(爸爸no.1)我老豆係口靚妹: 爸爸no.5

"阿政,你識我?"
"唔......你......你係我哋學校學生嘛!"震吓霎震下.

"對唔住!其實你爸爸係同我一齊跌咗落樓,對唔住!"

對乜撚嘢啫,根本我先係受害者,不過唔咁講,我就冇辦法接近阿政.
阿政,你唔好激動得掃我出街呀!"

"你就係同我爸爸跌落街嘅女仔?"





冷靜冷靜~~阿政你冷靜.

"唔關你事,你唔好放響個心度." 笑笑口.

"???"
唔關事?你知唔知係佢扯我落街架,衰仔!

"其實爸爸同媽媽離婚,所以佢先上天台,其實你有冇響度佢都會自殺架啦!"

嘩!我幾時有話過去死呀,你個衰仔~~





"哈......哈......你都幾清楚你爸爸d嘢嘅喎!"

"係呀.....哈......"

仲係?仲哈?死老豆你仲笑得出?
咦?點解佢面紅紅嘅?"
你唔係.....睇中咗我吖嘛?

你話吖,生仔吖,生仔吖,生着呢d衰仔,條女索d啫,連老豆姓乜都唔記得,連殺父仇人都可以哈哈哈.




我真係想打鳩佢!不過忍住,慢慢至同你計,入咗屋先.

"我可以入嚟嘛?" 可愛.
"呀!可以,入嚟食杯嘢!" 面紅紅.

"嘩!邊撚度嚟架!" 大大聲.

我應該係身處旺角嘅屋企,但點解好似去咗將軍澳嘅?~~~~成個堆田區響我前面呀你老味.

"你有幾多日未揼過垃圾?"
"......冇......冇,,,,,,!"
"有幾多日未出過街?"
"呀.....,呀......"
"望住我!"
"啪!啪!"





我扯咗佢兩巴,佢呆咗一呆.

"醒d未?醒呀!十日啦,夠啦!hea過啦!要重新起步架佢!"

"雖然發生咗d事,但你係男仔呀,男仔呀,唔可以縮響屋企架,知道嘛?"

我捉佢住膊頭係咁fing.

"知,,,,,,知,,,,,,道,,,,,,啦!" fing 到佢出唔到聲.

"精神d啦!放心啦!以後有乜事,我響你身邊,你搞唔掂嘅,我幫你頂,ok!"

"好,洗過臉,跟住同我入房!"





"同你入房?你想做d咩......" 又面紅紅.

"乜嘢呀?入房準備聽日返學d嘢呀!"

"咁你呢?"

"執屋!你入房唔好阻住我,我要大清潔!"

有錯,我要將呢頭家重新變之前嘅一樣.
一個小時,以我嘅實力都要一個小時,真係吖!

"阿政!俾條鎖匙我,我要落街買餸同日用品,係呢!你想食乜呀?"

"是......是但啦!"
"ok!我話事!"





食完飯(好耐未兩仔爺一齊食飯啦),洗完碗,都要走啦,始終我都係蔣泳嘉,唔可以過夜.
"我聽朝接你,早d瞓啦!bye."