(爸爸no.1)我老豆係口靚妹: 爸爸no.15

爸爸no.15


「嗱!咪幾型!」
「我以為會剪到我變傻仔!」

「傻仔!人哋pro架,真係我講一句就剪到你變柒頭咩!」
「行啦!去買衫啦!」
「仲要行?」





「買唔到衫今晚冇得返屋企!」
「吓?」

同阿政行街買;衫,已經有好幾年未試過,以前細個我買乜嘢衫,
佢一定要著,我鍾意乜嘢style,佢一定要跟,冇得say no.

但係18歲啦,仍然冇主見,同10歲嗰陣一模一樣,比着我15歲
都未同過老豆老母行街買嘢,做乜都係自己一個,唔需要人幫手!

但係好似同阿政一齊行街嘅光景,我同我爸爸好似真係一次都




未試過!雖然一齊住,亦有比家用,佢哋生活得好好,但同枱食飯冇

講嘢,出街飲茶自己做自己嘢,從來冇聼爸爸心事甚至爸爸臨終
前一刻我都唔響身邊.(爸爸臨死前會唔會掛住我呢?)

成日話哥哥一走了之,我就頂住屋企,但除咗經濟方面,我都冇關心
過身邊嘅人,包括阿政.

成日話阿政要成熟D,似返個大人,但到佢真係長大成人,有自己家庭、
兒女,佢仲會同我傾計咩?講多句都嫌煩,到時打個電話都驚煩到佢.




阿政你可唔可以永遠都咁單純,永遠都留響我身邊,唔好走!

「你做乜定咗型呀,你都會hand機?」
「咦!做乜眼濕濕?」
「商場有沙?」

「咚!」
「哇!做乜打我?」
「同我入厕所換衫,快!」
「吓!返到屋企先啦!」

「我要宜家睇你個look呀,快!」
「嘩!咁咪幾好,你睇吓!」
「型型嘅頭髮,靚靚嘅衫衫,正正嘅褲褲,仲有貴貴嘅鞋仔!」





「你睇吓!成個唔同晒,以後出街唔會失禮我囉!」
「原來係咁!」
「咩.....咩嘢呀,都係為你好咋,你身上著咗幾千蚊架,加埋
個袋嗰D成萬蚊呀,對你唔好!」

「錢唔代表一切架!」
「咁你比返一萬蚊我啦!唔係一切!」
「我邊有咁多錢呀!」

「咁邊個啱呀?」
「你啱,我錯!」
「哈哈哈哈哈~~~~」
爽呀!有錢真係好,有錢人真係大撚晒,講乜嘢都係啱,哈哈哈!

「咦?好似仲差小小!」




「乜嘢小小?」
「眼神呀!死魚眼,好似死老豆........大吉利是!」

「咁我最近又真係死咗老...........」
「咚!」
「哇!又嚟!」
「玩嘢呀?大大個企咗響你面前呀,死!同我醒少少啦,快!」

「點醒法呀?」
「好似嗰條撚樣咁chok吓個樣囉!」
「嗰條撚樣?好撚扮嘢喎!」

「好個你連扮都唔識吖!喂,快D!」
「咁樣得唔得呀?」
「白痴!」




「咁樣呢?」
「MK!」
「咁樣得啦掛?」
「潮童!」
「咁........咁........?」
「死gay佬!」
「咚!」
「哇~~~!」

「冇嘢啦,返屋企慢慢練啦!」
「咁樣得唔得呀?」
噗.....噗!死仔,做乜整個咁型嘅look出嚟,直情林公子
上身.......型到爆!

「...............」




「做乜定咗形?」
「冇-----嘢!」

咁咪好囉!充滿自信,目光如炬,真係成個唔同晒,行出嚟一定
溝死女,不過個feel好熟,好似響邊度見過,不過算啦!依家嘅阿政
真係只要係女仔都會望多兩眼.

(阿政個樣唔差,不過得172cm又真係婑咗D,如果再高D一定
冧死女)

「唔好望住我啦,好似睇怪獸咁!」
「咦?你塊面好似紅紅哋!」
「呀!好熱呀,好熱呀!」

「12月都嚟都叫熱?」
「乜冬天唔可以熱嘅咩?我身體健康......乞嗤!」
「真係好健康吓!」
「衰仔!」
「咚!」