[校園][應該純愛][友情]「我想要你，仲有你既世界。」: 我拒絕
時間過得好快，由其係開心既時光，不過我仲未要講拜拜既。
已經去到五月頭，踏入左夏季，我地都換左夏季校服一段時間。
我一直都未有機會同Cherry去海洋公園，因為太忙。
唔計考試，我仲要幫晨哥處理好多野，因為佢掛住同阿欣去玩，所有野交哂比我。
難為了我，大佬我都有女朋友架。
不過Cherry佢無乜怨言，果然夠哂善解人意。
但我始終會有少少過意唔去，所以我一有空閒既時間就會同佢去食下飯咁。
即使係咁，我都見到佢有時候會顯得有少少失落，好似有野想講又唔敢講咁。
可能佢怕又提起海洋公園我會覺得佢煩掛。
正一傻瓜，我又點會覺得佢煩。
「魯路修，開會啦。」
唉，又要做野了，班籃下星期就係。
就算我唔洗補課，晨哥總係會突然捉住我，話要傾野，搞到我好多時都要五點先走得。
不過咁都好，可以等埋Cherry。
晨哥：「好啦，今日傾下班籃點練先啦。」
屌，都唔關我事，我又唔會出場。
佢地個陣容本來已經係暴力型打法，只攻不需守咁濟。
加上晨哥呢個絕對既存在，討論戰術根本係毫無意義。
我係呢度既作用，應該都只係負責確保補給物資呢D後勤工作。
晨哥：「喂魯路修。」
咦，睇黎傾完點練啦喎，到我出場了。
我：「點？有乜要我做？」
晨哥：「無，我想問下你有無興趣打下籃球啫，反正都要練波。」
「No，我拒絕。
」 我秒速咁答佢，因為根本唔洗諗，麻煩野唔好搞我。
晨哥：「係喎可唔記得左你唔鐘意添
，咁你幫我落去B班啦。」 我：「去B班做咩？」
晨哥：「搵佢地練波囉~我之前同佢地講左架啦，你落去同佢地約個時間就得架啦。」
我：「得啦。
」 跑腿傳話呢D野我就無乜所謂。
之後我就落左去B班，而家B班D人對我既到訪已經可以話係見慣不怪。
我：「喂，得仔，你地班邊個統籌班籃，晨哥問你地幾時同我地打練習賽。」
得仔：「屌咪我囉，聽日囉我地兩班聽日都唔洗補課。」
我帶住呢個消息返去俾晨哥，晨哥就叫我準備好要用既野，好似水咁。
好好地點解要打練習賽，咁咪show哂自己既戰力比人睇。
有自信都唔係咁玩架老闆。
不過都決定哂，我呢d小人物都改變唔到d乜。
第日，我地兩班人四點三左右就去左學校外面既街場，唔知仲以為我地要開拖。
由於之前已經為班籃抽籖，我地兩班唔會係初賽對上，所以大家都可以放開黎打。
得仔：「等我見識下你既天帝之眼同全場三分波啦晨哥。
」 晨哥：「唔啦，我怕你有Pefect Copy偷哂我D招。
」 唔知晨哥係留力定點，佢動作無上次咁快，不過同十四佢地互相配合，都入左好多波。
我坐埋一邊睇，佢地好似打得好開心。
我真係唔明有乜咁開心，又攰又會成身汗，我呢d體力低既人最憎咁。
「係度搞乜呀？
」 哦，係Cherry，仲拎住兩支綠茶。
我：「無呀，諗點解佢地打波可以咁開心啫。」
Cherry：「每個人興趣唔同啫，好似你鐘意砌下模型，可以砌得咁開心咁啫。
」 唔，又啱既，點解佢好似講乜我都覺得啱既。
我接過佢俾我既綠茶，開始一邊飲一邊諗野。
吖問下佢鐘意男仔做乜都好。
我：「你會唔會特別鐘意D男仔做乜，好似打籃球咁。」
Cherry：「唔…好難講喎，就算係同一件事，唔同人做我都有唔同既感覺。
」 答左等於無答，不過咁答先係佢style。
我再飲左一大啖綠茶。
「不過你做乜我都鐘意架啦傻佬。
」 仆街差D噴茶。
講呢D想叫人點呀。
我伸出左手，一下捉佢入我懷裏。
我「呢下鐘唔鐘意？
」 Cherry：「嚇死我呀！咁突然！
」 雖然佢係咁講，但佢笑得好大聲，應該好開心。
「魯路修！波！」
又黎！？你班仆街唔好成日掟D波過黎啦！阻人sweet都會燒春袋架！
我今次無直接打返個波過去，因為miss既機率好高。
我選擇放開Cherry，騰空返隻左手出黎用雙手接住個波再拋返出去。
我都有少少佩服自己反應咁快。
「屌，我以為你會直接回傳比我添。」
我：「食屎啦晨哥你專登架？
」 晨哥：「點會呢，我岩先甩手啫
，作為賠罪，俾招新招你睇。 」 我對你學左咩新招無乜興趣囉好無。
但係佢無理我，雙手捧住個波係心口。
我：「唉我知你想做咩啦，幻影射籃嘛我唔想知呀。」
晨哥：「唔好咁啦睇左先啦，最多我教你。」
佢照黑子個form射左個波出去，個波圍住個籃框轉左幾圈，最後都入左。
我：「嗯，不過我睇到個波喎，係咪fail左？」
晨哥：「屌你真係好無癮，咁射都入唔覺得好型咩，唉算啦今日去到呢度啦。」
我成日都係咁潑人冷水，無計我都只係講事實啫。
之後我跟左晨哥佢地去食M記話開檢討會，B班都有部分人一齊去左，畢竟大家都係Friend，無乜所謂。
Cherry都有去，有得食野佢一定會去。
我無特別留意佢地講咩，因為我掛住同師父佢地仲有Cherry吹水。
不過有句說話我聽得好清楚。
晨哥：「有無人有興趣去OP？」