[校園][應該純愛][友情]「我想要你，仲有你既世界。」: 對不起
佢聽到我話想上去佢度鄒左下眉，不過無講乜野。
我地之後係門口見到家姐，一齊坐巴士出番去。
我偷偷咁打左個WTS比媽咪，話佢知我今晚唔返去，叫佢唔洗擔心。
過左一陣，我收到佢既回覆，無講D乜，只係叫我自己小心D。
同佢一齊，仲有家姐係度，我諗都唔洗點小心架啦。
去到千両，家姐叫我地隨便叫，話佢請，lulu對眼就發哂光咁係咁係條輸送帶度拎野食。
我：「慢慢食啦，又無人同你爭。
」 lulu：「嘩唔得！呢個超好食！！
」 佢好似只係食左舊玉子燒，就開心到㩒住自己個口，不停係度郁身郁勢。
好傻仔。
我：「你好誇張囉，有無咁好食呀。
」 lulu：「真係好正架！
」 佢轉左姿勢，兩隻手抬住塊臉，睜大個口。
我忍唔住拎電話出黎影低佢呢個白癡樣。
我望住張相，不自覺就笑左出黎。
點解見到佢就會想笑？我自己都諗唔明。
「喂，你都試一舊啦。」
佢把聲又拉我返黎現實，我抬起頭望佢，發現原來佢夾左舊玉子比我。
我下意識想拎隻碟去接，但我諗左一秒就放番低隻碟。
我微微咁企左起身，伸過頭過去一啖食左佢夾住既玉子。
好甜，好好食，我有小小明白點解佢會食得咁開心啦。
Lulu：「好唔衛生囉你。
」 美星：「喂我請你兩個食飯唔係俾你兩個係我面前哂恩愛呀。
」 我地三個都笑左出聲。
食完飯我地就開始返屋企，正確黎講係去佢地屋企。
美星：「阿妹今晚同我孖鋪？唔好訓客房啦，有野咬架。」
我：「好吖。」
美星：「喂魯路修，同我去買堆薯片返黎，去。」
lulu：「吓點解要係我，你自己唔識去架。」
美星：「叫你去就去啦。
」 我：「不如我去啦..」
lulu：「唔洗，我去得啦，你同佢行先啦。」
講完佢就轉身走左，得返我同家姐繼續行。
行左一陣就去到佢地屋企樓下，點知家姐突然開口。
「你想幾時同魯路修佢講？」「講咩？
」 我唔係好明家姐佢講咩，但佢而家個樣，好似好凝重咁。
美星：「我係指，你要去外國五年既事，你想幾時同魯路修佢講？」
點解佢會知？邊個同佢講？晨哥？
我：「雖然唔知邊個話你知，不過都已經無所謂，因為其實我想今晚就講。」
美星：「今晚？你真係講得出口？
」 佢打開大門，示意叫我入屋。
我地坐低係廳，趁lulu未返開始傾計。
我：「我唔想再拖落去，再拖對我地兩個都殘忍，我寧願狠心D。」
美星：「唔…你又啱既，不過要好大勇氣喎，你得唔得？」
我：「我都驚緊自己唔得，你知啦，望到佢個傻仔樣就認真唔到架嘛。」
美星：「又係既，我呢個細佬就係咁，你加油啦，唔洗怕hurt到佢，必要時我會睇住佢。」
我：「多謝家姐。」
美星：「洗乜多謝，你兩個我都咁鐘意，我都想你兩個好。」
我真係已經當左佢係我親生家姐，如果我可以有個家姐，我都想係個咁既人。
呢個時候lulu拎住三包薯片返左黎，仲要成身濕哂。
美星：「d薯片你游水過對面海買架？
」 lulu：「食屎啦八婆，出面好大雨呀。
」 佢放低d薯片，開始除低件裇衫，旁若無人咁。
美星：「屌，直接去沖涼啦仆街，除衫托柒咩on99。
」 家姐拆開其中一包薯片，開始一邊睇電視一邊食。
Lulu：「乞癡！仆街你岩，都係沖個涼先。
」 佢背向我除埋d底衫，露出個上半身通屋走，十足十d bb咁。
但係我留意既唔係佢個身，而係佢頸上既野。
係我情人節個陣送俾佢既頸鏈。
我：「條鏈…你一直都帶住？
」 lulu：「Sure啦
，你送架喎，我返學都有帶架，沖涼都唔會除低。
」 咁樣你叫我點講出口…
佢無理我，入左廁所沖涼，水聲響起家姐就放低包薯片，坐左係我旁邊，仲挨左落我大脾度。
「呢個低能仔，成日係自己唔知既情況下做左或者講d令人窩心同感動既野。」
完全同意，但我無講出聲，只係不斷點頭。
「但對於而家既你，呢d甜言蜜語反而好似係用劍捅完你又抽返出黎咁，不停流血咁。」
無錯，家姐講得好岩，而家聽到佢咁講，我個心反而更痛更唔舒服。
「等佢沖完涼就同佢講啦，咁你會好辛苦。」
只可以咁做啦…
佢沖涼沖左好耐，唔知仲以為佢係入面暈左。
過左半個鐘左右佢終於出黎，個頭仲好濕，好似完全無抺過咁。
我：「抹乾個頭啦，唔係又凍親架啦。」
lulu：「唔啦咁麻煩，由佢自然乾咪得lor。
」 我：「唔好咁懶啦。」
lulu：「咁一係你幫我抹啦。
」 唉，真係無佢收。
我去廁所拎左條毛巾，幫佢抹乾個頭。
Lulu：「哇真開心，有個女朋友肯幫我抺亁個頭。」
唔好講啦。
Lulu：「第時你都會咁做架可？」
唔好再講啦好無？
我不自覺咁大力左，捽大力左，搞到佢嗌左出黎。
Lulu：「痛！痛！停停停！係我錯我亂講野！」
我：「噢！Sorry呀一時無留意力度。
」 lulu：「其實你係咪有野想同我講？」
明明好想同佢講，但被佢咁問我反而講唔出口。
我：「無呀…」
佢突然拎走頭上條毛巾，好認真咁望住我。
Lulu：「無人可以係我面前講大話，今日你怪怪地，我講粗口你都無鬧我，頭洗我沖涼個陣已經聽到，你到底有咩要同我講。」
原來佢頭先聽到，咁我諗都無野需要顧忌啦。
我：「魯路修，其實我…」
lulu：「你係咪買左禮物比我呢？
」 佢換黎家姐既薯片洗臉同粗口洗禮。
佢而家咁嬉皮笑臉，我好難想象佢聽到呢個消息會點。
但我決定左要講出黎，唔可以再拖。
「我今年九月要去外國讀書，要去五年。」
「對唔住。」