「隨心所欲啦魯路修,唔好諗得太多。 」 

呢句係臨分別前晨哥同我講既野。 

Cherry有問過我咁係咩意思,我就扮無知話我都唔知。 

實情係我都唔知而家應該做乜好。 

我好想再製造多一次類似結業禮果種衝擊比佢。 



但要做D乜先可有番果種衝擊力? 

美星:「喂lulu,你有速遞喎。 」 

我有速遞? 

我出去收件簽個名,睇下張單,原來係之前係amiami訂既野,終於寄到。 

Cherry:「有乜係入面架? 」 



我:「我都唔記得自己訂左D乜喇,開黎睇下先。 」 

希望入面唔會有咸野啦,如果唔係就好尷尬啦。 

一打開個紙箱,入面有隻1/1小埋毛公仔同埋一堆Blu-ray碟。 

Cherry:「哇~Umaru!!  」 

睇到佢個表情我就記起喇。 



暑假開始左無耐果陣每日都同佢煲動漫,《干物妹》係其中一套,佢仲睇得好high。 

Cherry:「Umaru好得意吖!! 」 

果陣睇完佢每日都咁講,所以我就上amiami買左隻毛公仔,順手買左幾套Blu-ray,其中一套係《干物妹》。 

我:「買黎送俾你架,仲有套Blu-ray俾你可以隨時重溫。 」 

Cherry:「真架!?多謝你吖錫哂你! 」 

佢抱住隻小埋咁錫左我塊臉一啖,搞到我又飄飄然。 

Cherry:「我會好好珍惜佢架啦,見到佢就會諗起你。 」 

又講呢D野,我以微笑作反應。 



不過今次呢個笑容唔係扮出黎,係因為我真係開心。 

事到如今,我唔會再刻意收埋或者掩飾自己既感情架啦。 

因為我相信Cherry佢一定唔會再想我咁,佢想我開心做人。 

Cherry:「咦..呢套係..? 」 

唔?佢個樣做乜好似有D出奇?唔通我真係訂左咸野咁大鑊? 

我慢慢挨埋佢果邊,偷偷地睇下佢到底拎住套咩碟。 

哦,《Cyber Formula》套OVA Blu-way啫,仲以為真係咸碟,想嚇死我咩。 



不過點解佢會對呢套野有反應?正常女仔應該唔會睇呢套架喎。 

妖,又犯老毛病,自己諗有撚用咩,佢成個人棟係我面前點解唔直接問佢拎個正確答案。 

我:「你識呢套?乜你有睇過呢套架咩?我印象中無同你一齊睇過喎。 」 

Cherry:「有吖,呢套係你最愛嘛,排名仲高過高達系列嘛。 」 

我:「你又知既。 」 

我無再刻意管理表情,o起個嘴望住佢。 

Cherry:「身為你女朋友呢D野梗係要知啦,呢套動畫我最鐘意係《ZERO》!睇隼人同明日香好感動…」 

我:「一齊拉Booster果下!  」 



我大聲打斷佢講野,因為我而家好激動,原來佢真係有睇。 

Cherry:「係吖係吖!仲有最後加賀同隼人係「ZERO領域」入面鬥又係好深刻!個分鏡好好!  」 

哇,佢居然記得咁多scene,我有D surprise添。 

對我黎講,佢就係我既明日香,一直都支持住我。 

啊,不如… 

我:「喂,你幾時走..? 」 

佢由好活躍突然變到一言不發,面色仲好難睇,成個過程歷時三秒都無。 

慘啦我好似又講錯野。 



黎啦!「ZERO既領域」!俾我搶先佢一步既力量啦! 

我搶係佢開口之前講野。 

我:「我唔係話想勾起D唔開心野,我只係有個主意,想睇你有無興趣啫。 」 

Cherry:「主意..?咩主意? 」 

我:「不如係你走之前,我地一齊去日本一次。 」 

嗯,我而家真係隨心所欲啦晨哥,我乜都無諗。