[校園][應該純愛][友情]「我想要你，仲有你既世界。」: 結果

短短四日既UT一眨眼就過左去，緊接住既當然係派卷啦。

第一堂派既係通識，唔，幾好，31/40，全班第四。

肥豬個邊都有喜訊，28/40，比以前大有進步。

我問一問若睛，幾時先上X1，佢話Lunch time前先係。

屌，仲有三堂。

之後數學同中文都派左，非常慶幸全部合格。

同預期既一樣，主科全部都係晨哥包辦第一。

接住落黎既，就係歷史堂。

今日既歷史堂係B班，即係Cherry既課室上堂。

我落到去3樓，見到Harry同Cherry講緊野，Cherry好似一臉不情願咁。

我忍唔住行埋去打算俾個下馬威佢，問Harry：

「喂Harry哥，有一科攞到全級第一未呀？

」

Cherry見到我好似安心左少少。

「未呀，不過而家就攞。

」

Cherry臉色又變到好難睇，我見到都有少少唔開心。

你都未免太有自信了吧，小心仆街啊老友。

但居然俾佢搞到Cherry咁唔開心，我真係有少少嬲。

好快，教歷史既Miss Wong就帶住疊卷入班房，我都開始緊張。

Miss Wong：「首先，今次大家表現都好好，有位同學只差一分就可以滿分，要讚下大家。

」

師父：「邊個咁痴線。