(爸爸no.1)我老豆係口靚妹: 阿政no.8
阿政no.8
我,張子政,是夜星期三,瞓響張床度用平板睇動畫,(做完功
課,休息一吓啦!)依個就係我嘅日常生活,不過我嘅日常生活
依家有小小小小改變,真係小小小小,嗰個小小就係響床上嘅
另一邊,趴響度 “咯咯咯”食緊薯片,一片腳fingFing,一邊響度
睇電視嘅女仔.
嗰個女仔就係我爸爸,嗯!依家應該稱呼佢做蔣泳嘉!阿嘉只會
上綱download節目及劇集嚟睇,電影佢話太冇深度,全部都係D
C9八婆垃圾低能白痴膚淺濕鳩劇,唔啱佢D尊業人士喎!所以
佢都好小睇電視,但總有一兩節目會睇嘅,依家佢睇緊佢最喜愛
嘅節目-----------「賽馬直擊」
「薄荷糖,薄荷糖!」
就好似細路仔睇超人一樣,手舞足道,佢真係好緊張,其實佢都未夠秤,
都冇得落注,我都唔知佢緊張個乜?
吵吵鬧鬧,不過我帶咗headphone,算啦!
睇住阿嘉,雖然只係一個口靚妹,但舉手投足就同以前一樣,有住老豆
嘅影子.講返琴日阿嘉叫我chok過型look出嚟,其實我係扮佢咋
(張俊雄).
我最深刻就係爸爸嘅堅定目光,響危難中(嫲嫲交通意外死同媽媽犯
官非),嗰時屋企真係亂晒,即使媽媽話自己係女強人都冇晒主見,不過
有爸爸響度最後都能解決.
爸爸比我嘅感覺就好似未來戰士續集嗰個機械人咁........我係咪好細路?
樣我可以扮出嚟,但我咁細膽,我點保護人喎?如果第日我有老婆仔女咁
點算?(有先算啦)
「薄荷糖,薄荷糖,快快,頂住呀!流鼻血都要頂住呀,哇,我屌!」
「卜!」佢一手蚊咗我個headphone
「薄荷糖!」嘉
「輸咗?」我
「贏咗!」嘉
「贏咗你又屌!」大聲
「贏咗唔屌得嫁?我都冇得落注,贏咗關我鳩事,成40倍呀!
1000蚊x40000蚊呀!」好激動
「算啦,你都落唔到注,唔好睇咁耐啦,太興奮你瞓唔到覺啦!」
「貼中咗冇錢收我就真係瞓唔着啦!」
「你宜家都大把錢啦,嗰小小錢算啦!」
「李十X夠大把錢啦!你同佢講交小個月管理費,睇吓佢小唔
小柒你,小小算,小柒你就有!」
............唔理佢,睇嘢!
「嗯嗯嗯!」
「卜!」佢又蚊我個headphone啦!
「阿政,你係咪年尾生日?」
連自己個仔幾時生日都唔知!
「我1月27日生日,係出年年頭,唔係年尾!」
「我話農暦年尾呀!你年年都係大約嗰頭生日啦!」
大約!連個仔生日都可以大約,不如你淨係記得我冬天生日算啦!
「1月27日係年29,算係年尾啦!」
「唔!咁我要準備吓!」
準備?生日會?冇錯阿嘉同我同一間學校,依家佢只係一個學生,
應該唔會話好忙啦,另外阿詩佢咃都可能會嚟!
「阿政!生日嗰日.........」
「係!」
「同我開個投注寶!」
「投注寶?」
「唔!你18歲成年啦,可以幫我落注!」笑得好開心
「仲有呢?」
「仲有,股票戶口,我有500萬私人存款,我會過100萬嚟你
戶口,大炒特炒,不過比較多手續,慢慢嚟!」
「冇啦?」
「你仲想要乜?」
「生日呀,我生日呀,嗯.....興祝......」
「哈....哈...唔撚係嘛?你幾大呀?生日仲要興祝,洗唔洗買個蛋糕
同你一齊吹蠟燭呀?」
我真係諗住有得吹蠟燭...........
「到你有錢嗰陣,日日都係生日啦,到時成班擦鞋仔爭住同你興祝,
大班女同你吹蠟燭,你支嘢想着番都難!哈哈哈!」
「...............」黑起塊面
「我講錯D咩..........」
「出去睇啦,賤格佬!」
「哇哇!我份馬經.........」
「嗱!」「叭!」「嘭!」
乜嘢乜嘢好父親-------------delete!
乜嘢乜嘢頂住頭家--------頂你啦!
你真係同我死多次,唔好返嚟啦!
自從8歲之後,佢就冇同我過個一次生日,年年都係爺爺嫲嫲
,媽媽同我過,但自從爺爺嫲嫲死咗,媽媽時間又唔啱,(佢做
空姐)好似有4年生日都係自己過!
「最後二百米,帶頭嘅係卓爾名駒!」
「...................」
「卓爾名駒,卓爾名駒,卓..............哇,我屌!」
又屌...........
「喂!可唔可以細聲D呀?」
「又贏咗!」
「你老味!」
「呵呵!有人冇得興祝生日,搵我嚟出氣!」
「我邊有喎!」
「我就晚晚嚟陪你,你就掛住蛋糕,禮物,party,同D死港女
一樣---------膚淺!」
「你有鬼陪我,睇住隻馬之嘛!」
「我睹馬洗嚟依度?我返九龍塘間大屋唔好,洗響依間房仔!」
「咁你咪返九龍塘囉嗦嗰度屋又大,又有工人,又有泳池,唔
洗留響依間屋仔啦!」
「好呀!走咪走囉,哼!」
「嘭!」
喂!真係走咗?又係我唔啱,次次都要我就你,我張子政都會發
脾氣,都會唔開心架!
點解次次都要我就你,點解次次都係做仔嗰個就你?
我又唔係要咩蛋糕,又唔係要咩禮物,乜嘢擦鞋仔,乜嘢索女
關我叉事咩?我只係想有個家人陪我過生日之嘛!媽媽已經
有自己家庭,我依家只得你一個親人咋!
其他家庭嘅爸爸究竟係點嘅呢?
乜嘢爸爸嘅影子,根本就係廢話,我爸爸根本就係一個自私嘅人!
唉.........好靜!阿嘉走時將電視熄咗,真係好靜,又返到去只係得我
一個嘅空間!
8:00pm,好早......今日早D去餵貓,同貓仔傾計,唔好理嗰個人D嘢!