佢地兩個女仔走左入一間成間粉紅色既鋪頭,好似叫乜68定69?我費事入去,就係出面等。 

晨哥都無入去,陪我係出面等。 

都好,可以趁機會問清楚所有野。 

我:「喂晨哥,繼續頭先未完既然話題啦好無?」 

晨哥:「哦?好吖,不過我講到邊?我唔記得左。」 



屌那星,都唔係過左好耐啫,居然同我講唔記得左。 

我:「你話咩我另一個弊病吖。」 

晨哥:「哦,呢樣,我講得唔清楚咩?」 

我: 「你當我傻又好咩都好啦,你講清楚咁係代表D乜啦。」 

晨哥:「哦…我明白啦,我由頭講起啦咁。」 



我忍唔住吞一啖口水,以準備迎接可能有既衝擊。 

晨哥:「魯路修,點解你會認為受苦既只係自己?」

「虛假既眼淚會傷害到人,而虛假既笑容會傷害到自己,呢句你一定好清楚。」 

的確,呢句係C.C.講既,身為《Code Geass》 Fans既我一定知。 

我:「嗯,我知,咁又點?」 

「其實虛假既笑容唔止會傷害到自己,仲會傷害到其他人。」 



「尤其係果d好清楚你既人。」 

「佢地會知道你地既笑容只係扮出黎,咁樣反而令佢地更唔開心。」 

「你成日諗住自己頂哂就算,但又有無諗過人地唔想見到你咁?」 

「至少我唔想你咁,我想你坦承d面對自己,唔好下下都諗左人先。」 

「有時候,乖乖咁表露下自己既感情,同人講下自己想點並唔係一件壞事吖。」 

我:「但係提出要求唔會好自私咩?我覺得自己一直都只係做緊正確既選擇..」 

無錯,我一直都認為係咁,我唔想自私。 



晨哥:「咁不如你話我知,咩先係正確?」 

「你眼中既正確,又係唔係人地眼中既正確?」 

「無論答案係點,其實都會顯得你自私。」 

「結果你都係要人接受你認為係正確既選擇,唔理人感受。」 

「你又有無諗過,人地未必想你咁做,人地可能都會因為你既選擇而受傷?」 

晨哥:「講到呢度,你再蠢都應該明啦?」 

明,我真係明喇。 

我一直至來,做既都只係我一廂情願以為係正確既事。 



只係我自己認為係正確..