(爸爸no.1)我老豆係口靚妹: 爸爸no.17
爸爸no.17
「依件、依件、嗰件,喂!比D意見啦!」
「你已經買咗好多件啦,大小姐!」噹噹
「平吖嘛,你睇,全部一百蚊件都唔洗!」
「不過多到要我哋同你攞埋,好似妹仔咁!」茵
「但我好耐未買過衫嘛!比我買多小小啦,而且阿政喜歡少女味.........」
「為仔死為仔亡!」噹噹
我理得你哋up乜春,不過真係好平,以前我買D見得人嘅西裝都要幾千蚊,而家,
雖然話係冇牌子,但係d cutting,款式真係多到...........
嘩!真係想成個場掃返屋企,我依家終於相信依個世界係為女仔而創造,男人-----
衫得一兩種,髮型得一兩種,(都係短髮)乜嘢都係得一兩種比你揀!
但係女仔,成個場都係你架,(你有錢嘅話)衫、褲、裙、鞋仔、帽、首飾、包包.........
「嘩!手機套呀,我要同我D手機換新look.........」
「喂!有冇人可以制止吓佢呀?」噹噹
「打暈佢吖不如!」茵
「阿嘉夠啦,我哋四個人八隻手,攞唔到咁多呀,下次先啦!」
「咁......下次你要陪我喎!同埋下次係幾時?」
「下星期,下星期!」詩
「不過可唔可以買埋bar 同 under?我已經兩個月冇買啦!」
冇錯,自從成為蔣泳嘉之後,我都未買過bar,到底點揀呢?乜嘢cup呢?正好搵佢哋幫吓手!
「依條、依條、嗰條、依個.........」
「十幾條呀你老闆,係咪用完即棄?」噹噹
「under好輕之嘛!」滿足滿足
「嘩!大奸收穫!」
「我哋就大大鑊,好重!」噹噹
「咦?你哋買咁少?」
「乜我哋仲有手攞咩?」茵
「同埋我哋係學生,冇錢買咁多!」詩
「咁我送幾件比你哋!」
「唔好用錢嚟撻我哋,仲有衰女,講錢失感情!」噹噹
「哦,對唔住!」
以前我D靚,有著數就走埋嚟,冇著數就走鳩晒,但係依幾條靚妹........
真正嘅朋友真係要響學生時代搵架,希望以後我哋都係好朋友啦!
「咁我請食嘢可以啦卦!想食乜?」
「唔!M記啦,我想食薯條!」茵
「開飯!」
「呀!終於可能坐吓啦!」噹噹
「我哋11點行到依家,3個鐘啦啦隊」詩
「唔兩點幾啫,陣間我哋去邊?」
「返屋企!」三個
「吓!咁早?」
「食完嘢返到屋企都四點啦,聽日仲要踩單車呀.放過我哋啦!」
「................」
「有人好似好寂寞喎!」
「咕.........」
「阿政去咗邊?」茵
「行山!」
「行山?我都想去!」詩
「山都好行?」
「如果唔係太多石級,平路嘅話我都想去,不如下次叫阿政帶隊吖!」詩
「我又去!」茵
「大小姐唔去唔緊要,有我哋三個!」噹噹
「我去我去!邊個話唔去呀.......咕.....」
「send 個whatsapp比阿政吖!」詩
「好呀!」
「嘟嘟!」
「send咗乜嘢呀?」詩
「死亡whatsapp!」
「............」
「好!影張相比阿政,各位伸出你哋嘅中指出」我
「吓?」詩
「好!問候吓依個衰人,竟然唔理我哋四個!」噹噹
「1、2、3、咔.........send!」
「好!邊個食雪糕?」我
「仲食?肥死你呀!」
「佢係咪有咗?咁開胃嘅!」茵細細聲
「通常一個人寂寞就會食多咗甜嘢啦!」噹噹又係細細聲
「吓吓頂住晒,食定唔食呀?」
「食!」三個
「嗱!一人一杯........唔........好味!」幸福嘅表情
「肥死你呀!」茵
「其實你有冇check過自己有冇肥到!」詩
「大半磅到啦!」
「一磅就一磅啦!大大大半磅!」噹噹
「以蔣小姐嘅計算準則,應該係去晒厠所,唔飲水、唔食嘢、除晒衫、連最後一口
氣都吐埋出嚟嘅結果!」茵
「可能佢每個月磅一次都係揀病咗、肚痾、M到嚟磅,哈!」詩
洗唔洗咁呀?雖然我變咗蔣泳嘉依個半月真係暴飲暴食,但係都係肥咗大大大大大半磅之嘛..........
等等!個半月肥咗大大大大大半磅,一年咪........
「噗!」
「嘩!你做乜嘢?成杯雪糕反轉咗!」茵
「減肥!」
冇錯,減肥!如果我變成咗肥妹,同阿政出街,佢一定睇唔起我,唔得唔得唔可以呀!
仲有我D衫,肥幾磅仲邊著得落,著到都唔好睇啦!
唔得!我要為阿政同我D衫減肥!
「啱啱食完個加大餐先叫減肥!」噹噹
「仲有嗰半杯雪糕呢,呀!我D薯條都比佢掃咗一半!」茵
「我隻雞翼都比佢搶埋!」詩
「做乜呀?我得罪咗你哋咩,個個圍隊我!」
「依D叫事實!」三個
「同埋你最愛嘅薯片都唔食?」詩
「薯片百力滋例外,其他全部cut!」
「哈哈哈.........」恥笑聲
「喂喂喂!笑咩嘢?我個半月肥咗嗰D,我半個月.......唔係,我一日,聽日踩單車我就會減番嚟!「」
「過勞死呀!」噹噹
「可能佢聽日抄車流足一磅血呢,哈哈哈!」茵
「孫樂茵,吓吓琢住晒喎今日,係咪想打架呀?「」
「哇!噹噹救命,有人要打我呀!」笑笑口
「喂!你哋細聲D啦,D人望住晒啦!」詩
「不過對面有個男仔一直望住阿嘉.........」
「我咁索冇辨.........」
咦?有D唔同,同其他男仔望我嘅眼神唔同,好似相識好耐嘅朋友見返嘅眼神,不過我又唔係真正嘅蔣泳嘉,我識佢氣春咩!
但我嘅第六感(女性直覺?)依個男仔應該同我好熟.........
唔~~~~點解會有一種恐怖、不安感出現..........
「走啦!」
「吓!杯雪糕..........」
「一路行一路食啦!」
「我仲邊有手啫!」茵
「咦!個男仔企咗響身!」詩
「砰!啪啪啪.........」轉身逃跑
「喂!阿嘉!」
好似老鼠見貓,但直覺話比我聽,最好避免同依個人有任何接觸!