阿政no.12            我的朋友


嗄.........嗄!我係阿政,我依家身處獅子山腳,時間大約兩點,我哋今日一行三人
行山!
一點鐘由補習社出發,冇錯,我哋三個都係同一個補習社,亦係同班同學,人稱6A
5子嘅其中三人!

我朋友唔多,響班上只有四個稱得上朋友,其中阿澤算係我哋嘅首領,不過佢六、日
都要揾錢,而且佢咁勁,邊洗補習吖,所以除咗學校,我哋都好小見到佢!




另一個阿原,算把啦!若果阿澤係最勁嘅毒撚,咁阿原就一定係最柒嘅毒撚!

外型?靈長類囉,遠睇宦應該分辨到係人類嚟嘅!長相?有五官囉,有頭髮,識講嘢咁啦!外表嘅嘢,睇慣咗就冇嘢架啦!
好似鐵血戰士咁,開頭幾恐怖,睇睇吓咪幾型,我屋企都有隻figure.

不過性格就.........除咗學校,從來冇人見過佢響香港任何地方出沒,屋企------應該係
佢唯一棲息地!
響學校,我哋都好小同佢傾計,多數一個單字,一句說話就搞掂,溝通得最多就係響綱上,online game ,facebook,討論區成日吹水,其實阿原,我都分唔清佢係朋友定綱友!

至於我-----張子政,外表正常,性格正常,行為正常,喜好正常,一切正常,只不過..........




冇人知道我正常咁解!因為都冇人同我講嘢,可能我內向啦!唔識表達自己!

所以慢慢咁就冇人同的講嘢,由其係我嗰班,嗰班全部都係仆街、人渣!佢哋最鍾意玩人,所以我盡量唔理佢哋,但係佢哋仍然玩我,乜嘢沉默的鳩頭、靈體同學、隠藏
人物............

不過到至為止,我唔會再沉默,我唔會原地踏步,依18年嚟我冇做過嘅事我都要一一做返!依家最重要係入到大學(最好科大)所以嚟緊考試要考好D........

「喂!定咗型,吸收緊天地靈氣呀?」
「呀,唔係!」





嗱!依個肥仔叫阿汁(花名)因為佢一見到女仔就會濕晒,(出汗咋)真係多水多汁,
阿汁係屬於早熟、思考型嘅人,(思考型即係唔講嘢啦)佢興趣係砌嘢,模型、場景、魚缸、水陸缸、盆景乜都砌!我哋今日主要係陪佢搵青苔、木石材料!

佢希望讀嘅系都係同環保、植物有關(農務系佢真係想讀),其實阿嘉之前問我
大學讀邊一科,我都係跟阿汁,(果時我都冇諗過,所以隨口up)
不過我真係有諗過跟佢齊,有照應嘛!但依家唔會啦,我希望讀自己喜歡嘅科目,
生果蔬菜我都唔係咁鍾意!

「嗶嗶!」
阿嘉whatsapp 嚟

              龍騰虎步上獅山!
              雞毛鴨血冚家鏟!
              死死死死死死死!
              凸凸凸凸凸凸凸!





好大嘅殺氣,好大嘅恕氣,發生咗乜事?我得罪咗佢D乜嘢?琴晚仲好地地有講
有笑,今日一句說話都未講過...............
唔係又M到話?

「嗶!」又scan張相嚟
佢哋四個坐響M記,個個都伸出隻中指問侯我!連阿詩都.........
不過睇佢個樣,萬般不願意,應該係被迫,不過阿詩,其實你有冇諗過你已經誤交
損友!

「咦?嗰4個姐姐好惡喔!」
「嗰D唔係姐姐,係叫妹妹,佢哋全部15歲,個個都細你兩三年,同埋傑仔,可唔可
以似番一個18歲嘅大人呢?」
「吓?」可愛嘅表情





唉!傑仔(趙靈傑)係我方識得最耐嘅同學,F.1已經同一班,其他人稱呼我哋係青梅
x馬,喂!青乜嘢梅呀?又唔係小學幼稚園識,中一至識之嘛,同埋兩個麻甩佬..........

咦!叉咗去邊?講番傑仔,外型------可愛,女仔嗰種可愛,依家好D第一眼望落去你要
十幾秒先分辨到佢係男定女,雖然最後好多人都以為佢係女..........
但響F.1嗰時真係所有人都認定佢係女,打死都唔信佢係男------------所以宜家好好
多啦!

身高166,纖幼身材,性格怕羞,細膽易喊,冇主見!再加上佢比同齡人士生細幾年,
冇錯,18歲嘅佢睇落好似十四、五歲嘅女仔(13歲似D),以上種種,你哋都會得出一
個結論:佢係一個百年難得一見嘅好恰、好玩、好蝦嘅對象,絕對滿足到變態虐待狂嘅理想獵物!

F.1嗰時,我同佢比人玩到攬埋一舊咁響度喊,F.1至F.3...........
我哋好似妹仔咁受盡折磨,諗起都打冷震,咦?點解會無啦啦諗返起D咁可怕嘅回憶........





不過比起傑仔,我已經好好多,F.4跟咗阿澤之後,已經冇比人圍,只不過當我穩形!
至於傑仔,唔知邊個咁大整蠱,竟然話佢係4A最索嗰個,(今日嘅6A即係之前4A,
阿嘉都話6A全部都係怪獸)

一個男仔竟然秒殺成班女,(如果嗰班河馬犀牛都算係女仔嘅話),你話嗰班雌性會點?自尊心化成恐怖襲擊,所以傑仔依6年都受盡欺凌.
女仔對佢嚟講只係恐怖生物,冇錯,傑仔有嚴重嘅女性恐懼症!

但傑仔都係男仔,都會對女仔有興趣,但只限於二次元,因為只有二次元女仔先有善良嘅一面,現實嘅女仔.........太現實、太恐怖,以我嚟講,我身邊除咗啱啱識嘅
阿詩,其餘嘅............

「死港女、死港女、死港女..........」
「喂!棵樹比你踩死啦!」阿汁

「唔係又有咩幻覺呀?政!」傑
「唔係........只不過諗起一D可怕嘅回憶!」




「幾可怕都好,四個月後都會成為過去!」汁

「阿政,你決定咗讀邊一系未呀?」
「我.......應該唔會跟你,可能會讀電子工程.......」

「咁咪好囉!我幾驚你跟住我!」
「你好似好唔想見到我咁喎!」
「當然唔係,不過我嗰科真係唔啱你,如果跟住我可能害咗你!」

「雖然以後自己一個人孤獨D,不過見到你行啱條路就乜都冇所謂啦!」

阿澤雖然響硬件上係無敵,但心態其實都係一個細路,但阿汁雖然外表、能力一般,
但內心卻好成熟,好似一仍個大哥哥,關心我同傑仔、阿原,其話阿澤係領袖,
不如話阿汁係仲似D!

之前我話我人生中一個真正朋友都冇,其實都唔啱,阿汁可以講係我最好朋友!
不過大家都係內向嘅人,又係麻甩佬,所以都好多嘢冇同佢講..........

「電子工程?」傑
「係呀!」
「好呀好呀,我都啱呀,下一齊一齊!」

可能太開心啦,又變咗女仔聲,其實佢內分泌係咪有問題?
「傑仔以後就交比你啦!」
「吓!我?你估我係阿澤咩,我自己都顧唔掂!」

「其實你強過阿澤!」汁
「邊方面?」
「各方面,只係你自己唔知啫!」

太睇得起我啦,不過混混沌沌嘅日子要過去另啦,仲有幾個月我就係大學生,
(考到嘅方話),以後人生嘅難關都要自己解決,唔可以要佢再為我素操心!

「我自己能力所限,但係我都會做到能力範圍最好,響大學生活,我將會以全新形象出現,唔再做毒撚!」汁

「我要做男仔!」傑 (你一直都係男仔)

「唔知十年之後,我哋會唔會再行獅頭山,仍然係朋友呢?」我

「條lan線冇斷,我哋一定保持聯絡!」傑
「好!十年之後我哋要再行一次獅頭山,到時我哋全部都唔係毒撚!」汁

「嘩~~~嘩~~~嘩~~~」三條傻佬大叫



原Whatsapp:        「政:你哋張合照可唔可以key埋我?」



 
已有 0 人追稿