「起身啦Seven Head﹗」強忍住笑意,同扒係地下傻笑既兩條友講。 

佢地就咁卡係門口傻笑,瘦既疊住肥既;加上肥輝副眼鏡竟然戴返正,喜感同原來肥輝都唔係咁猥瑣既意念相結合,怒意全無。 

而且佢地咁樣塞係門口,我唔原諒佢地都走唔返出去啦。 

肥輝同阿康見我帶住笑意既原諒,都不敢怠慢;阿康機械式地起身,臉上彷似有點微紅;反而肥輝呢就好似洪金寶敏捷地彈左起身,跟手好戲劇性咁轉換表情,十分嚴肅:「阿樂啊﹗作為你既朋友,你既身體…發生左乜野事﹖我地唔係八掛啊﹗只係想幫你喳﹗」肥輝眼神堅定,阿康附和連連點頭。 

又係既,佢地係第一對知道我目前情況既人;更加係我好朋友,我諗值得信賴掛;始終而家搞成咁,我都要搵個人幫同傾訴既。 





哎哎下唇,抬起頭…:「講起我就扯火﹗」 

「吓﹗小善被班mk捉左﹗咁佢有無事啊﹖」聽到我同小女神俾人圍,肥輝關心既唔係作為好朋友既我,而係小女神;真係正好樣,有異性無人性。Between,其實我而家都係異性…… 

「岩岩打去佢屋企,應該係伯母聽;佢話小女神訓左覺,應該無事掛….」諗到呢度,如果小女神無事﹖點解又唔打個電話黎問候下我呢﹖原來自己既地位一直都係可有可無,係自己睇得太高姐…毒向左走向右走樂….。 

「小善無事就最好啦…」肥輝自言自語道。
 
「喂,咪住先;究竟邊個係小善啊﹖點解我咩都唔知既﹖」原本坐係一旁默默地聽故仔既阿康,表情一臉不爽咁提問;大家既眼神都轉望肥輝。 





「吓…﹖乜你唔知咩﹖我應該有同你提過架喎…啊﹗我真係大懵啊﹗唔記得左同你講添﹗」肥輝吞吞吐吐,望住自己個肚腩;表情可疑。 
「 
你係唔想阿康都出現埋同你爭女喳下話。」一野就踢爆佢,阿康聽罷;雙手揑住肥輝條短不過有既頸, 

「我叉向左走向右走死你啊死肥仔﹗有女唔介紹俾我識咁獨食﹗」之後好條件反射咁轉頭望我:「條女…啊唔係,你個朋友好索架﹖」,「緊係,我識架喎。」古古惑惑俗稱樣衰衰地繼續火上加油,等睇肥瘦大戰。 
佢地就咁係張梳化度開戰,時而互相叉頸;時而相擁係地下碌黎碌去;趣味十足。使我不禁哈哈笑左出聲。 

聲音清脆而動人,連自己聽到都感到意外;好似講左句粗口咁即刻捂住自己個口。 

肥輝同阿康都停止混戰,另轉頭望住我。 





「咁你以後點打算啊﹖」肥輝訓係地下,頭髮亂曬。
 
被佢兩個望到實一實,望到周身唔自在;再一次紅都面曬。 

呢個的確係我目前最逼前既問題。 

「吓…啊…其實我真係無諗過…」轉望地板,整理思緒;我以後要點生活呢﹖頭先被佢兩個激到走入房後係閃過呢個問題一陣既,但好快就俾其他問題推開;呢次係第一次真真正正地思考呢個問題。 

「我會搵方法變返男仔既﹗」頭舉起,熱切堅強地回應肥輝既問題。 
肥輝展露albert tam係唔知乜春擂台既嬲打表情:「你真係咁天真覺得有方法變得返男性﹖目前最大既可能性就係你會繼續以女兒身繼續生活﹗你要開始謀定後路。」真係好少可見肥輝咁正經。 

「用女仔既身份生活﹖我先唔要啊﹗我成世人都俾人笑係女人型﹗而家真係變左女人啊﹗我係男人黎架﹗用男人既身份生活左16年啊﹗你叫我點樣學做一個女仔啊…我唔向左走向右走要啊…」哭喪著臉,然後逐隻逐隻字咁吐出黎。係走廊聽到呢一段對話既人一定會覺得係屋裡面果個女仔係傻既,講埋d野九唔搭八。 

「咁你係搵到方法之前,點都要面對架喎﹖」肥輝繼續講。「係囉…不如你著返件外套先啦…。」阿康成塊面紅曬,手欲指又唔敢舉起。兩個既眼神又望向我,搞到我又成身唔自在,自己都望下有咩問題。 





一掃落去就望到有生而來都無咁大既胸肌,ok﹗係有d尷尬,但佢地都知我變左女仔啦,值得咁大驚小怪咩﹖…望望下又有好似有d唔對路,究竟係咩事呢﹖ 

Hi Hi﹗岩岩笑到個身興曬除左件外套,而家飛向左走向右走緊釘
 
係望到飛釘之後既一秒間,已經好叻叻豬咁即刻雙手抱胸;但亦化解唔到而家既尷尬氣氛。 

今日既我好似一盞燈,時而白色,時而紅色。 

「你…你地唔好望住我啦﹗」啤左佢地一眼—佢兩條青頭仔眼甘甘咁望住,好似貓望到魚咁。 


咁樣講一講,一肥一瘦好似從夢中訓醒咁,震左震個身再吞左啖口水。你地唔係想再黎過啊… 






三個人尷尬地互望左一陣。 

「望夠啦喎﹗」雙頰微紅,眼帶怒氣;頭先就話諒你地無知原諒你地﹗如果又再黎一次,呢一世都唔會再理你地﹗ 

企起身,轉身,著返件外套。另轉頭用蔑視既目光掃視呢兩條青頭仔:「咸濕仔﹗」其實都係意圖舒緩下 氣氛姐,話曬自己都做過毒男;如果有個咁既靚女係我面前飛釘,我都會望到實一實。 

肥輝又chok樣:「你需要一個胸圍。」,「咩話﹖」我同阿康同時講出呢句話;做女人已經夠難堪,仲要戴個胸圍係街四圍走;感覺十足變態佬。 

「咪搞我啊﹗做女人已經夠慘嫁啦﹗仲要戴個胸圍係街四圍走,十足變態佬﹗」對此我係表示非常反感。 

「你而家仲可以做變態佬咩…」阿康虛弱地回應一句,我無氣再理佢。 
唉,我係連做變態佬既最「根本」資格都無。 

「你諗下係街上面有成千上萬好似我地呢種毒男,個個都望住你飛…」肥輝意有所指。 





「得啦得啦﹗等我考慮下先啦﹗」我就黎腦抽筋啦﹗
 
又靜左一陣。 

「其實如果我唔梳起d頭髮,我諗都唔會有人發現我變左女仔掛。」我繼續掙扎。 
就算係做男仔果陣都希望女仔唔戴胸圍架啦,夠曬坦蕩蕩蕩蕩蕩蕩蕩。 

不過而家係我蕩蕩蕩喎。 

原來俾男仔掃視自己既感覺都幾唔舒服,就好似俾gay佬望緊咁;如果仲要係大街上我實發狂想打人。 
「最起碼你需要一個運動胸圍囉。」阿康你學咩人搭嗲丫﹗「無錯﹗就算你要繼續扮男仔,你都要遮遮個胸。」肥輝意有所指。 

得啦得啦,扮乜野男仔啊﹖我本來就係男仔﹗呢句聽落真係好銀耳。 

聽住呢兩條陪伴我毒左十六戴既小毒向左走向右走教我如何成為一個女性真係好諷刺。「你地點解會知道咁多女人野架﹖」連身為女人既我都唔知啊。 





「嘻嘻,你當我神父流架﹖」肥輝係學校有一花名叫神父,因為佢成日係學校傳性經。 

「話時話,你地搵到舊同學做project未﹖」趁未有決定,講其他野差開話題先。 
哈哈,果然如我所料;得我一個搞掂。不過咁,如果你地搞唔掂;陰濕李咪又係call齊全team人開波﹗所以當中都係包含關壞。 

「邊有人理我啊﹗個個聽到係我打黎一係話唔記得我係邊個一係就話有野要做。」肥輝有d洩氣。 

「最向左走向右走激氣係果個個燊;又話咩有靚女啊先肯出黎,我向左走向右走識靚女咩﹗」肥輝繼續發洩。 

突然,肥輝頓左頓再抬起頭,好似拿破倫發現新大陸咁:「靚女,你咪係囉﹗」
 
我對眼瞇成一條線,警告地向肥輝講:「再搞我就無fd做。」 

「求下你啦樂哥﹗我真係好需要你幫手架﹗」隻死肥仔竟然無尊嚴到即刻跪左係地下。 

嗯﹗樂哥呢句都幾岩聽﹗不過我是拒絕的。 

「我求你唔好求我啦死肥仔,我搞成咁已經夠慘夠煩架啦;你仲要我抛個樣出去﹗」連我都開始有d激動。朋友還朋友,幫到我一定幫,但你都無理由係我傷口灑鹽嫁嗎﹗諗起仲要扭扭另另咁去見一個為左我而黎既男仔,真係混身唔自在得黎又gay味濃。 

「我問你啦,你會唔會同阿康搞gay丫﹖」希望隻死肥仔會放棄啦。 

「緊係唔會﹗不過你係女仔喎﹗」肥輝諗都唔諗就知道我想講咩。 

口舌上我輸曬,咁唯有發爛喳啦。 

「唔得﹗No way!我係唔向左走向右走會幫你既﹗」你搵過第二個啦唔該。講完繼續抱胸另咩面。 

「你諗下喎,如果到時無功課交俾陰濕李捉上台問;你口震震咁實穿架喎。」肥輝個樣都好陰濕。 

咁即係捉向左走向右走住我既痛腳咁話啦喎,你唔可以生性d用自己既力量黎做功課架咩﹖ 

「咁即係捉向左走向右走住我既痛腳咁話啦喎,你唔可以生性d用自己既力量黎做功課架咩﹖」我口講我心。 

「咁話明係group project丫嗎﹗緊係成個group互相幫助架啦,你做到既野我地又做唔到。」條好樣大條道理咁。

係一邊沉默左好耐既阿康,機械式咁舉起手;爭論緊既我地都另轉頭望向佢。 

「其其…實我想講呢,你仲要顧埋我同何志堅同李永燊啊。」阿康有d唔好意思。 

咁點啊﹖要我扮四次女人搵仔啊﹖
 
「再講多次,唔得﹗」就算你問多我一百次都係咁話。 

肥輝攤坐係梳化,睜起雙眼直視我:「咁算囉,到時交唔到功課咪俾陰濕李捉你上….」一臉不自在。 

「夠啦﹗」我隨即打斷佢:「我已經諗好啦,之後我都會繼續用男仔既身份生活;反正平時都無乜人理我架啦,我拉返低d陰咪又係同平時一樣﹗」一路講一路拉返低d陰。 

「我會努力搵返變返男仔既方法。」接著說,表情毫無相確餘地。 

再次一片安靜。 

「但我地做唔曬…真係會俾人的上台開波架喎…」阿康十分不安。 

「咪係囉毒向左走向右走樂,而家無人理你想做男人定女人啊;我地係求你幫幫我地兩條可憐蟲做功課喳。」肥輝又伸個頭埋黎。 

「功課自己做。」經過成朝既刺激,向人say no無難度。 

「啊﹗」肥輝忽然大叫,再抄亂頭髮;好似輸向左走向右走曬身家咁。噗,然後就跪左係地;肥仔﹗你可唔可以唔好咁cheap啊﹖你跪左第二次啦。 

「阿樂﹗樂哥﹗我求你﹗我唔可以再爭陰濕女功課嫁啦﹗自從上次同小善見面之後,我發覺我地之間既距離實在係太遠,唔再急起直追奮發圖強,我就追唔向左走向右走到架啦﹗」條肥仔喊曬口咁,略為浮跨。 

我同阿康都用住一種好渺視既眼神望住肥輝。 

「我都未問你,點解你會叫阿善做小善嫁﹖」 

「咁你都叫小善做阿善啦﹗對心上人稱呼親切d有咩問題啊﹖」肥輝毫無羞辱跡像。 

我同阿康渺視既眼神加大轉為蔑視。
 
「你覺得自己有機會嗎﹖」阿康率先開口;係囉肥仔,你唔係覺得自己有機會下嘛﹖ 

「有﹗緊係有啦﹗果日佢望住我既眼神同語氣,我就好肯定佢對我有好感﹗」肥輝堅決地說。 

「你真係唔知個醜字點寫架喎。」望住呢個跪係度喊苦喊忽既肥仔,同果個好似天使既阿善,真係非常唔match;簡單d黎講係癩蛤蟆想食天鵝肉。 

我用對手整左個大既圓圈,再整多個細既:「唔通你唔怕壓死阿善啊﹖」 

肥輝聽到呢句,突然彈起:「嗱﹗減肥都係我個plan既第一步,而且我呢種唔係肥﹗係骨架大姐﹗」。 
凶狠得你個衰樣丫。 

「得啦得啦﹗我祝你努力成功啦下﹗無乜野你地好走啦,我琴晚都唔係訓左好耐喳….」。我都未講完,條肥仔就衝左過黎搭住我膊頭:「我咁大個仔,唔係打j就係打飛機;今次係我人生第一次有目標,仲係咁有機會﹗一世人兩兄弟,你幫下我啦﹗」我成世人都未聽過條肥仔語氣咁誠懇。但事實歸事實,咁有機會﹖荒謬﹗把自己看得這麼重。 

「求下你丫﹗」見我反感表情不變,肥輝嗱嗱林補飛。 

「祝你成功。」淡淡放下一句,轉身返房訓覺。
 
「記唔記得細個果陣有一次,你俾街邊d mk笑你似女人;係我挺身而出打走班友架﹖」。 
腳步頓左一頓。 

「仲有你小三果陣唔見左本常識作業,我用左儲三個月既錢借俾你買返本;你到而家都未還啊﹗」 

「仲有呢,你默書唔合格都係我幫你冒簽架﹗」 

肥輝不停不停咁數舊事,除左證明佢好記性外;仲證明原來我虧欠左佢好多野。 

好似借錢俾我買書咁丫,佢阿媽以為佢整唔見曬d錢,結果用衣架打到佢Hi Hi;果陣時佢已經係肥仔,望 
住佢身上d痕真係一步一驚心;但佢最後一句都無講到出黎。 

我份人最大既缺點就係心軟,所以咪俾人蝦足成世囉﹗連個天都玩勁我﹗ 

另轉頭,面有難色:「唉…我唔係唔想幫你啊﹗但係我真係接受唔到咁啊﹗點解你係都搵返果條友啊﹖」 

肥輝見有轉機,又換左個嘴臉;一臉尋找他鄉的故事king sir feel:「我係邊種人你都知嫁﹗原本有寫既紀念冊都唔多架啦,前排落雨無閂窗;仲要沖爛左一疊。剩低既唔係話唔記得我就話唔得閒,得呢條友肯理我;我岩岩都講過架﹗」 

「咁係你自作孽姐。」之前仲玩感動香港,又係你條死肥仔自作孽。 

「念在我地咁多年朋友﹗幫我一次丫﹗一次咁多丫﹗」而家就好似玩緊百萬富翁陳啟泰問緊我最後答案咁。 

條肥仔既人生又好少咁有plan既。 

「…幫你一次咁多喳﹗」我改答案啊Hi﹗
 
「YO!」肥輝HIGH到跳左起身,胸前同肚臍泛起唔少漣漪。 

「咁…咁我要點做啊…﹖」而我就非常忐忑。 

「點做﹖啊你等等﹗」聽到呢個消息,肥輝既表情又突然地平靜;好快手咁係條褲到抽部手機出黎,再用好唔match佢D肥手指既速度黎禁陣一連串號碼:「喂﹖阿燊啊﹖又係我肥輝啊﹗…咩話﹖喂唔好cut線住﹗…係啊﹗我果班因為有d事,岩岩有個靚女調左組過黎;索唔索﹖緊係索啦﹗信我唔過﹖Hi咁你出黎見下咪知囉﹗...要睇相先﹖你估而家睇板啊﹖咩…喂﹗唔好cut住﹗影就影啦﹗一陣facebook俾你﹗」收返好個電話入袋,肥輝古惑地望住我:「首先你要影相先﹗」 

「影相﹖」吓﹖節奏去得咁快,我跟唔切架喎。「喂﹗你要我影相咪即係要我通天﹖」點解永遠都要向高難度挑戰呢﹖我仲係新手,可唔可以打住史來姆先啊﹖ 

「唔影得唔得啊﹖我就咁出黎見佢唔得咩﹖」我愁眉苦臉。 

「Well,我可以同你講;佢既縮骨程度比我過之而無不及,見唔到相,佢就絕對唔會出現﹗」肥輝一本正經地回答。 

「咁再試下搵第二個囉,可能有人會肯呢…」試探性詢問,可能真係有第二個呢﹗ 

「唔岩搵你果班囉,你話有五六個丫嗎﹗扣左小善,你都仲有四五個係手。」條好樣竟然學人唔耐煩。 

「我唔要俾班好樣知道我變左咁既樣﹗」原本已經明麗既大眼睛再睜大,好似見到鬼咁;因為激動,所以臉頰微紅。 

邊個見都得,唯獨班舊同學唔得﹗舊時笑得我咁勁,而家知道我真係變左女仔,真係諗起都想搵訂哩。 

阿康既人脈自然唔駛諗啦。 

「得啦得啦,唔駛咁大反應喎﹗影張相姐,又唔係全世界都知;facebook上面有加密嫁嘛,傻豬黎既。」 

肥輝既語氣就好似係日本街頭度嬲緊女仔拍av咁。 

拗左成朝,實在無氣再講落去:「…一定要加密啊﹗」加密係我既底線。﹗ 

「yo! let's go rock & roll !」肥輝興奮叫嚷。 但下一秒就回復冷靜:「阿康做野﹗」又做野﹖ 

前車可鑑,阿康都唔敢太大動作;只係慢慢咁行埋黎我身邊再停低,另轉頭望望肥輝,一臉疑惑:「做乜野啊﹖」肥輝虎驅一震,滿臉驚訝:「幫阿樂裝身啊﹗你睇佢而家點影相啊﹗」。 
又睇下我﹖雖然頭髮散開露出美麗面孔,但頭髮仍然凌亂;上身套住件淺藍雜外套,將胸部緊緊包圍;下身則穿著愛迪達運動長褲。 

「嗱﹗我極其量係批准你係我d頭髮上加少少gel架喳﹗」雙手再次抱胸,唔準搞我對波﹗ 

「得啦得啦,靜係搞你d頭髮好未﹖」條死仔竟然又露出唔耐煩既表情。 

「咁要點搞啊﹖」肉隨砧板上,你地想點就點啦﹗ 

「um…….」肥輝托高眼鏡,將塊面控到埋我面前,你再前d我就中你一拳﹗ 

「點啊﹖」俾佢望到成身都唔舒服,唔好咁望我啦ok﹖ 

「冠希著人字拖背心都係型向左走向右走,而我著到成身Armani都係Seven Head,right﹖」肥輝微笑住問。 

「岩丫,你的確係點著都係Seven Head喎。」 

肥輝先係不滿後再回答:「我係唔係Seven Head容後再講,但我好肯定靚仔著咩都靚既﹗所以你個頭呢﹗需要扎一個馬尾﹗」 
 
扎馬尾啊…究竟要點扎呢…﹖「喂﹗」肥輝突然衝過黎,捉住我一扎頭髮;再隨手拎起放係茶几既黑色橡膠髮圈…應該係阿媽放低既;再非常粗魯地扯我d頭髮。 

「喂﹗啊…好痛啊﹗唔好扯啦﹗…喂…啊﹗」肥輝扯啊扯,完全無視反抗;白裡透紅的嫩手與肥輝的肥手形成鮮明對比。 

阿康係一邊聽到面都紅埋。 

連我自己都尷尬埋,頭先既對白真係太女人啦﹗ 

於是乎索性靜靜地坐係到,等肥輝幫我搞。 

「搞掂﹗」肥輝仲拎左面鏡過黎。 

嘩﹗鏡入面既女仔連自己既心神都吸埋;何況係肥輝同阿康﹖ 

我既頭髮雖然唔係真係咁長,但都可以扎到一個小馬尾,高高的盤係後腦上。 

而額前頭髮經肥輝既整理後,整齊地斜好;如此更襯托鏡中女仔既美麗。 

三個人整整呆望左五分鐘。 

開始感到勢色唔對,我係唔應該對而家既樣著迷既﹗變返男仔先係我既目標黎嫁嗎﹗真係危險。 

「喂﹗跟住呢﹗」扯返佢地返現實,除左肥輝外;我兩個都面紅紅。肥輝又好快咁再一次係褲袋抽部電話出黎,對住我呆望既樣;然後就聽到一聲「喀嚓」。 

「搞掂﹗」肥輝表情甚為滿意。 

「吓﹖搞咩掂啊﹖影左嫁啦﹖」發緊呆既腦海順間激活,條肥仔影左我相啦﹗ 

「喂﹗唔好用呢張啦﹗等我擺個好d既pose先啦﹗」係正面入曬鏡,放上網仲得了既﹖我原本諗住靜係俾個側面你影架喳﹗ 

肥輝陰陰嘴笑:「太遲啦﹗」然後就擺動佢個肥屎忽,衝左入我間房然後鎖門。 

今次Hi Hi了﹗
 
我個口o到大一大,唔知點反應好;轉頭望住阿康:「點算好啊﹖」一臉不知所措。 

「你唔好最發嬲就得啦…」阿康又愈講愈細聲。 

真係無氣理你﹗一開始既女性化表現只係因為面臨被侵犯所以先會咁架喳,我內心仲係男性黎既﹗ 

應該係掛﹖ 

算啦﹗既然都俾佢影左啦,就豁達d﹗橫掂都要見面咯。 

就咁樣,我同阿康坐左係廳又等左五分鐘。條死肥仔終於肯出返黎。 

「嘻嘻,相就俾左佢勒;而家我地要做既就係等佢係facebook回覆。」 

見到我既一對怒目,肥輝有所收斂。 

大約過左兩分鐘,原本寧靜既客廳突然響起回魂夜既配樂;嚇到我地震左一震,最後發現原來又係肥輝部手機響。 

肥輝望一望手機,眉毛向上戚左戚:「喂,阿燊;唔係係facebook傾時間咩﹖條女好索﹖緊係啦﹗…咁快﹖下﹖喂…﹗好啦﹗咁一陣見啦﹗」 

肥輝舉頭望我:「阿樂行啦﹗」 

「吓﹖行去邊啊﹖」完全唔知發生緊咩事。 

「去買bra見我舊同學啊﹗」

我俾佢地半推半就,換左條褲同對鞋就推左上街。條狗公竟然急色到要係一個鐘後係鰂魚涌間肯德基見面。 

而家既我頭dup dup咁行,一步一驚心。 

自從一出門口見到個阿叔對我上下打量,搞到我毛管都棟曬後;我發覺呢個只係開始,當行上街後,無論男女見到我都會望到實一實;仲有個小朋友同媽媽個呢個姐姐好靚啊﹗ 

真係好向左走向右走尷尬啊﹗ 

更甚既係有d人會交頭接耳,用自以為好細聲既聲量講:「嘩﹗條女點點點啊,真係好鬼索啊、個籮幾翹啊,啪啪聲啊…」 

我對抱緊胸既手愈抱愈緊。 

係剛剛搭lift既過程中,肥輝詳盡地解釋胸圍既資料;咩上胸圍啊下胸圍啊,聽到我地口啞啞。 

但我既最後決定係去nike買運動胸圍就算;因為我唔要突顯,我靜係要承托力就夠啦﹗ 

尢其係岩岩見個男人第三次兜去我前面眼甘甘咁望住我淫笑。 

「喂﹗到啦﹗入去買啦﹗」肥輝指揮我行入nike。 

「喂你地唔係陪埋我入去架咩﹖我自己一個唔掂架喎﹗」我一臉惶恐;以前經過見到d比堅尼啊、運動胸圍啊都dup低頭嗱嗱聲行過;仲要我同女sale講野﹖ 

「唔理你既心理狀態如何,你目前既外表係一條索女。」肥輝又黎king sir feel,講完之後,竟然朝住個女sale大嗌:「sale﹗我朋友想買個運動胸圍啊﹗唔該你幫幫佢丫﹗」講完之後,對住我單眼,拋低左句執生 
之後就拉埋阿康走左出去門口。 

唔向左走向右走該曬你喎﹗
 
多得肥輝既大嗌,成間鋪頭既客都望曬落我度;有幾個男sale對我微笑,而係另一邊有個著住深啡色外套既高大男正對住我邪笑,笑到好似twilight果個白粉友主角咁,真係好鬼乞人憎﹗咪住先﹗條友好似係邊到見過咁既… 

唔理啦﹗咁既情況我真係搞唔掂,即刻轉身;衝過去捉住仍然行間出鋪頭既阿康:「阿康你唔好走啦﹗留低陪我啦﹗我好緊張啊﹗」 

表情真係惹人垂憐,阿康心諗。 

我捉住阿康既手臂,而佢塊面忽紅忽熱咁。 

「呀…唔係幾好既…你要買女人野…我唔係咁方便既…。」阿康好唔好意思。 

「幫幫手丫﹗我真係好緊張啊﹗」 

水汪汪既大眼睛驚惶地望住阿康,阿康呢條小毒向左走向右走點受得住﹖於是阿康就留低左。 

「小姐你好﹗請問有咩幫到你﹖」sale姐姐一貫機械式笑客招呼我地。 

我面懵懵地望住阿康,佢又靜係識得面懵懵地望住我。唉,阿康你真係令我失望。 

「啊…啊…唔該我想買運動胸…胸…圍啊﹗」講到胸圍呢兩個字仲打左打冷震。 
個sale姐姐可能係見到我震一震,又可能係因為我地生硬既表情;佢笑左笑,咁搞到我仲緊張啊﹗ 

「小姐你胸圍係幾多啊﹖」繼續機械式笑客;「吓…我唔清楚喎…」聲線愈講愈弱之餘仲愈講愈頭dupdup。 

「咁不如我幫你度下啦。」sale姐姐續道。 

「唔得﹗啊…唔係…好啊…唔該你﹗」諗起又有人要搞我個胸,緊係即刻say no啦﹗下一秒先諗起我係黎買胸圍既,真係瘀爆啊﹗ 

自從落街到而家,塊面都唔知紅左幾耐啦。 

Sale姐姐又笑左笑:「好丫,請你跟我黎呢邊;咁請你個男朋友仔係呢度等等丫﹗」 

「佢唔係我男朋友﹗」條件反射地答左呢句,講完,臉上又一陣紅,又再頭dupdup咁跟住sale姐姐行,佢好似笑得愈來愈燦爛咁既﹖ 

聽到阿樂回覆既阿康,皺起眉頭;表情有點複雜。
 
我同sale姐姐入左間比較大既試衣間,四面都係鏡,所以成間房都好光猛。 

「小姐,請你除一除件外套;仲有件衫同內衣丫。」sale姐姐一邊拉緊軟尺,一邊微笑。 

「啊…」我仍然頭dupdup,塊面熱得好犀利;除低件外套,再除埋件t-shirt;一對渾圓,屬於少女既胸部係鏡中不停反射。 

「咦小妹妹,你無戴bra架﹖咁唔得架,以你呢個年紀仲有發育程度,你係時候戴bra架啦﹗」sale姐姐先微微皺起眉頭,再溫柔地教我關於女性既知識。 

「哦…啊…」我只可以不時抬起頭,羞怯地回應。 

「嗱,呢度有間鋪頭幾好架;你遲d去睇下啦,俾張卡你…呢度﹗仲有九折架﹗」sale姐姐係褲袋度摷左張黛安芬既卡片出黎再遞向我。 

收起佢,姐姐就開始幫我度胸。 

「小妹妹,你對胸又真係發育得幾好架喎;又軟又有彈性,仲幾挺添﹗」 

我竟然單對單俾一個大姐姐性騷擾,點解係而家先發生啊﹖ 

可能佢見我塊面愈來愈紅,就無再講落去;微笑住幫我繼續度。
已有 0 人追稿