女仔,當然有啦!但咁又點,我有膽識人咩?有膽又點,我有資格咩?
人哋係no.1女神(我哋學校有個女神榜),有錢女,溫柔,可愛,係我哋全校男生一致選出嘅完美女神.





係呀,我暗戀嘅對象就係,林重恩中學top one女神----蔣泳嘉.

大想頭呢?想吓唔駛死吓?但係如果我可以同蔣泳嘉做到朋友(只係朋友啫,冇其他企圖.)

我嘅人生應該會多返d色彩.依家?人生係灰色,因為老豆死咗,媽媽走咗,得返我一個.

其實我一直有個預感,當我五六十歲時,老豆阿媽死啦,我就會永遠一個人毒響屋企.但係會唔會太
快呢?18歲都未到要過呢生活......

好倦,好眼瞓,好hea,真係乜都唔想做,連返學都唔想.




如果老豆喺度,佢一定兜巴扯埋嚟,打醒我,不過永遠都唔會再有啦!

雖然話爸爸媽媽各有各忙,好少理我,而爺爺奶奶死後我大多數自己一個,但係佢哋點都會返吓
屋企,但依家永遠唔會再有人返嚟,永遠都只有我一個......

"好肚餓......"

原來我成日都冇食過嘢,唔怪得手軟腳軟啦,落街買d嘢食......

"咔!"




"阿政!"
"蔣泳嘉!"
好似女神下凡打救世人一樣,我嘅內心都溫暖起嚟.

就似見到親人一樣嘅溫暖,要安全感,

"命運女神"----我可以咁講,我嘅人生將會由呢一刻,和阿嘉接觸嘅呢一刻徹底改變.