[毒撚][少甜]點解我會變左做索女架????: 14
呢一舉一動，令到阿康更加難堪；嘴都開始震，原本震得厲害、揸緊講稿既手默然無力地放下；成個人已經一片空白。
「陳子康，你做乜停曬﹖你知唔知我既時間係好寶貴架﹖」係呢d時候，陰濕李先開口。
有無搞錯啊﹖見住阿康坐全班集體欺凌唔幫佢不特止，你仲要踩多腳﹗莫非呢d就係傳說中既教畜﹖
「係…係既…」阿康緩緩地打算重新開始。
班上恥笑聲仍然不絕。我望向肥輝同雙人組，除左皺眉外，無人打算作實質拯救行動。
阿康透大氣透得愈來愈厲害，口水又愈吐愈勁；再係咁阿康就會爆架啦﹗
一場兄弟…死就死啦﹗
「肥輝，你禁powerpoint﹗」我付託重任後，逕自走去阿康身邊，拎起左佢份稿：「阿康，辛苦你啦﹗等我黎啦﹗」我柔聲地係佢耳邊說。
「wow，gay佬樂二號又有新gay情啊﹗」我無回頭認清聲音來源。
阿康面對我突然既幫忙，有點錯愕：「唔…唔緊要啦…我…得架…」
「交俾我啦﹗」我堅決地說。
「你地仲係到拉扯d乜野﹖你估成堂都係你地嫁﹖」陰濕李再黎打擊。
「…好…好啦..就交俾你啦…」阿康已經全面選擇。
我從阿康顫抖手上拎起講稿，望住佢狼瘡既背影；再望向呢班無情恥笑既同學。
清一清喉嚨，有史以來咁自信、對聲音不加任何修飾：我用女性身份開始present。
由我一present開始，全班都詫異寂靜。彷彿我係咩大人物，專注地聽我演講。
呢個氣氛直到落堂為止。佢地唔交談討論，係因為想盡量爭取時間將目光投放係我身上，研究我身體既每一分每一吋—究竟我把聲發生左咩事﹖
橫掂遲下就會用女性身份返學，又幫左好兄弟；惹上片刻麻煩，何樂而不為呢﹖
一放lunch，我就被人追問點解我把聲會咁：「喂陳俊樂﹗點解你把聲咁既﹖」運動男jay說。
「鐘意男仔把聲咪會係咁囉﹗」gay佬樂一號回應。
「關你撚事咩﹗」、「會唔會係食左女性荷爾蒙啊﹖食左會變得女人左架喎﹗」、「唔係嘛﹗佢唔止搞gay，仲想變性做女人啊﹖」、「咁上pe堂換衫果陣我地咪好蝕﹖」、「哎啊﹗好撚變態啊﹗」
「喂﹗咁我地咪要改稱佢做女人樂﹗都唔明呢種人諗乜既，好地地有男人唔做係要做女人；你話係唔係啊女人樂﹖」，「咩啊﹖做女仔有咩唔好啊﹖好似你地班麻甩佬粗粗魯魯就好啊﹖」，「你斯文﹖唔係掛…哈哈哈…」
我緊緊地握住手上既筷子。
你地點笑我都得，但唔可以叫我女人樂。
「點姐女人樂﹖我都想變性啊﹖有無好方法介紹下啊﹖」jay既運動伙伴—健牛鏈住自己個胸扮那型。
「黎啦女人樂﹗幫下手啦﹗…」
我甩開佢搭住我膊頭既手，拎起飯盒競自跑上天台。
途中，我既眼淚難以忍受地慢慢落下。
「你地點笑我都得，但唔可以叫我女人樂…」我坐係天台，垂下頭；默默地說。
女人樂代表住我細個既屈辱，童年被欺凌既黑暗回憶。我實在唔想再經歷多次被人叫女人樂既欺凌；即使係片刻都好。
被人笑就預左，但被人舊事重提就始料不及...
「小豪你地做咩唔返學喎…衰人…」我飲泣地說。
如果小豪佢地有返學，我就唔駛咁慘。
連個天都灰蒙蒙，唔通連個天都唔鐘意我﹖
成世人都係咁，都係俾人笑。唔通我唔可以靜靜地縮埋一二角，唔好有人理我架咩﹖
我知自己係毒，我知自己人緣差。我明白自己可能無乜人鐘意，可能成日惹麻煩；但你地當我係透明咪得囉，做乜要搞我姐﹖俾人蝦左十幾年，我真係好攰。
「我…唔要啊…唔…要啊…」我縮係天台一角，無助地飲泣。
就算心理能力再堅，俾人一而再、再而三地撩起心酸往事；我諗無幾個會頂得順。
仆街﹗仲要落雨…我就無d電影角色咁感性，落雨都照係地下喊。我匆忙地走入放置園藝用具既小屋。
「連…連…個天都…都唔鐘意…我﹗」
衫又濕到一噠噠咁，連個bra都若隱若現。
岩岩食飯食到一半，都未飽肚；我打開飯盒，伴隨著淚水緩緩地咀嚼。
「唉…」我不禁嘆氣，被嘲笑既日子仲要去到幾時呢﹖
呆坐良久，我得出了結論：都係算啦…都唔係第一日係咁啦…習慣左咪算囉…做咩咁上心喎…毒撚既生存價值就係俾人笑俾人玩…算啦…
落返課室，做返個被人恥笑既透明人咪算囉...
唏噓地收拾好飯盒，我落寞地準備轉身離去；突然，有人重重地拍我膊頭：「陳俊樂﹗」
我俾呢一拍搞到差d失平衝，向前跌撞左兩步。但與行動唔協調既係，呼叫既聲音係一把女聲。
我詫異地轉身：「阿怡﹗」
女神正企係農舍門口。
阿怡﹖重擊既凶手竟然係女神阿怡﹖佢係呢一刻走上黎拍我一下，究竟有咩含意啊﹖
「陳俊樂…應該係陳津樂先岩啊可…」阿怡面無表情。
「阿怡…你…你講…咩啊…﹖」佢點會知架﹖
阿怡突然衝前，再伸手，大大力地搣我個胸：「唔好再扮野啦。」
「啊﹗」力度足以顯露佢既哀怨，我痛到叫出聲。
「唔…唔好啊阿怡…好…好痛啊…」阿怡毫無放手既意思，反而愈搣愈大力。
「痛﹖乜你都知痛係咩感覺架咩﹗」，「你點解要搶走阿亭啊﹗」
你…放手…先講啦﹗
「痛啊﹗阿怡啊﹗…你放手先啦﹗」阿怡隻玉手開始順時針咁扭。
如果佢用埋指甲，一定痛到我標眼淚。
「點—解—你—要—搶—走—阿—亭—啊﹖」配合埋聲音攻勢，令我充份了解佢有幾咁嬲。
「我…無啊…﹗我…痛啊…﹗係佢走…走黎…煩住我喳…﹗」點解連女仔都可以咁大力架﹗
唔得…再係啊…實俾佢連個波都搣甩埋﹗
「你…再係咁…我…我就…還手架啦…﹗」我雖然痛苦但仲具幾分威嚇。
「還手﹖你夠膽就…呀﹗」我零秒出手，反鏈返阿怡個波。
唔好問我，我都唔知係咩令我呢個小毒撚咁有勇氣；直闖入女神既界線。
「陳俊樂…﹗你…﹗…放手啊…﹗」相比起阿怡，我既力度算得上係溫柔。咁樣一鏈，令阿怡既力度都放鬆左好多。
對望住塊面紅曬而又憤怒既阿怡，隻手竟然仲摸緊佢個胸﹗天啊﹗我行左乜撚野運啊﹗
阿怡好明顯正呈於非常尷尬既情況；我諗係佢既人生中，都無乜幾個可以咁樣鏈住佢個波。
非禮緊我胸口既手漸漸無力，痛楚亦得以舒緩。
「你鏈夠未﹖」阿怡語氣又回復之前既冷漠，但臉上紅暈依舊。
「我…啊…」我趕緊縮手。
一場咁怪誕既開場—互鏈對方個胸…令氣氛有點僵持。
除左自己果對之外，今日係第一次摸到其他女仔個胸；而且仲要係女神﹗我以後都唔洗手啦﹗哎呀﹗唔知我個帳篷有無俾阿怡見到呢﹖咩啊…﹗我而家邊有帳篷啊…﹗
臉上不禁泛起一陣淫笑…微笑先岩﹗
「你個衰人﹗笑咩啊﹗」對於我既笑容，阿怡認為係挑釁。「點解﹗點解你要搶走阿亭啊﹗」阿怡衝前，握起我既衣領，情緒比起之前更加激動。
突然被人的起左少少，幻想緊既我嚇左一跳；亦都回歸現實：「吓…我無啊﹗」我先唔得閒偷你個獅兄啊﹗
「無…﹗阿亭啊….﹗就算俾人話佢係GAY…都同你咁親密…﹗點解喎﹗我識左佢咁多年…點解啊﹗」阿怡睇落好似想喊咁。
被獅兄纏咁耐既唯一好處，就係帶黎同阿怡獨處互玩波波既時刻。
「點解啊…點解…我真係好鐘意…好鐘意阿亭啊…」不出所料，阿怡真係喊左出黎。
又會咁戲劇化既﹗話喊就喊﹗咁似…我既…
「我地一向都相處得好地地…就係你出現…就係你出現…﹗」阿怡哭泣中既目光充滿怨恨。
阿怡又繼續企係原地喊起上黎。
我又點識開解一個喊緊既女仔喎﹗而且仲要係因為我搶左佢條…仔而喊﹗
「阿怡…你…」，「唔好叫我個名﹗」阿怡反應激烈。
唔叫咪唔叫囉…駛唔駛咁惡喎…
「咁…我落返去先啦…」既然無解決方法，佢見到我又憎我；咁我不如落返去由佢靜靜地喊啦。
「走﹖…唔走得﹗」佢既情緒又突然360度咁轉：「今日唔解決曬D問題…你唔駛旨意走﹗」除左憎恨無變之外。
我打左個冷震：「…遲D先啦﹗…BYEBYE﹗」阿媽教落，歇斯底里既女人可以好歇斯底里；仲唔走，我點知阿怡會對我做D咩架﹖
「企係度﹗」我俾阿怡喝住；處於驚恐狀況既我僵硬地企係原地。
「你—俾—返—阿—亭—我﹗」每吐出一隻字，阿怡就愈行愈近。
行到我面前停左一停；當我以為阿怡會冷靜返既時候，阿怡又突然撲向我度：「還返俾我啊﹗」
身材有返咁上下既阿怡都唔輕身…可能係我而家太虛啦；俾佢突如其來既一撲就搞到向後跌。
「啊…﹗」失平衝果陣，正常人對手緊係亂抓架；咁我抓啊抓，抓啊抓；點解咁軟既﹖
係真正落地、因痛楚而帶來既清醒—我抓住左阿怡既PATPAT，隻手直入裙底；媽啊﹗妹妹不行了﹗
爽﹗正﹗我竟然直入阿怡既禁區﹗
但阿怡並未因為咁而停止攻擊，挺起個身想騎住我：「還返佢俾我啊﹗」
HIGH左陣，個腦有D空白既我隨即反應：「我無啊…無…無…搶…佢啊﹗」我一面招架阿怡既攻擊，一面困難地組織。
「我一直鐘意既係你啊﹗」我直覺地講出呢句。
剎那間，天台鴉雀無聲。
我竟然係頭先咁唐突既一刻同阿怡告白。
「…陳俊樂…你…頭先講咩話…﹖」一臉驚訝既女神順利地騎住我，對手保持住同我角力緊既姿勢。
事到如今，唔頂硬上唔得啦﹗我鼓起勇氣：「我係話…我一直鐘意既…係你啊﹗」
阿怡繼續一臉詫異；一切又好似靜止左咁。
突然，阿怡好似搵到破綻咁笑起上黎，又一臉鄙視：「你咁就想呃我啊﹖我唔會咁易放過你﹗」
「我無…無呃你啊﹗」我衝口而出。
就算我講過好多大話，但我鐘意你係真架﹗
「…你想扯開話題呀…﹖」聞言，阿怡有d慌亂。
「我…我…我…」唔識講野既老毛病好似香港腳咁又發作。
阿怡好似捕捉杜奧巴咁捕捉到呢一刻，臉上再次顯露得意笑容：「陳俊樂…你帶我遊完花園未…」
「今日一定要完左件事佢…一定要…」
咩啊﹖點解我聽唔明你講咩既﹖你唔係黎…收我皮下嗎…﹖
一切又loop返去幾分鐘前，女神又向我進襲：「你去死啦陳俊樂﹗」
我又重新投入迎戰女神既玉手既戰爭中。
雖然我地既體形差唔多，但係我個人比女神高8cm既心理優勢下，抵消左女神不顧儀態、歇斯底里攻擊下既優勢。
「去…死…啦…﹗」阿怡用力地鏈住我塊面，就算我捉住佢隻手都對力度無咩影響。
「痛…痛啊…﹗啊…﹗唔好…我可以證明架….﹗」我塊面就黎俾你搣甩啦﹗
「唔—駛—啦—大—話—精﹗」阿怡好似儲滿左幾條氣咁，一野爆左曬出黎；大大力地搣。
啊﹗…我頂唔順…我要爆啦﹗
我奮力一擊：首先推開曬阿怡對手，然後用力抱住阿怡向我度推；最後深情一吻—「嗯﹗…嗯…﹗」阿怡震驚不已，雙手不停敲打我。
係呢一刻，我既內心出奇地平靜；我彷彿見到發哥係度刨牙刷…
阿怡尋仇記，就響阿怡掙脫成功再摑左我一巴；氣急敗壞地跑走既時候發覺有個低年級肥仔喱埋左係一角睇足全程下告一段落。
「…望咩啊﹗」阿怡既氣勢贏曬。
肥仔由驚訝變到驚嚇，退後左幾步。
之後阿怡就衝左落樓了。
除左臉上既燙熱，我仲陶醉緊岩岩非常桃色既經歷；原來今日唔係bad day,係good good day啊﹗
我差唔多摸勻曬平時只可以遠觀而不可褻玩焉、女神神聖既肉體﹗好彈手啊﹗
唔止咁，我仲強吻左女神；條脷仲進犯過幾下。以前連有機會拖下女神手仔都可以high成年既我，今日一次過做齊曬不可能的任務。
究竟發生左咩事啊﹗…獅兄﹗係因為獅兄阿怡先黎尋仇﹗…原來獅兄先係我既貴人啊﹗我愛你啊獅兄﹗
咪住先﹗我就high姐﹗阿怡被我摸完又摸，仲要錫埋；咁會唔會好傷一個少女既心架﹖
唔通…我又負左個女神既心…﹖哎喲﹗好向左走向右走奢侈啊﹗
喂﹗肥仔﹗你望左好耐啦喎﹗
我行埋去個低年級肥仔身邊，意圖滅口：「小弟弟，你望夠未啊﹖」
個肥仔臉上既肥膏抽動左下，睇黎受到點驚嚇。
「…我應該叫你姐姐…定哥哥啊…﹖」肥仔有點天真地問。
「呢樣唔重要—」，「最重要係你要忘記曬頭先所睇到既野﹗」我目露凶光。
「…少少都唔可以記住啊…﹖」肥仔有d為難。
我輕輕摵下佢塊面：「你記少少黎做咩啊﹗」
「哎啊﹗咁算啦，我咩都唔記得啦。」你隻肥仔反應又幾快喎﹗
「姐姐啊，咁無乜野我就落返去啦喎。」
都未等我回覆，肥仔就凳下凳下、天真爛漫咁跑走左。
見你個樣生得幾趣致，就放過你啦﹗但如果你隻肥仔敢洩漏半句，我就劏左你祭祖﹗
我落返去班房果陣又再驚返，如果阿怡真係走左去報警我咪屙吉仔﹖
好彩，阿怡除左用超怨毒眼神回敬之外都無咩其他表現。
即刻放鬆曬又心情靚爆既我一律無視欺凌既餘波，沉醉係回憶中快快樂樂等放學。
我要返屋企同阿滿分享啊﹗當然﹗…會刪減某D 18禁既部分…
「阿樂﹗…你傻左啊﹖落返黎之後就係咁傻笑﹗」肥輝胡疑地問。
我講俾你知咪即係公告天下﹗
「…我…中左六合彩廿蚊啊…嘻嘻…﹗」講完都覺自己傻。
「你買六合彩﹖」肥輝臉上既懷疑愈來愈深。
「係…我阿媽買啊…哈哈…」我既笑容開始有點端倪。
「陳—俊—樂—講﹗」
肥輝就咁煩左我成日。
「得啦﹗遲d同你講啦﹗」
放學果陣，佢纏左我幾條街；直到我講大話，再運用自己僅有既速度扮追巴士先甩到身。
「陳—津—樂—我—唔—會—放—過—你—架…」肥輝既聲源來自遠遠那方。
「死肥仔…我先唔會同你講啊…」我企係路邊回氣休息。
如果講俾你聽，你實周街同人講；到時我咪俾人蝦得仲勁…阿怡仲可能因為咁報警啊﹗
阿康你個衰仔…頭先跟咁耐尾都唔幫手…唉…
ANYWAY，估唔到我跑左去咁遠啊吓，呢度離搭車返表姐屋企有一段距離；真係傻仔啦。
好耐都無試過一個人慢慢咁散步…算係散步掛﹖今日個天又幾靚喎﹗藍藍天空高掛我的夢﹗…嗯﹗連吸啖空氣都清新D啊﹗
連途人既目光都友善左﹗啊﹗我又情不自禁咁笑左…情不自禁地回想起同阿怡係天台上既一切…
如果可以繼續你話幾好呢…
如果可以溝到阿怡你話幾好呢…
如果可以再錫多次阿怡…
哎呀﹗你諗緊咩啊陳俊樂﹗
企係街邊傻笑既我，完全無留意有一個不男不女既人物漸行漸近…
呢個傻笑係自招滅亡既開始…
琪琪既出現令我歡樂既心情又跌返落低谷。
「點…點解佢會係度架…﹖」我訝異非常。
琪琪係遠方向我展露一個非常MAN既笑容。
可能你會問，既然佢仲係遠方，我係點樣發現到佢架呢﹖就係因為佢個人既磁場實在係太強大啦，一舉手一投足都惹來途人既側目；我既目光自不然就被吸引埋去。
「樂樂﹗」琪琪強作嬌俏實質十分豪邁既呼喚聲令我不寒而慄，我唔想俾人覺得我都係偽娘啊﹗
今日既琪琪可以話係盛裝出場—大眼仔、黑絲、熱褲、毛衣加小背心，仲有一對突顯佢腳瓜既黑色橙底高踭鞋。
OH﹗SHIT﹗
「樂樂啊﹗你行去邊姐﹗人地係度啊﹗」見我轉身急急腳地逃走，琪琪用佢雄壯既步伐追上我地之間既距離。
早知就同肥輝分享秘密啦…如果唔係我要避肥輝…我就唔會…
「樂樂啊﹗好耐無見啦﹗掛死人啊﹗」最後，琪琪直情跑到去我前面截住我。
「…係啊…哈哈…乜咁岩啊…」雖然無鏡，但我感覺到自己既笑容好僵硬。
「唔係咁岩架﹗我係特登黎撞你架﹗」琪琪語氣十分嬌嗲，聽到我毛管都棟埋。
「哈哈…係呀…點解唔打個電話俾我…等我預備下先丫嗎…哈哈…」而家搞到我無時間著草啦﹗
「Surprise!」
有驚無喜。
媽媽咪啊﹗我好驚啊﹗琪琪既出現究竟又係為左D乜呢﹖
「樂樂豬啊﹗你記唔記得我上次講果個比賽啊﹖」
我打左個冷震。
「咩…咩比賽啊…﹖」
我完全唔記得有呢回事。
「耶﹗你好衰架﹗咁重要都唔記得﹗場選美比賽啊﹗」說罷，琪琪「溫柔」地拍左我手臂一下。
所謂既溫柔，係琪琪眼中既溫柔；力道傳達係我手臂上，我差D俾佢拍左出馬路。
「你無事丫嗎﹗」琪琪甚為誇張地扶起亞太區有一天成為亞太區左落地，正係度捽緊手臂既我。
個比賽…唔係已經唔存在啦咩﹖
個比賽就如ROCK&ROLL一樣，係永遠不死的。
我正伏係阿滿跪坐既大脾上，佢正溫柔地撫摸我D頭髮。雖然我咩都無講，但阿滿仍然盡情發揮佢個人獨有既親切姐姐特質，盡力地抒解我抑鬱既情緒。
原來琪琪今日係特登黎捕我—美其名係通知我比賽會係今個星期六就開波。
我唔要去啊﹗唔要去啊﹗唔要去啊﹗唔要去啊﹗唔要去啊﹗唔要去啊﹗到時要扮偽娘，又唔知要著D咩；實醜死怪啦﹗
一陣D人仲可能會覺得我變態…可能會報警…如果警察同阿爸阿媽見到我著到咁…我永遠都唔駛返屋企啦…
「樂樂﹗記住星期六12點正係地鐵站等，不見不散啊﹗」琪琪加強語氣係最後四隻字上。
「如果…如果我…我臨時有事…」我被琪琪既氣勢完全壓倒。
「一— 定—要—出—現﹗」琪琪面目猙獰地咆哮。
「…哦…」
我玩完啦…
點算好啊﹖點算好啊﹖點算好啊﹖點算好啊﹖點算好啊﹖
好唔好坦白，叫埋阿滿陪我好呢﹖但咁樣咪等於拖埋阿滿落海，仲可能令佢有危險添啊﹗
望住親切微笑而又一臉天真不明真相既阿滿姐姐，我真係唔捨得拖埋佢落水。
咁不如同表姐講啦﹗以佢專業既醫生資格同古惑既內涵；出事都應該可以帶我逃出生天既﹗
但依表姐既性格，同佢講比佢恥笑既機會率差唔多係百份之一百；而且又唔一定會出事既…果日嗱嗱聲去完返屋企咪無事囉…我諗…
無錯啦﹗只要我乖乖地聽琪琪吩咐…參加場比賽咪得囉﹗
橫掂我而家仲拎緊男仔身份證，到時就算對方有懷疑，我都可以SHOW出黎﹗
「係啦樂樂啊，頭先阿琪呢叫我同你講；聽日去完你學校見老師之後，後日就去換身份證；廢事夜長夢多唔記得左件事喎。」阿滿天真爛漫地說。
唔向左走向右走記得左添﹗
「表姐啊…可唔可以遲D先換身份證啊…」死等爛等，終於係1點鐘等到表姐放工返屋企；我死扯住佢衫尾求佢。
「點解啊﹖快快趣完左件事佢唔好咩﹖」表姐一臉不解。
係囉，快快趣完左件事佢唔好咩﹖緊係唔好啦﹗到時俾琪琪知道我扮偽娘，我實俾佢質兩拳…仲永無寧日啊﹗
首先佢會CALL爆我部手機，然之後再黎學校搵我；繼而抽起我既衫領，再對住我咆哮…
「你俾到一個合理既原因，我就壓後。」表姐轉身，認真地說。
「EM…UM…」又真係無咩理由可以再壓後既…
見到我眉頭緊鎖，表姐態度轉而溫柔：「樂樂啊，你係唔係仲未習慣而家既身份，仲想要時間適應下啊﹖」仲摸摸我個頭。
俾表姐摸左下，反而令我仲心急；表姐啊﹗你完全GET錯曬方向啦﹗
「但你要諗下喎，你而家變左做女仔係一個既定既事實；你要盡力去適現，就好似生活上遇到一個大難題咁。既然係咁，點解唔堂堂正正，明正言順咁去適應呢﹖」表姐笑著說。
難得表姐你咁正經，但係思想上就完全唔同步…
「仲有我同阿滿陪你喎﹗有兩個咁有經驗既大姐姐陪你，你仲怕咩啊﹖」
「之不過…」
「唔駛不過啦﹗拎左身份證；建立起一個女性既身份再諗啦﹗記住聽日放學表姐會黎見老師啊﹗」說罷，表姐就拎左D內衣褲走左入廁所準備沖涼。
「啊…」我無力地攤睡響梳化。
說服唔到表姐係意料中事；但參加偽娘選美被人揭穿既後果實在沉重得令我難以承受。
其實小學果陣琪琪係一個欺凌者，而我就係佢既沙包；點解到今時今日，我地既關係仲係咁微妙架呢﹖
一切都係碌JERJER之過﹗…唉…
時日太快﹗我碌JERJER唔見左之後過左成個幾月；終於要黎到呢日。
一整日既課堂我都表現得好忐忑不安，終於要走到呢一步啦﹗我終於要踏出左女性生涯既第一步﹗
「陳俊樂你好講點解琴日係天台落返黎之後笑淫淫左成日啦下﹗」肥輝繼續咄咄逼人。
「咪就係因為…上到天台見到天氣好囉…」哎呀肥輝…你煩陣左得唔得啊﹗
「天氣好﹖琴日落雨喎﹗」肥輝展露驚人既記憶力。
「係…係咩…﹖」好似又係喎…
「你唔會係…係上面撞到師兄下話…」阿康語氣閃縮。
「緊係唔係啦﹗」我決絕地回應。
事情演變到唔止肥輝在明既攻擊，仲有阿康陰沉既單單打打。
「都唔知佢有咩好…成日痴住佢…」、「阿樂啊…我地先係你老友啊﹗」、「…不如你同佢絕交啦…」
對於你既意見，我覺得：你好煩啊﹗
人妖樂既叫聲消失曬—因為小豪三人組既回歸﹗佢地琴日點解唔返學﹖趁小息果陣佢地三個好鬼祟咁拉左我出走廊既一二角，仲罕有地露出一副可憐夭夭既樣；係咁求我唔好講出去。
「我地唔返學—」、「係為左—」、「去左小嶋陽菜既握手會﹗」
我當堂打左個突，驚訝程度唔可以用文字黎形容；佢地三隻野竟然去握手會﹗不過話時話，邊個係小嶋陽菜﹖
呢下換轉佢地一臉驚訝：「樂樂你竟然唔知﹗」、「白菜咁靚﹗佢同樂樂你一樣咁索架喎﹗」、「akb48既中堅分子啊﹗」
嘩﹗你三隻野丫﹗真係人不可以貌相。外表凶狠，內裡毒向左走向右走﹗既然你地咁毒，點解之前又要蝦我，同身邊既一片毒向左走向右走呢﹖
三俠統一地面露尷尬：「咁之前唔知樂樂你…」，「係女仔丫嗎…」；「咁其他毒向左走向右走又樣衰…」，「我地又手痕…」。
手痕就可以咁做架啦咩﹗
「嗱﹗我唔理你地之前係點﹗總之從今日開始﹗你地要同毒向左走向右走建立良好關係﹗因為係你地既內心中都包含住一顆毒毒的心﹗由—李永燊同何志堅開始﹗」我不自覺地叉起條腰。
「吓…」佢地又一致地面有難色。
「一定要啊…﹖」，「快—d—去﹗」我斬釘截鐵地落命令。
三條友你眼望我眼；不然，小豪怒目圓瞪；飛機同阿冠先心不廿情不願地開始行返去課室搵李永燊同何志堅。
我隨後前往，經我既提示下，佢地保持猙獰既笑容。
結果，兩毒物一見飛機同阿冠笑住咁行埋黎，就驚慌失措地跑走左。
「吳sir啊…想問下你放學得唔得閒啊…」
最尾一堂岩岩好係班主任吳SIR既堂；我鼓起絕無謹有既勇氣，叫停正準備邁出房門既吳SIR。
古肅既吳SIR生硬地停下步調，緩緩地轉身：「你有咩事﹖」
「我…有事…﹗」我講緊咩啊﹖我緊係有事啦﹗
「咁係咩事丫﹖」吳SIR眉頭一緊。
「我…表姐有事搵你﹗」我生硬地說。
面對師長，我毒毒既內心又會發作。
「你表姐﹖…佢係你監護人﹖」吳SIR有D起疑。
「係啊﹗佢係醫生黎架﹗」拋個專業資格出黎好似有說服力D。
「嗯。」回應平淡無奇；「咁一陣4點半黎教務處搵瓊姐通傳啦﹗」說罷就拂袖而去。
望住吳SIR既背影愈行愈遠，心中既不安又放鬆左些少。
跟住落黎等表姐出手，我係一二邊等結果就算啦…
「阿樂﹗你表姐會黎學校啊﹖」冷不防，背後傳來一股熟悉既聲音。
無錯，又係肥輝。如果肥輝轉行踢波，佢一定係一個好擅長捕捉機會既前鋒。
我縮左下，緩緩地轉頭；極度無奈地說：「點解你又會係到架…」
肥輝完全無視我既問題，繼續問自己既問題：「點解你表姐會黎架﹖平時唔見你提起佢既﹖」
「…遲d答你好唔好…﹖」遲d我著女裝返學你咪知囉﹗
「唔好啦﹗上次件事你都無同我講啦﹗呢單就講我知啦﹗」
我無責任解答你所有既問題架喎﹗特別係我本人咁personal既問題﹗
「唔…」，「你唔就講啦﹗」，「唔…講啊﹗」
講完，我獨自向前走。對世間一切厭煩同孽障，一概視而不見
雖然我做鴕鳥，但煩膠肥輝仲係如影隨形咁跟實我。由落堂果刻既4點鐘，跟到而家既4點半。
我不耐煩地回身：「你再跟住黎我都唔會話你聽架啦﹗你走啦﹗」
我唔想有其他人係呢個咁難為情既時刻做旁聽啊﹗
「你講唔講已經唔係重點。」肥輝冷冷地說
「重點係…你表姐索唔索架﹗」
當我正想發作之際，肥輝又閘斷我：「你唔駛講﹗…我自己睇﹗」
講完，又撬埋雙手坐係校務處既長凳上。
你隻死肥仔丫…不過算啦﹗以肥輝既功力，連表姐一掌都捱唔到啊﹗到時我叫表姐猛咁帶佢遊花園咪得囉﹗
「樂樂，呢個鐘數你係校務處做咩啊﹖」把聲咁熟既﹖
咁你又出現係度做咩啊﹖我疑惑地回頭…Hi Hi﹗連獅兄都出現埋﹗
「你…你唔好行埋黎啊﹗」我緊張地架好拳勢。
你夠膽掂我…我就醒你兩拳﹗
獅兄見到我咁嚴陣以待，瞬即大笑起黎。
見到佢笑得咁HIGH，我又有種中左計既感覺；無癮地放返低對手：「你又想點啊…」
「你唔好次次見到我就覺得我另有企圖先得架…」，「我想了解下你情況唔得架咩﹖」
「唔得。」我直截了當地回覆。
一個趕唔走又黎第二件﹗真係令人洩氣…我唔想俾咁多人知我而家做緊乜啊﹗
「你可唔可以行開先啊…最多我遲D話你知咩事啦…」算啦…當我怕左你啦…
係呢一刻，獅兄既表情我參唔透；但我估佢係係度打量緊利弊—走好﹖唔走好﹖
終於，佢睇落有左結論：「樂樂你應承左我架。」仲展現一個詭笑。
「嗯﹗」我堅定地嗯左下，反正遲下我換左校服；你都會知發生咩事啦。
「喂﹗唔公平喎﹗點解佢可以知但我唔知我嫁﹗」肥輝一聽到獅兄有優惠就發作。
「你走之前可唔可以幫多我一件事﹖」我無理肥輝，講野對象係獅兄。
「請講。」獅兄展露微笑。
「幫我的走隻肥仔。」我清楚地講出自己既要求。
於是，肥輝就被獅兄利誘左去打籃球—佢話籃球場有好多靚師妹喎﹗
哼﹗花心﹗
經過一個鐘既戰鬥，表姐說服震驚非常既吳sir—我變左女仔。
「吳sir，我係一個有專業資格既醫生；陳俊樂既例子係非常非常特殊，可以話係萬—中無一。」表姐拋佢既專業知識既同時，仲好抵死地拉長左個萬字。
「你可以睇睇呢份醫學證明書。」從淺啡色既皮感公事包，表姐隨意地拎左一疊文件出黎。
由「陳俊樂已經變左做女仔」表姐單刀直入既呢十隻字開始，平時性格絕對嚴肅既吳sir，個口擘到大一大，好似以後都唔識合返埋咁。
「徐小姐你唔好講笑啦…邊有可能啊…﹖」吳sir將目光放係我身上。
以前飛天夠無可能啦﹗而家咪又係一天飛機﹗
「絕—對有可能﹗詳細你可以睇睇份文件…」表姐又拉長個音。
「係啊…吳老師下嗎﹖…我個仔…真係變左個女啊…」阿媽眼有淚光，好戲啊你﹗
吳sir有點手震地接過份文件，再手震震地戴上老花眼鏡。我諗佢三十多年執掌教鞭既生涯；怕且都未遇過同類事件。
而我，都好坐立不安。唔知吳sir會點睇我呢﹖怪物﹖人妖﹖最重要係佢會點向外發佈有關既問題﹖
吳sir真係逐隻字逐隻字咁研究，好似怕睇漏任何一隻字咁。
「咁…咁…我地校方…需要點做呢…」
吳sir對手震到好有柏金遜既味道。
「哦，其實好簡單姐；稍後陳俊樂會用返女性身份返學，咁係呢方面需要學校協調下。」
一個手震，一個自信；而我同阿媽就好向左走向右走緊張。
所以我地兩個就on99生勾勾地望住表姐操縱我既生死。
吳sir聽到表姐既說話，啞口無言。
「咁即係…要點處理啊…﹖」平時吳sir甚有「老師款」，同而家咁無助既吳sir簡直係判若兩人。
「對外公佈，樂樂變左女仔咪得囉。」表姐突然摸摸我塊面。
正經d啦你﹗
傾完已經係夕陽無限好。
「表姐啊﹗…做乜要咁急，下個禮拜就變返女仔啊…」我無奈又不滿地說。
我既人生…始終都係操縱係人地既手上…岩岩表姐一輪嘴猛攻吳SIR，我連搭嗲既機會都無…
「唔快架啦﹗樂樂你都成個月維持係女身男裝啦﹗快D打回原形唔好咩﹖」
表姐，打回原形唔係咁用架。
「大膽﹗竟然駁嘴﹗」表姐扮曬正經咁搣左我塊面一下。
「係囉阿女…聽表姐話啦…」
阿媽一臉憂心，搞到我都有d唔安樂。
其實阿媽你唔駛咁擔心喎﹗一切都向好果方面邁進緊啊﹗
「望就咁望啦…」
我真係唔明阿媽你有咩好擔心既﹗我係表姐食好住好，仲有阿滿照顧我﹗簡直係五星級享受啦﹗
「衰女﹗你真係諗住一世唔返屋企﹗搞住阿琪啊﹗」女人既情緒的確可以轉變得咁快。
「吓…」我真係無考慮過呢個問題…個心離一離…一直都係我一個人感覺良好…其實表姐同阿滿…鐘唔鐘意我呢個新房客架呢﹖
我係一個咁「古怪」既小毒「向左走向右走」…平時人緣咁差…連個天都鐘意玩我…突然有人咁關心我…會唔會又一次係陷阱黎…﹖再玩多我一次…再踢多次我入谷底…
得我一個感覺良好…仲要良好左咁耐…佢地心裡會唔會對我好反感啊…﹖
其實我有無搞住表姐同阿滿呢呢﹖
我既視線可憐又煩惱地投向表姐。
表姐馬上展現一副no big deal既笑容：「唔緊要﹗樂樂黎到陪下我同我個老友﹗我地三個女仔不知幾開心啊﹗」
唔知係唔係心理作用，我突然覺得：好假啊…
會唔會連表姐都唔鐘意我架…
「點會唔搞到你丫阿琪…無啦啦多個人喎…而家仲見你多個朋友係度…」從一見面對我既關懷而展現既微笑，阿媽就再無笑過。
諗起以前俾人玩既經驗…除左自己…其實無邊個信得過…
我不安又自卑地獨個低頭站係原地。
阿媽今日既黎臨簡直係對我既當頭棒喝…邊有咁好彩…又突然會有咁美好既日子丫…一定係又一次既考驗…
可能係一個寧靜既早上…表姐同阿滿突然走入我間房…同我講其實好憎我…
又或者會直接趕我走…
就好似我識到小善又俾MK野…打完一身又變左女仔…變左女仔又俾人蝦…俾人蝦之餘又要俾人叫返做人妖樂…連老竇都趕我走…
我既人生始終係灰色同悲觀的…
「…咁…不如我拎埋女仔身份證…就返屋企囉…」我有d鼻酸。
「唉…你話返就返啊…隻老野仲正一老古董黎既…到而家仲係一日到黑黑口黑面…」阿媽既不滿又無奈。
原來連老竇都未原諒我…天啊…你唔係真係要我同流浪漢爭宿位下嘛…
表姐而家既笑意…我都分唔出目的係為咩啦…
「如果樂樂個傻女係阿琪度住多一排…阿琪你有無問題啊…﹖我可以俾返錢你架﹗」或者…仲有阿媽可以相信﹗
「無﹗…我諗俾多個適應期姨丈，對大家都係一件好事。」表姐表示諒解。
阿媽再摸摸我塊面，再講左D小心照顧自己之類既說話…就轉身走了。
望住阿媽既背影…真係好耐未試過咁唔捨得阿媽…
表姐搭一搭我膊頭：「唔捨得阿媽啊﹖」
你又會知既﹖
我點點頭；又猛然抬頭：「表姐啊…其實你覺唔覺得我好煩架﹖…我黎你度住…又搞住你…又要你幫我做咁多野…我係唔係好黑人憎啊﹖」
我係好唔鐘意喊，但此刻，我眼泛淚光。
表姐既反應有點驚奇，溫柔地問我點解咁問啊，係唔係佢做左D咩令我有咩唔開心啊﹖
其實…其實…我都係怕沉醉係快樂太耐…又換黎一次沉重既失望姐…我真係頂唔到幾多次了…
請原諒我份人既情緒咁反覆。毒向左走向右走就係咁奇奇怪怪，而女人又難以捉摸 。不幸地，我同屬於呢兩種科類既動物。
所以係表姐緊緊地擁抱住我，輕聲地講傻豬黎既，而我喊到黃河缺堤既時候呢；我無記起表姐有幾大波，只係俾佢深深地融化感動了。
我諗，呢個係我女性既一面羞愧地覺醒左。
而家，我又將焦點重新集中係阿滿個胸到。
「樂樂你真係傻啊﹗我點會唔鐘意你喎﹗你黎左之後俾左個靈感我啦﹗我份人咁悶你又肯陪我啦﹗平時阿琪又成日唔係屋企，又多個人肯陪我傾計﹗」
阿滿熱切溫柔地攬住我，再係咁數我既優點；自我價值一向低下既我真係有d唔習慣。
「樂樂啊﹗你有咩唔開心就同我講啦﹗唔好屈埋屈埋，咁個人會好唔舒服架…」
「我會架啦…」我再抱緊阿滿，令佢個胸再加近一d距離。
阿滿係一個大波妹﹗
好正，好幸福；同時覺得自己有種好賤既感覺；唔係一般人理解得到。但我身為一個女仔，抽返女仔水有幾咁閒姐﹗
「阿滿啊﹗其實我都好鐘意你架﹗」打蛇隨棍上，索性將個頭挨埋落阿滿嫩滑既面上。
「咁咪好囉﹗我都好鐘意樂樂你架﹗」阿滿亦非常配合，將塊面緊貼住我。
嘻嘻…果然係一個天真無邪既姐姐。
不過係正坐係梳化打機既表姐眼中，我已經變左一個色魔：「樂樂﹗唔好持住自己係女仔就係咁抽阿滿水啊﹗」
表姐係「係女仔」三個字加重語氣。
咩啊﹗你都識講啦…大家都係女仔…有咩問題啊﹗
「你唔係對阿滿有咩意思啊…﹖」表姐瞇起一隻眼，語氣挑逗。
阿滿聽到呢句竟然笑起上黎。
「樂樂你真係鐘意左我啊﹖」笑容甜得醉人。
表姐，呢d先叫挑逗啊﹗
同表姐阿滿玩左成晚，真係發覺毒向左走向右走一面既疑累認真係多餘既。
琴晚我地三個大被同眠，互相傾訴下心事…其實係我俾佢地追住黎問關於一個女仔用男仔既身份係唔係好難。
難唔難呀﹖緊係難啦﹗好似pe堂咁；嗱﹗係呢度呢，阿滿同表姐都犯左個謬誤；就係身為女兒身既我要點係猛男群入面換衫呢﹖咪喳都無得淨﹖
錯曬啦﹗明知自己身體唔方便，仲點會以身犯險；堂堂都入更衣室換架﹗阿滿就好天真咁問我係唔係入d廁格換；天真啊阿滿﹗就算你入廁格，D男仔都會拍你道門，甚至伸個頭上黎望你；到時咪又係蝕﹗
所以呢，帶衫返去換係非常愚蠢既行為黎既﹗
點解決﹖緊係有PE堂果日就著定返去啦﹗唔駛咁麻煩之餘，仲少個機會俾人玩﹗
咁係唔係代表無問題呢﹖又唔係喎﹗PE堂真正既危機係俾D濕勁阿SIR點你去參加群組體育活動。記得上次果堂係打籃球，我俾阿SIR格硬拆散同肥輝佢地組，再求其點左入另一組—阿超果組。
果場波，做毒向左走向右走行行企企佢又Hi，傳過波俾我一係接唔實一係俾人撞跌；成堂係咁跌真係好痛架﹗
「嘩…咁你咪好可憐囉﹗自己係女仔又唔講得俾人知，仲要俾人蝦﹗」阿滿感慨地說。
「係架…所以我既情緒有時會好低落…你地唔會怪我架可…﹖」講真，無啦啦懷疑表姐同阿滿對我好係假象真係好小人之心；冷靜過後…我好過意唔去…
「傻妹﹗」表姐同阿滿同時道。
「而家咁樣咪好囉﹗幫你換返女仔身份；遲D又可以堂堂正正咁做返個女仔啦﹗聽日表姐放假，拿拿聲帶埋你去換身份證啦﹗咁你以後就唔駛驚俾人蝦啦﹗」表姐總結道。
唉，睇黎我都要接受現實，去做一個女仔啦。
琴晚最後一條問題屬於阿滿，佢問我男仔既世界究竟係點既﹖
我答：「其實男仔既世界係好污穢不堪既，阿滿你都係唔好知咁多好啦﹗」
「係啊可﹗」表姐富有意味地補上一句。
跟住我地就先後進入夢鄉了。
唔記得講，表姐同阿滿好香啊﹗
於是我又返黎殘酷既現實，繼續返學；獅兄係lunch time果陣上黎搵我，反應遲鈍我走唔切；所以就俾佢捉—佢又半抱住我一路推左我落canteen。
「你…你有咩事啊﹗」獅兄笑而不語，唔知佢打緊咩鬼主意令我更不安。
「我唔可以掛住你架咩﹖」獅兄將個身微微前傾，搞到我嚇到個身向後移左移。
「咁…咁…咁都唔駛捉我落黎嫁嗎﹗」你咁樣我會嗌架﹗
「你唔想同我傾下計咩﹖」獅兄保持古惑既笑容。
「就係咁喳嗎﹖」
為左表示我堅決唔服從既態度，我馬上企起身轉身走人。
「樂樂，可唔可以解釋下點解你突然又唔想特訓﹖」獅兄既語氣出奇地冷靜。
正轉身離開既我停左停。
「你個傻妹係唔係又打緊咩鬼主意啊﹖」笑意回復。
大佬﹗你唔玩我我已經好高興啦﹗
「邊有啊…女仔係咁三心兩意嫁啦…我突然唔想練…唔得咩…﹖」我側過頭回應獅兄。
獅兄又變返原先邪惡既表情。
「你…你想點啊…」由於驚嚇，我神經反射地回應左呢句。
「傻妹。」
傻…你條命﹗
「你係唔係又有咩事發生左，我可唔可以幫到你啊﹖」
眼前原本邪惡無比既獅兄，語氣突然之間變得咁溫柔關切；我唔係發緊夢下嘛﹖
「啊…吓﹖」佢變得咁溫柔，我更加唔識點反應。
「我係唔想你唔開心啊，樂樂。」
我從來都未見過佢變得咁溫柔。
「我…無事啊…」
「真係﹖」
「嗯…」
「你知你呃唔到我架﹖傻妹，講我知啦，我保證唔會講出去；而且唔會笑你。」
我抬起頭，與此刻異常誠懇既獅兄相對望。
講唔講俾佢知好呢﹖雖然最好都係敬獅兄而遠之，但我真係放左佢飛機喎﹗如果佢為左我，果段時間推左其
他好重要既事，咁我咪欠左佢一個人情﹖
但如果佢無其他事，只係純粹對我有不軌既企圖；我咪好蝕﹖
咪啦，都係問清楚好D﹗
「其實…原本果段時間…你係唔係有其他野要做﹖」我小心地試探。
我陳X樂（係而家呢個過渡階段，我認為中間個字改做X字好D。）平生無咩朋友，而家仲要辜負人；對我呢隻小毒女黎講，簡直係完全不負責任啊﹗
獅兄無正面回應，只係略帶詭秘地笑左兩下；再一臉可惜地搖搖頭：「樂樂你點知我為左你推左件緊要事嫁﹖」
真係俾我講中左啊﹗
「吓…」爭獅兄數，後果可以咁大鑊架喎…
「所以你要負責。」話口未完，獅兄就鐘個笑得好衰既死人頭過黎。
「負咩責啊﹗…係你自己話要幫我喳嗎…」我反應甚大，大到連canteen既其他人都注意到我地。
「樂樂你唔好咁激動啦。」注意到四周既變化，獅兄笑得更高興。
你﹗…次次都無好野架﹗
我惱羞成怒，一聲不響就轉身諗住鬆人。
「其實…我都係想知你發生左咩事姐…」
咩啊﹗激嬲左人又扮可憐啊﹗我唔會上當架﹗
「樂樂啊…講我知啦…」
獅兄輕輕地拉住我衫角。
你…好令我作嘔啊﹗男人老狗拉住我件衫扮可憐﹗之不過…我的確係有負於你，就透露0.03既野你知補數啦﹗
「我就黎會用返女仔既身份生活。你滿意啦﹖」我無擰轉身。
佢無回應，身邊只係傳來四周學生既喧鬧聲。
「無事啦嗎…我返上去架啦…﹗」我幾時都話，唔出聲既獅兄先係最得人驚…
佢係後面搞咩啊﹖…唔係計劃緊獅子撲兔下嘛…﹖呢度咁多人…佢唔敢既…應該…