[校園][應該純愛][友情]「我想要你，仲有你既世界。」: 疑問

「唉如果真係Cherry就麻煩啦，我一定俾人屌係厹或者笑我係兵。」 

我一路暗屌，一邊快快手做功課，務求盡快離開學校。 

四點鐘我就同我既死黨離開學校，準備前往召喚峽谷。 

由於我住個區同我大部分朋友既區相隔都幾遠下，所以我要自己坐車， 

車程大部分時間我都係靠聽歌同望風景打發時間，當思考人生。 



幾經辛苦終於返到屋企，第一時間就開RC搵班仆街仔， 

點知一開，屌，一個人都冇，成班仆街放我飛機。 

我諗住沖個涼再訓陣先再搵佢地。唔訓由自可，一訓就嚇到我差D瀨屎。 

係夢入面，我收到個Whatsapp，內容係咁： 

「如果個個並唔係謠言，係事實既話..」 



之後有人拍我膊頭，我轉身一睇… 






屌你係肥婆AMY！！！  

之後我就嚇醒左，自出娘胎以來第一次覺得現實真好。 



我望一望電話，哇原來已經九點，嗱嗱聲食個杯麵算。 

正當我一邊食杯麵一邊睇當年係高登仍被稱為「火滾撚樣」既火影既時候， 

我收到一個Whatsapp，內容如下。 

「Halo。」 

我睇一睇個號碼，唔識既，但出於禮貌我決定覆佢。 

「你係邊位？」 

「我係邊個？呢個問題我想你親自搵出答案。」 



「吓？咁你搵我有乜事？」我心諗呢條仆街咁中二病既。 

「我今日搵你，係想同你講，個個並唔係謠言，係事實。」 

喂喂喂，等等先，咁似我頭先個夢既！？ 

對象唔會真係肥婆AMY嘛？？ 

「聽日四點三，我係學校後山既公園等你。BYE。」 

屌搞到咁春神秘為乜，好難捉摸呀！