「點解你會係我間房.. 」 

我o哂嘴咁問佢。 

但佢好似唔太在意,繼續伸懶腰。 

我:「喂,答我吖。 」 

我唔敢發佢脾氣吖,怕有反效果,但我真係好想知點解佢會係我間房。 





Cherry:「雙人房訓兩個人好正常啫。 」 

吓?咩答案黎架。 

我:「咁你點解要我度訓先?你果邊都應該係雙人房黎架。」 

Cherry:「唔係吖。」 

佢邊梳頭髮邊同我講。 





吓?唔係? 

我:「唔係係咩意思?你地唔係雙人房?」 

Cherry:「三個人又點會book兩間雙人房吖傻佬。 」 

唉,屌!點解我果陣諗唔到! 

我捂住自己對眼,開始係度鬧自己on9。 





Cherrry:「你咁大反應做乜,又唔係同一張床訓,行啦出去食野啦我肚餓啦。 」 

哇一言驚醒洛克人,又係喎,分床訓架嘛,我咁驚做乜?我仲係一個純潔既小毒男。 

我再打左自己一下,原因都係一樣,我on9。 

不過都應該同我講聲嘛,我可以調房架嘛。肯定又係美星既主意。 

真係唔係好想俾Cherry痴得美星咁多,被美星教壞哂。

美星:「尋晚訓得好唔好?
 我一個人訓好舒服。 」 

你咁分明係挑我機架啫。 

Cherry:「好吖,只係今朝比個傻瓜嘈醒啫。」 





我:「Sorry囉,只係太衝擊啫,最衰都係美星你個賤人。」 

美星:「怪我囉? 我好心比你地製造下美好回憶啫。 」 

Cherry:「唔準咁話家姐。 」 

佢突然出力踩我一腳,痛死我。 

我:「Sorry囉。 」 

Cherry:「唔好有下次啦,咁今日有咩行程呢?lulusama?」 

叫我「sama」又咁對我,真係令人哭笑不得。 





我:「今日呀..去銀座好唔好?慢慢行,行完再返新宿。」 

Cherry:「好吖,周圍行下囉咁,我地會唔會去迪士尼架? 」 

我:「會,聽日去。」 

Cherry:「Good! 」 

美星:「銀座呀..你慘啦魯路修。 」 

我開頭只係以為佢嚇下我,結果我錯了。 

佢一去到銀座就瘋狂購物,咩都買,係咩都買,衫,化妝品,野食都買。 

仆街既係,佢叫埋Cherry一齊買,真係遺害人間。 





買衫既過程中Cherry係咁問我邊件邊件靚唔靚,我全部都話靚,結果俾佢鬧我hea。 

喂大佬吖,咁真係靚吖嘛!唔通叫我講大話咩?  

我有一刻驚過佢會唔會因為我件件都話靚而買哂所有衫,好彩佢仲有理性,無咁做。 

不過都係買左好多野,兩條友笑到咔咔聲。 

緊係開心啦,所有野都係我拎。 

我拎住一袋二袋係銀座跟住佢兩個,先體會到美星所講既意思。 

今鋪自己捉蟲添,攰死我啦屌,仲要好肚餓。 





佢地又入左一間鋪睇,唉我就死啦,唔好再買啦好嘛。 

我已經放棄左希望,搵左張櫈,成個矢吹丈咁坐低左。 

Cherry:「喂。」 

我:「行得嗱?而家去邊度行?」 

死啦我諗野好似太負面,應該諗下佢地係咪已經買夠走得。 

Cherry:「我知你肚餓架啦,買俾你食架,紅豆包你應該鐘意食。 」 

嗚…好感動,佢竟然知我肚餓.. 

正當我打算放低手上既野去接猶如上天恩賜既紅豆包之際,佢叫停左我。 

Cherry:「唔洗咁麻煩啦,我餵你啦。 」 

佢將個包放係我嘴邊。 

哇我差D就係條街度喊左出黎。 

我:「咁我唔客氣啦。」 

我一啖咬落去,好味,兩三啖就食哂,可能因為我肚餓掛。 

個紅豆包好甜,係好味既甜,唔係膩。唔止因為紅豆既味,仲要加上佢餵我,令呢個包有種幸福既甜。 

呢個紅豆包,係我一生人食過最好食既甜野。

食過紅豆包,我成個人有返精神,又可以再戰個十年。 


但係佢地兩個居然同我講買夠啦,而家返新宿食飯,真係屌出聲。 

不過咁都好既,佢地起碼識停。 

我原先係打算返新宿直接食野先返酒店咁直落,但而家睇落係無可能架喇,我拎住太多野喇。 

我:「喂,返一返酒店先喇好嘛,拎住太多野去食飯唔係太好。」 

Cherry:「好啦返酒店一次先再去食飯啦。」 

美星:「傻妹黎既,洗乜三個人一齊返去啫,等佢一個人返去咪得囉,我地去睇定食咩先。」 

哇,咁賤既野你居然可以面不改容咁講出黎既? 

Cherry:「咁好似唔係幾好喎..」 

嗱呢D就人話啦! 

美星:「有乜唔好啫!我地去幫佢叫定野食等佢一黎到就有野食咪仲好!」 

唔好聽佢D歪理呀Cherry!這是不對的呀! 

Cherry:「又好似係喎..咁一陣見喇lulu,我會幫你叫定野食架啦! 」 

What the !你點可以咁易聽人唆擺架!! 

美星:「聽到啦,速去速回啦你,我一陣會Whatsapp你話你知我地係邊食。」 

可惡!你個惡魔!! 

唉,我唔想再係呢D事到爭論,太麻煩啦,好啦我做啦。 

我:「記得幫我叫埋呀。 」 

美星:「得啦煩。」 

就係咁,我同佢兩個暫時分別,自己一個人返酒店放低D野先。 

我已經快手快腳咁來回,結果都追唔上佢兩個,佢地已經去左間燒烤店坐低左。 

今晚呢餐又係好滿足既一餐,好飽好飽。 

食完又返酒店,今次Cherry好自然咁跟住美星,我諗聽朝應該唔會嚇親架啦。 

美星:「喂,聽日去迪士尼?幾點?」 

我:「早少少囉,去完可以去下outlet行。」 

美星:「ok,好好訓一覺啦,今日辛苦你啦。」 

妖,而家先講呢D野有鬼用咩,我唔會再信你架啦。 

我返左入房,沖左個涼,坐係床邊,plan緊之後既行程。 

「嘟!」 

開門聲? 

吓,唔係又黎吖嘛?

我望實個門口,睇下係邊個開我門。 

果然又係佢。 

Cherry:「唷~仲未訓?係度做緊乜? 」 

我即刻拎支茶遮住檯面上既紙,唔想俾佢睇到。 

我:「唷..你又黎吖? 」 

Cherry:「係呀過黎訓覺囉,吖~今日好攰呀我。 」 

「過黎訓覺囉」 

點解你講得咁輕鬆。唉我唔理了。 

我:「累就快d訓啦。」 

Cherry:「嗯,就訓啦我。」 

佢爬上佢果張床,揭開D被捐入去。 

我見到佢上左床就開始執好檯面D野,以免佢半夜起身會發現到。 

「魯路修。」 

佢突然叫我個名,我一下子就提高戒備,唔通佢發現左? 

「我今日好開心吖。」 

屌,嚇死我。 

我繼續執野,背對住佢咁同佢講野。 

我:「開心就好啦,聽日去迪士尼你仲開心吖。」 

Cherry:「呀唔知有無機會去睇下富士山呢哈哈?」 

我再次提高警戒。 

因為我plan好左會有一晚去富士山對面既酒店,睇富士山之餘,浸下溫泉。 

佢咁講,會唔會只係單純既巧合? 

定係佢一早睇穿哂我所有plan?