到左第二日,段Whatsapp對話加上個惡夢令我成日都無辦法集中精神, 

我仲專登換左套體育衫,諗住到時走佬都方便D。 

眨下眼就放學,我專登避開我班Friend係學校附近商場徘徊, 

你知啦,如果真係肥婆AMY既話我肯定被人笑到GRAD架嘛。 

等到差唔多四點三,我就慢慢行上學校後山既公園。 





去到公園,咩人都見唔到。 

正當我以為自己只係俾人整蠱,終於可以鬆一口氣之際, 

身後忽然傳黎一把女聲。 

係一把溫柔而又帶點調皮既女聲。 

「你遲到啵。」 





我不斷搵把聲既來源,先發現原來有個女學生坐係鞦韆之上。 

因為陽光既關係,我無辦法睇清楚佢個樣, 

但從體積上黎睇,絕不是肥婆AMY。 

「Sorry我遲到,不過你究竟係?」 

我一邊講,一邊嘗試用手遮下陽光並行近佢。 





「事到如今點解你仲要問?唔用你對眼去確認?」女學生都開始走近我。 

隨住我同佢既距離開始收窄,我開始睇到佢既樣。 

陽光照射下晶瑩剔透既肌膚,一把動人既啡色長髪,仲有個個笑容。 

我非常驚訝因為眼前呢位毫無疑問係女神Cherry。 

Cherry:「Halo, 魯路修。 」 

我:「係Cherry..?你搵我有咩事..? 」 

「你咁都唔明?」佢輕輕一跳,令我倆距離收窄到近乎零。 

「我想要你,仲有你既世界。」 





佢講完呢句,就輕吻了我左邊臉一下, 

再留下一句「聽日見啦。 」就離開左。 

公園裏,剩低我,陽光,仲有一大堆疑問。