[毒撚][少甜]點解我會變左做索女架????: 9
獅兄現出一個陰險既笑容，「你係唔係唔記得左我地間既協議呢。」。
協議﹖咩協議啊﹖
「你應承過會俾我幫你轉形象架喎。」
係咩﹖…係喎﹗但唔係幫肥輝改完look之後先開始架咩﹖
「而家你要我額外幫埋阿康，超出曬我既工作範圍。」
我完全無打算過呢方面既問題，今次真係百密一疏…
「你可唔可以…幫幫手幫埋呢次啊…」我惶恐地請求獅兄。
「迷你裙。」獅兄揚揚眉頭。
望一望阿康，佢唔爭氣地流露想睇我著迷你裙既表情；真係令我失望﹗琪琪想睇我可以原諒﹗但你無理由唔知點解我咁抗拒架﹗
阿康同我視線接觸後，又變返怕醜。明顯為自己dirty既思想懺悔。
哼﹗枉我咁為你﹗你隻咸濕仔竟然同獅兄同流合污﹗
唔著﹗唔著啊﹗
「唔著﹗」我強硬表態。
「你唔著…咁我就無必要幫阿康喇…」獅兄舉起雙手，一副事不關己。
語畢就令我態度軟化—假正經既咸濕仔阿康又變臉為唔好應承獅兄…唉﹗好心阿康你生性d﹗你生性我咪唔駛咁囉﹗
係旁邊欣賞左我同獅兄對峙好耐既琪琪忽然搭嗲：「做人男朋友唔係咁小氣啊﹗」。
我錯愕，頭先認係獅兄女朋友係想趕你地走喳﹗
獅兄亦有同感：「乜樂樂你真係當我係男朋友咩﹖」目光深邃得可怕。
「啊…」獅兄個樣嚴肅得黎又有點神秘，簡單黎講就係放緊電。
「咁…咁今朝嗌你bb果個女仔係邊個黎﹗」我鼓起勇氣反擊﹗清醒過後，我對獅兄有細妹呢個講法表示懷疑，因為從來都無聽過有咁既傳聞﹗再加上獅兄既形象一向都係花花公子﹗有女仔係佢屋企唔通同佢捉象棋咩﹗
獅兄又哈哈左兩下：「咁係無女朋友既真空期…係要有d異性調劑下既…」。
哦﹗你認啦﹗
呢番說話進入琪琪耳中又有一番演繹，琪琪係我耳邊細語：「乜佢知道左你係偽娘咩﹖」明顯地，琪琪將焦點集中係「要有d異性調劑下」呢句。
無名火起，完全無心回應；獅兄埋我身根本只係想食我隻豬﹗某程度上同非禮我個巴士阿叔無分別。
但係咁難得先約到佢出黎，唔通又發脾氣走左去咩﹖
咬一咬下唇，委屈地望一望阿康；唔把握今日，又唔知幾時先幫到條小毒向左走向右走脫毒。
更何況為左肥輝，我又真係應承過佢既…
「如果我肯著…你就會幫阿康﹖」
「yes﹗」獅兄yes到露埋成棚牙。
佢d牙又幾白幾齊架喎﹗好彩我都唔弱﹗細細個d牙科檢查我次次都去齊﹗日刷兩次牙仲用埋李斯德林﹗所以我d牙都又齊又白﹗
離左題添﹗
「…好啦…一陣跟你過去買啦…」今日係我既正式下海紀念日，希望肥輝同阿康脫左毒之後仲會記得我啦。
「yo﹗阿康跟我黎﹗」獅兄甚為快樂地拉左阿康去一邊；阿康睇落有點心不甘情不願。
淨低我同琪琪。
我垂頭喪氣，好似岩岩敗曬老竇副身家咁。
琪琪不知好歹：「係唔係怕著得太性感會穿煲啊﹗我有幾招可以教你喎…」。
我怕咩穿啊﹗我有咩可以穿啊﹗我仲有個膜可以穿喎…
邊個都唔穿得﹗就算係獅兄我都會同佢死過﹗
我反射地：「唔穿﹗唔穿﹗唔穿得﹗」。
琪琪又get到另一個意思：「黎啦﹗遲下入我個會等d姐妹過你幾招啦﹗」
其實佢係唔係開始遊說緊我入會﹖
「考慮下啦…」心中一早就考慮完，可免則免啦﹗
「加入我地個會有一班姐妹可以同你分享心事喎﹗你仲可以同佢地分享點溝到仔﹗仲要咁高質﹗」琪琪眼中閃爍住光芒。
我可以試下下晝果陣叫小善約返佢個ex吹衡雞打鑊甘既過你地既。
唔得﹗同小善見面之前一定要趕你走﹗唔可以被你壞我大事既﹗怕一小善以後驚左我咁點算啊﹗
同琪琪一齊，時間變得好漫長；加上要忍受其他顧客既目光，真係度日如年。
琪琪一輪嘴對我貫輸點樣扮女聲啊、點樣遮鬍鬚啊、點樣盡顯女性魅力。
仲有佢內心既女性身份點蠢蠢欲動啊，想搵男朋友啊等等。
其實我又何嘗唔係有個男性身份蠢蠢欲動，想搵個女朋友丫…
所以聽下聽下，我又開始同情琪琪。雖然佢既外形真係唔討好，但係佢所表達既內心世界，又真係好真喎﹗正如要我而家講下如何係一條毒向左走向右走，我都可以滔滔不絕咁講返三五個鐘。
「點解我天生唔係女仔呢…」琪琪無奈道。
「唔好咁啦，而家科技咁昌明；你都可以做手術架﹗」我鼓勵道。
「唉…做手術要咁多錢﹗仲有啊﹗我為左做女仔呢件事已經同屋企嘈過好多次，而家住緊會友屋企喳。」
講起屋企人，老豆返黎屋企既確實日期了無音信；到時我係唔係又要住會友屋企…﹖
雙方臉上都不約而同地哀愁起上黎。
忽然，獅兄臉帶神秘地跳入我線視範圍；見到佢嘻皮笑臉，我又對佢花花公子既態度感到惱怒。
但始終，佢都係幫緊我喎﹗我表情平靜地：「搞掂啦﹖」。
獅兄作出一個魔術師手勢，示意望向佢手所示既地方；阿康羞澀，緩緩地拖著一身未剪牌既衫從試身室行出黎。
黑色合身既扣鈕毛衣、內襯一件白色恤衫、再加一條chino；雖然阿康仲係毒向左走向右走頭加毒向左走向右走跑鞋，但已經加分不少。
咁簡單既配搭，點解我會覺得眼前一亮既呢﹖獅兄好似做緊節目地答：「其實好多內向既朋友買衫果陣都唔注意size，通常都買到大一大；令到自己好似著緊爸爸件衫咁，加上條褲又買到高腰加緊一緊；配合埋獨特既氣質同對跑鞋，效果自然大打折扣。」
「所以只要岩身，簡單都可以好好睇﹗」
哦﹗
就係咁簡單架喳﹖我有種被欺騙既感覺﹗
「Perfetto﹗」獅兄甚為滿意。
「真係型左好多啊﹗」琪琪嬌柔做作地讚美阿康。
條怕醜仔極不自然地笑。
「為左呢幾件衫我要著迷你裙…」我低下頭自言自語，感覺好似被人線左一棟咁：而家就好似用幾千蚊買4s，但等到既係w700i。
雖然部w700i有4s既功能，但行出機show俾人睇果陣生活態度無曬；呢度就蝕左幾千蚊啦﹗
唉…
「你會幫阿康襯多幾件衫架可…﹖」如果淨係為一套衫而下海，咁實在係太唔抵啦﹗
「仲要襯多幾套啊﹖咁幾時先買迷你裙啊﹖」獅兄好似小朋友扭計要買糖。
「襯…襯多幾套先啦﹗」拖多幾拖先啦﹗
「襯多三套啦…三套之後就過CHOCOOLATE﹗」。
原來獅兄係演繹咸濕佬方面可以咁童真，而且吸引埋其他女sale欣賞既目光，果然係your face your fate。
「係啦﹗等人地都買返幾套女裝先﹗」係一邊睇左好耐戲既琪琪瞬即行去女裝部。
「樂樂跟埋我黎啦﹗」仲用強而有力既臂彎拉埋我過去。
佢無視顧客同sale既側目，猛拎起d衫話好靚啊﹗好襯啊﹗
但以佢副骨架黎睇，xl都應該著唔落。
果然，被sale回絕既佢目露凶光：「死人頭﹗人地都係生得高大左少少喳嘛﹗哼﹗」。
我一副女兒身就緊係岩身啦。又無理由次次都著果幾件外套既…我抽起一件灰黑色既W's Fair Isle cardigan；唔係我扮野，個牌的確係咁寫。
問過sale既批准—有d鋪頭唔俾試架嗎…我著上身，又幾岩身喎﹗
一件中碼既女裝冷衫令我有心動既感覺，買好﹖不買好
買左就代表承認自己女性既身份…唔買就…
其實都唔代表d咩丫﹗我只係買返d適合目前身形既衫之嗎﹗做左成世毒向左走向右走，咁難得出黎時裝店行下，就買一件啦﹗
琪琪投以羨慕既目光：「你就好啦﹗咁fit著得落﹗」。
其實男裝果邊都有差唔多款…我應唔應該提下佢呢﹖
迅雷不及掩耳﹗就有sale姐姐做左我想做既：「先…小姐…男裝果面有差唔多款架。」改口做小姐係因為琪琪凶狠既眼神。
琪琪好快就發作：「人地係女仔黎架嘛﹗著咩男裝喎﹗著到成個人粗獷曬﹗著到無曬女人味﹗唔制啊﹗」。
全店不論職員或顧客，都投以頂唔順既感受。
Sale姐姐與我相視苦笑，細細聲地對我講：「小姐果邊可以試下件衫喎…不如我幫你丫…」，「好啊…」。
我同sale姐姐結伴遠走，留低琪琪一個發癲；得sale留低句：「我幫下呢位小姐先，等陣再返黎服務你。」。
其實都無咩好試，我行去一個琪琪見唔到我既貨架之後；就同姐姐講我自己試得啦，然後打算u turn搵阿康睇下佢進度如何。
獅兄正拎住一籃衫係櫃台俾緊錢。
下﹗咁快手﹗你試過未架﹗我即刻喝住佢：「停手﹗」。
「多謝曬﹗歡迎下次再光臨﹗」係獅兄擰轉頭現出勝利笑容既一剎那，隻手字先吐到出口。
又俾人線左一鑊﹖
我氣急敗壞地行埋去：「你亂買就算啦﹗」同時希望企係佢旁邊既阿康可以有點異議。
當然，阿康係唔會出聲；獅兄平靜地：「其實買衫都唔係最重要…最重要係學識點著。」並報以一個專業既目光。
其實獅兄本身已經好有說服力—your face your fate既最佳例子；次次見佢著便服都不外乎t恤牛仔褲同vans。求求其其已經好有型。
但觀乎佢俊朗不羈既外貌，6呎1吋既身高；仲有接受二百磅既肌肉，係佢先有斤兩求其著衫。
而家阿康其貌不揚，得5呎5吋；仲連55kg都唔知有無。你亂買衫咪即係送佢上路﹗
阿康既無能、獅兄既亂黎，仲有琪琪發癲；我個頭痛到就黎裂開。
「你可唔可以唔好玩我啊…一次咁多啦…」無力感偏佈全身，獅兄既身形彷彿高大左更多。
「樂樂你實在太唔信任我啦…」獅兄一臉受傷，但瞬即歡天喜地：「帶埋阿康去買鞋再講啦﹗」再一手拉左我出商場。
琪琪抱怨住跟尾，阿康則默默無語。
「你究竟有無用心幫我架﹖」我抬高頭，無助地說。
獅兄罕有地，一臉正經—雖然都係微笑住望住我：「其實樂樂係唔係要信任下我我呢﹖」。
信任﹖你既信貸記錄咁差，叫我點信你啊﹗
獅兄嘆左啖氣：「或者我真係應該對你好d。」然後摵左下我塊面。
岩岩講完要對我好d就摵我，你既誠信破產兩次﹗
如是者，獅兄又帶領一眾人等去到一間鞋店，幫阿康買左對同我一樣既cons—係阿康自己揀既，佢話唔要俾獅兄擺佈喎。
搞左一大輪，我終於企到黎CHOCOOLATE既面前。
企係呢d潮店面前，我feel到自己有d腳震。
「不如都係…都係第二日先買啦﹗」我想轉身走人，獅兄用一隻手環抱我，然後抱住我條腰入店。
佢一入鋪頭，就對一條黑色，有住幾疊橫向摺紋既迷你裙有所行動：「唔該，我朋友想試果條裙﹗」
咁短﹖條裙淨係去到大脾位，簡直係暴露啊﹗係呢一刻，我要化身極保守既道德塔利班，捍衛我既形象﹗
但都係無用，獅兄推左我入更衣室，再丟左條裙入黎：「我係出面等你﹗」
阿媽知道我係女仔之後，一早就買曬d打底褲啊俾我著怕我走光。所以又唔可以用呢個藉口﹗
走光係睇得出架嘛﹗獅兄佢一定會睇既﹗
唉Hi﹗我企係四面鏡既更衣室，手拎住條迷你裙；陷入成世人都未有過既激烈鬥爭。
我唔想著啊…
但我的確係應承左人…無理由次次都發脾氣走左去架﹖
條裙又真係太短喎…咁暴露媽媽實鬧我架…我自己都接受唔到啦﹗
我唔要著啊…
唔著又真係顯得我無口齒；話曬獅兄都叫做義務幫我丫﹗
但琪琪同阿康係出面望到實一實…淨係獅兄一個都無咁抗拒…
係因為平時被佢玩得多習慣左喳﹗
門外傳來拍門聲：「樂樂駛唔駛我入黎幫你啊…」。
係獅兄既最後警告﹗一定係﹗
我惶恐地回答：「唔…唔駛啦﹗」。悲哀地望住手中既迷你裙…
我合埋雙眼，爽快地甩開對cons—我今日仲要著船襪﹗想遮都無得遮﹗除埋條褲，我就笠左條裙上去。
好短，真係好短﹗鏡入面既我露出白滑長腿；我唔信邪，想盡量向下拉；希望遮得幾多得幾多。門外又突然有把唔熟識既男聲傳入：「小姐…你係裡面係唔係有咩意外啊﹖我地仲有好多客人等住用間更衣室，麻煩你快d丫。」。
小毒向左走向右走被人拋一拋就驚架啦，仲要俾潮店sale拋喎﹗我口都窒埋：「哦...哦…」Hi那媽，死就死啦﹗」
一出到去，外面得阿康、琪琪同獅兄；再加小貓三四隻既容人，根本就唔多人
獅兄挨住門邊，得意地：「小姐多謝你合作啊﹗」原來頭先係你﹗
今次玩完啦…我著住件哈哈笑t，仲有件黑色橫摺裙；露出長腿企係眾人既目之中。
Sale a：「小姐條裙好岩你喎﹗不如試埋其他款丫…」、琪琪：「嘩﹗我又要試﹗我又要試﹗」、阿康：「…」
佢想望又唔夠膽望，想望又唔夠膽望；視線不停縮來縮去；獅兄吹左下口哨。
我個腦一片空白，咩都諗唔到。
我接受唔到啊﹗臉頰既紅暈令獅兄又有理由挑逗我：「又幾白喎…」。
白﹖咩幾白啊﹖你話咩幾白啊﹖我條件反射，惱羞成怒地質問獅兄。
獅兄壞壞地斜視我，用口形：「你真係幾白喎…」。
我要閹左你﹗
礙於成間鋪頭既目光都集中曬係我度，我未有即時行動。
我只係feel到上身好慶，而下身涼浸浸。
對手遮又唔係，唔遮又唔係；交差搭住又唔自然，放係身傍又唔舒服。
算啦﹗都係快手入返更衣室換返條褲啦﹗
「小姐，不如試下呢個款丫﹗」sale塞俾我；望一望，又係迷你裙﹗如頭先果條一樣係黑色，不過多左d白點姐。
「啊…」係我猶豫不決緊既時候，獅兄好快手地拎起左我條褲：「我幫你拎住條褲先，你慢慢試埋呢條啦。」未及拒絕，佢就幫我閂好道門。
你做到咁絕﹗連我條褲都拎走埋﹗
我又唔夠膽係眾目睽睽之下行出去搶返條褲…著住條迷你裙已經周身唔自在架啦﹗
我聽到琪琪係出面再一次被人拒絕話件衫無咁大個碼。
唉…換好條裙，又一次行出去俾眾人欣賞。
我一定會報仇架﹗我諗大家都睇夠啦掛…向獅兄報以抱怨，諗住拎返條褲入更衣室換，點知佢唔放手：
「著住走。」仲好爽手摵左我裙邊個牌去櫃台俾錢。
哎呀中計﹗
獅兄俾完錢就競自行左去商場深深處，一臉壞笑地舉起手招我過去。
淨低sale既微笑，咸濕仔閃縮既目光；仲有琪琪既竊笑。
琪琪忽然拖住我隻手：「過去啦﹗」就拉左我去商場中心。
放…放手啊﹗唔好啊﹗同佢角力顯然失敗，作為男性既琪琪大力過我好多。
不情願地，我被帶去位於商場深深處既獅兄身邊。
阿康都同步跟左我過黎。
我用眼神表示對阿康無能既無奈—起碼你都幫我搶返條褲丫…
仲有你望夠啦﹗再望我連你都閹埋﹗
獅兄瞇起對眼，又捉起我：「走﹗」
未夠思考；走﹖走去邊啊﹖
獅兄拉左我去間鞋店，問左我幾多號碼後又叫我試左對黑色vans。
「我唔要啊﹗」獅兄跪低，強行地幫我試鞋。
「黎﹗企起身行下﹗」拉起我對手，拖住我行左幾個圈；佢又同sale講著住走，再抆左個牌。
點解今日形象改變得最勁果個會係我架﹖
到底係阿康既深深處入面，有無改變既動力架呢﹖
抑或一直都係我自作多情，佢根本唔想變；好enjoy做一個毒向左走向右走呢﹖
為左求證，我行埋去阿康身邊，搭住佢膊頭：「你應該知道今日出黎既目的係為左幫你脫毒架可﹖」我冷靜地問。
「嗯…」阿康頭dupdup，唔敢正視我。
「咁你應該了解到我而家既改變仲多過你架可﹖」
「嗯…」。
「咁你覺得自己應該有咩表示呢﹖」。
「嗯…啊﹗…啊…唔知啊…」。
唔知﹖為左你我連對腳都出賣埋﹗你答唔知﹗
猛然托起阿康塊面：「無得答唔知﹗仲有今日出黎唔係俾你望我對腳架下﹗你望夠啦﹗」。阿康閃縮既眼神，相信有幾分閃左落我對腳度。
「咁…咁你唔好咁著丫嗎…﹗」阿康既語氣聽落竟然有點侮氣。
你咩意思啊﹖呢句對我黎講簡直係睛天霹靂：「你知唔知我係為左邊個啊…﹗」。
咁辛苦為你你竟然唔領情，我真係好想喊。
「你…﹗你今日為左…﹗為左同獅兄行街之嘛…﹗」。
原來我既努力被人理解成咁。
我好失望。
我不解地垂低雙手，搖搖頭，慢慢地退後；原本微笑緊睇戲既獅兄同琪琪都察覺到有d唔對路。
岩岩察覺自己造成而家境況既阿康又開始不知所措：「我…我…啊…啊…」
最後竟然調頭跑左去。
我無意欲去追，或者我真係太多事。
「嘩﹗你朋友既情緒起伏得咁快既﹖」琪琪不適時地插嘴。
「嗯。」面無表情；我感到受慘、感到不解，感到錯愕。
「點解會咁架…」搖搖頭；阿康連佢既戰利品都唔拎走。
「或者...或者佢鐘意左你…樂樂…。」獅兄忽然說。
我錯愕地抬頭望住獅兄；點會啊，你點會得出咁既結論架﹖我地識左十幾年﹗一直都係好兄弟﹗而且佢又知道我既秘密，我係男人黎架﹗
獅兄一副who knows既表情。
我個腦愈來愈亂。
「點會架…點會架…點解會搞成咁架…」我低頭自言自語。
無可能…無可能既…阿康點會鐘意我啊﹗我地係好朋友…好兄弟…
獅兄望住一臉痛苦既我，苦笑說：「我都奇怪佢兩個係你身邊咁多年，點解可以對你毫無反應…終於…有一個中左。」。
我仍然呆立原地，努力分析一切。緩緩地轉過頭，聲音顫抖地問獅兄：「咁…咁阿康…係唔係鐘意左我啊…﹖」。
獅兄微點一下頭。
世界好似瞬間崩潰末日，阿康真係鐘意左我﹖咁之前佢對我既反應…都係小毒向左走向右走對女神既反應啦喎﹖
小毒向左走向右走我就做得多姐…而家爆左上去做女神…點搞啊﹖
咪住先…﹗毒向左走向右走心態我大把經驗啦﹗以前對住阿怡時間既惴惴不安…心煩、氣燥、手震…剎那間又覺得成件事都有轉機﹗
阿康都係做得太耐毒向左走向右走，有一個疑似女性既物體關心佢先會痰上頸姐﹗幻覺黎架姐﹗嚇我唔向左走向右走到既﹗
但如果佢真係鐘意我呢…﹖唔通要我派好人卡啊﹖毒向左走向右走係唔會咁樣hurt另一個毒向左走向右走既﹗但我都係堅決唔會接受﹗
任何男性都係﹗
咁我地既友誼係唔係要玩完啦…
我咬住下唇，陷入無窮無盡既沉思中。
獅兄望住琪琪—佢正用異常同情既目光望住我。獅兄既眼神遊走於琪琪同我之間，可能佢頂唔順：「不如上去食d野再諗啦﹗」
獅兄口講不如，實際上已經落手落腳捉左我上樓。
思緒繼續雲遊太虛；獅兄好似問左我好多次我想食乜：「樂樂…你都要食野嫁…」語氣好似有點擔心。
你都會擔心人架咩﹖一日都係你啊﹗如果唔係你逼我著迷你裙﹗阿康都唔會爆發﹗我地都仲好地地啊﹗成日都玩我﹗我要食左你啊﹗
我奮起摵住企係我身邊既獅兄塊面：「我要食左你啊﹗」獅兄哈哈地接招，分別捉住我兩隻手。
結果摵左佢唔夠三秒就俾佢收左皮。
佢猛地攬我向前；我真係好向左走向右走傻豬﹗又創造機會俾佢非禮我﹗
抬起頭，不滿既目光對望竊笑。獅兄笑得燦爛：「要食我都係今晚先諗啦…乖﹗諗左晏晝果餐先﹗」。
臉上一陣紅，但好快又恢復冷靜：「放手啊﹗」。
獅兄收起笑容，有d正經：「我知樂樂你而家好唔開心，但都係要繼續生活架；點解唔食左野先繼續諗呢﹖」。
「最衰都係你啊﹗…如果唔係你逼我著迷你裙…又唔會搞成咁…」我垂下頭，難過地說。
獅兄又笑左笑：「咁唔通你一世都男仔頭咁生活﹖唔試下做返個女仔﹖」。
係一旁聽得好陶醉既琪琪說：「岩啊﹗要堅守內心既信念﹗對自己忠誠﹗我似我咁丫﹗我都落力去做一個女….」無心機聽佢講落去。
獅兄又講得有道理既…總有一日，我都會用女裝打扮架啦；到時先令阿康發作咪盞令情況更惡劣。
「…」我沉默不語。
「咁而家應該…應該點做啊…」始終呢方面，獅兄比我有經驗。
「你會唔會接受阿康丫﹖」我感到獅兄對呢一句問題既態度好似有d嚴肅。
猛然抬頭：「唔會﹗」。獅兄好似鬆左口氣：「咁你就要諗點樣拒絕佢。」。
「拒絕佢﹖…即係要派好人卡﹖…咁咪連朋友都無得做…」。
「我會幫你…有技巧地拒絕人。」獅兄溫柔地說。
忽然，我覺得獅兄既幫忙係有陰謀：「你咁幫我做咩啊﹗」。
「唔幫你趕走曬d敵人…你就無機會食我嫁啦…」說罷又一陣竊笑。
又笑我﹗一陣不滿既目光掃過…我都係放棄…獅兄份人就係咁既樣。
「咁你個bb呢﹗我唔會信係你個妹架﹗」突然醒起呢一號人物。
獅兄頓左頓，恢復笑容：「咁係搵到主餐之前…肚餓都要食d副餐既…」語氣繞有意味。
「咁我點先知自己係主餐定係副餐啊﹖」我冷靜地說。
獅兄深情地與我對望；身體剩餘既男性身份同我講我應該避開，但日益加劇既女性心理又令我唔想移開。
換句話說，我個腦又一次打曬交。
理智戰勝情感，我強行移開目光。睇黎我呢個問題完全表錯意。
獅兄既表情好複雜，好似嘗試緊搵到一句句子黎表達我對佢既重要。
不過呢d對我都唔重要，正如我頭先所講；所有男性我都唔會接受﹗
我甩開獅兄，尷尬地：「其實都唔緊要丫…我地都係朋友黎姐…最多係師兄妹…我係唔應該干涉你既私生活既﹗」再加一個微笑。
眼前既龐大身影郁左下；獅兄臉上流露點難以置信，仲有失望：「朋友…﹖」似乎佢唔係幾接受我率先拒絕既竟然係佢。
佢期待我下一句會講只係講笑。
「我去買野食啦﹗」搭下佢膊頭，我就跑左去一個遙遠距離…一個獅兄望唔到我既地方。
琪琪一臉劇情出乎意料之外。
此時此刻，條裙有幾短，身邊有幾多人望住我對腳都唔再係重點；我今日約佢地出黎完全係一個錯誤，我係唔係一次過傷害左兩個人呢﹖最重要，咁…係唔係叫收兵﹖
我唔想做娘娘﹗我唔想收兵﹗我只係想平靜咁生活﹗自從變左女仔，每一日既生活都不平凡，一切都唔再平淡；別人欣賞、羨慕既目光，認識到獅兄，仲有班師兄姐；識到阿恆；仲有琪琪。
呢d都係以前做毒向左走向右走唔會發生既事。以前每一日都希望自己成為眾人既焦點目光，都當真係有機會成真既時候；原來又唔係咁好受。
而且，仲會傷害到人…傷害到自己既朋友…
如果今時今日我無變到女仔，我諗今日我都屈緊係屋企發吽豆。一陣仲可能會約肥輝同阿康去食個tea，三條友嘻嘻哈哈又一日。
點解呢一切會搞成咁…
呆立原地，我唔想咁快返去面對被我拒絕既獅兄；肚餓，但混亂既大腦無空間考慮應該食乜好。
「毒向左走向右走始終係唔應該學人social既…」低聲嘆完呢句，行去mos burger櫃台求其買左個包餐就返去。
獅兄的左我上黎美食廣場；呢到人流眾多，真係唔知獅兄係點搵到位既。
離完就望到獅兄複雜既表情—佢正坐係位沉思。
係呢一刻，我有少少想過隔離搭枱；真係好怕獅兄既反應﹗
但唔通真係咁突兀坐過隔離咩﹗膽粗粗拎住托盤，坐係獅兄既斜對面—已經係我諗到最折衷既方法。
獅兄微垂既頭因為察覺到我返黎而揚高：「你…返黎啦﹖」語氣係我認識佢咁耐以黎咁陌生。
「係啊…」為左唔再有機會俾獅兄撩我講野，我埋頭啜可樂；兩個人就咁相對無言。
琪琪呢﹖唔記左佢既﹖佢唔係走左啊﹖需要第三者出現既時候佢竟然消失…
好彩，好快就掃到佢係甜品店外圍撓讓。
獅兄注意到我既視線，開口道：「佢話作為女仔，用甜品當正餐一d都唔過份喎。」附加一個淺笑。
佢竟然變得咁彬彬有禮。
「哈哈。」我用笑聲結束對話。
不經意地同獅兄對望—佢既眼神充滿疑惑。
趕緊閃開，但獅兄選擇係呢個時候開口：「樂樂…你應該知道我對你…唔止係師兄樂咁簡單。」。
我雙眼望地，嘴啜可樂，含糊地說：「啊…係咩…﹖」直覺話我知雖然詐傻扮懵唔係明智之舉，但除左呢招，我仲有咩對策﹖
獅兄失望地搖搖頭：「傻妹…你覺得自己呃到我啊﹖」臉上展現招牌笑容…今次笑得有點勉強。
我窒一窒，佢果然發現﹗腦中忽然閃過一條久違，可以令獅兄詞窮無言既問題：「如果…如果我生得好醜樣…你仲會唔會理我啊…﹖」
眼睛勇敢地與佢對望。
佢既目光閃縮左下，又恢復對望；獅兄泛起微笑：「估唔到你個傻妹諗到呢d問題…」頭跟住搖一搖。
究竟佢會點答呢﹖我雙手握住可樂，期待答案。
獅兄將頭側一側，彷彿欣賞緊一件藝術品：「…點講好呢…」頭又垂下，繼而苦笑。
「我諗過好多答案；話你好特別、好吸引、有氣質、好…身材﹖」獅兄笑左笑。
我唔自然咁調整左下坐姿。
「最後…其實呢d原因我以前都用過好多次…對唔同既女仔…我唔想咁樣答你…我想有d誠意。」
「所以呢﹖」我平靜地追問。
「所以我諗唔到答案…我從來無諗過你會醜樣…你又無化妝﹗」
獅兄維持淡淡笑容。
咁即係你唔識答啦﹗
「我承認，注意到你係因為你生得靚。」獅兄正經八百。
「捉你入更衣室果日…其實我無諗過要咁…深入…」。
更衣室﹖咩更衣室啊﹖
「同你既第一次親密接觸啊。」獅兄既笑容稍微變得邪惡。
「啊…﹗」我不滿地啤左獅兄一眼。
「因為你好傻…真係好傻…；你竟然想扮男仔…」獅兄笑起上黎。
臉上一紅，我唔係扮架﹗不待我反抗，獅兄續說：「你掩飾…反抗；於是我諗…呢個傻妹又幾過癮喎…所以我就抱起你….」。
「得啦﹗咁之後呢﹖」我無意聽自己既尷尬史，特別係而家我仲尷尬緊。
「之後你咪認左自己係女仔囉。」。
佢始終要講落去…
「見到咁傻既你，我諗起用你黎拒絕阿怡；一來你掩飾緊自己既身份，二來你咁傻…受既傷害應該唔會太大。」。
你講左好多次傻啦下﹗
「結果…我奪走左…應該係你既初吻。」。
得啦﹗真係唔好再講啦﹗我舉起雙手示意轉話題。
獅兄笑一笑：「你喊左出黎…呢個係我估唔到既…」。
「你喊住話…你唔係我既玩具…我搞到連阿怡都憎埋你…搞到你身份差d穿…」。
「係果刻…我覺得好手足無惜…真係好手足無惜…」臉上好似有d歉意。
「我安慰你，心諗唔會再咁對你；但當你冷靜返，我發覺我又忍唔到唔調戲你。」
「我威脅要揭穿你，你又變得咁可憐…其實我根本唔會揭穿。」
「因為你太傻﹗你同其他人唔同既地方就係你太傻﹗」「我鐘意你咁傻﹗」獅兄正色道。
「仲有，你個傻妹有段時間避開我…搞到我以為你嬲左我，後尾見返你又扎扎跳；係我又整喊你姐…」。
兩人一段時間既無言，令我認為故事已經完結。
「喂﹗你地兩個做緊咩啊﹗」琪琪唔男唔女既聲線傳揚在空氣中。
我諤然抬頭：「交…交流下功課囉…」。
琪琪明顯唔信，胡疑地掃視我同獅兄—獅兄老練地展現笑容，而我就笑得僵硬。
「係呢…你食左野啦…﹖」我個包同薯條郁都未郁過。
「作為一個女性﹗」琪琪猛然坐係我身邊「一定要懂得節制飲食﹗」。
「食一個布甸就夠啦﹗」佢非常滿足。
「哦。」大腦再次運行一大堆資料，已經接近短路。
獅兄期待地望住我；令我再次閃縮。
岩岩佢講既一大堆野…有幾多係真心既呢﹖…又或者佢對每個女仔都係咁講﹖
但可幸既係，聽住呢堆故仔，我無心跳回憶既感覺；只係好平淡咁接收頭先既故事重溫，令我又感覺到被欺凌；軟弱無助地被獅兄當成玩物—原來我真係一d都唔享受被人咁玩既感覺。
被人當成女仔欺凌呢個刺痛仍然令我戚戚然—獅兄不幸地又勾起男性既我。
即使男性既我已經跌到入沼澤，只係外露一隻手指…我都要掹返上黎﹗係岩岩呢段對話中，腦裡有一股靈感話我知；只要我變返男仔…變返男仔，一切就會回復正常﹗
獅兄唔會再煩我…阿康會同我做返朋友…我唔駛再驚老豆既反應…
其實獅兄今日既態度令我有d驚；或許係驚恐令我想變回男性保護自己，但更重要既係，原來失去好朋友既打擊對我影響更大。
對唔住啦獅兄﹗
今晚見完小善之後…我要返海旁…尋找我變身既關鍵﹗
我突然饑餓地狼吞虎嚥，令獅兄嚇左一跳。
心中盤算緊計劃…如何能變番男仔而不失霸氣﹖如果我帶獅兄去海旁，成功左之後再同佢一齊去廁所用尿兜，會唔會太過霸氣呢﹖
一啖漢堡一啖可樂，愈來愈多胡思亂想；間中有d念頭令我忍唔住笑出聲，獅兄好奇地問我，我都只係默默地食包。
獅兄對我既冷淡好失望。
仲有琪琪…﹗變返男仔之後我一定會變返男性打扮﹗唔會俾機會佢遊說我入會﹗
琪琪好努力咁撩失望既獅兄講野，睇黎佢想進一步發展。
我係一旁冷笑…只要計劃成功…就一切都唔再關我事﹗
快手吞完個餐後，望下…原來而家已經係4點15分；唔知肥輝連Seven Head準備好未呢﹗
講粗口先係男人架嗎﹗
我豪邁地問獅兄拎返部電話，熟練地按起號碼：「do…do…喂…﹖就得﹗就得﹗…出緊黎係咁啦﹗」肥輝就cut左我線。
原來失望既獅兄又笑：「你個傻妹又搞咩啊﹗」。
哼﹗今晚之後你就笑唔出﹗
獅兄無視琪琪既攻勢：「樂樂你一陣得唔得閒﹖」狀甚正色。
「唔得閒﹗我約左人﹗」我大把計劃啊﹗
「肥輝…仲有呢…﹖」獅兄悠悠地問。
「舊同學﹗」愈來愈feel到男性既我啦﹗
「男定女啊。」
一時唔察覺，仲陶醉緊接下來既改變既我：「女…同學…」Hi Hi﹗
獅兄戚起一邊眼眉：「咁你就要介紹我識啦…」。
花心﹗一早就話你頭先對我講既野係大話﹗
「佢唔靚架…﹗」我喳喳林補鑊。
獅兄跟埋黎，咪嚴重削弱肥輝既機會﹖
「你覺得自己呃到我咩…﹖」獅兄深邃既視線直插我心中。
「呃到…﹗啊唔係…真係唔靚架…﹗」奶曬野…
唉…點解我唔可以汲取教訓，學下係型向左走向右走面對收埋自己呢﹖
琪琪對無法融入對話表示不滿：「耶﹗你地都唔受埋人地既﹗」
「靚唔靚…要親身睇下至知…」。
此時既獅兄，同第一日識我果陣既佢一模一樣。
時間黎到5點正，我地仲係美食廣場；距離小善現身仲有半個鐘。
阿康已經逃離現場…亦都係今日既最大敗筆。
頭先同獅兄既高分貝對話…亦透露曬俾琪琪知…佢話都要見識下喎。
我不安自責地坐係個位；硬係好似唔記得左d野…阿康走左…我連肥輝既機會都親手破壞埋…
變返男仔真係要學識低調﹗
獅兄正臉悠然地東張西望，等待小善既來臨；睇見咁樣既佢，我就更肯定佢頭先係講緊大話。
咁我變返男仔…佢都唔會在乎架啦…﹖
琪琪忽然地拉左我起身，用眼神示意我離開座位；跟佢去一個可以傾計既地方。
「差d唔記得今日既主要目的﹗你肯入會未啊﹖」琪琪緊張地問。
「…諗多陣先啦…」no係心中狂呼左何止千萬次﹖
「仲駛乜諗喎﹗加入我地啦﹗我地班姐妹又有聚會﹗俾人蝦我地又會幫你﹗我地仲有好多靚衫可以share﹗你睇下
我咁靚就知啦﹗」佢拉一拉起條女僕裙。
心寒左寒，變返男仔真係要同佢疏遠返d…
「點姐﹖」琪琪努力地將雙眼演繹成水汪汪。
「嗯…其實我無乜興趣…」加入偽男會可能考慮下既﹗
「無興趣﹗﹖」琪琪既聲音提高左八度：「你知唔知自己係幾咁潛質優厚﹗幾咁有天賦本錢﹖你竟然咁自私獨享而唔同大家分享成功既秘訣﹖我真係對你好失望啊﹗」轉頭，如女仔發脾氣般。
我點同大家分享成功之道啊﹖叫佢地一齊跟我黎俾mk打啦﹗咁啊﹖
「其實…我都唔係咁好姐…」琪琪既身形加埋聲線，有點嚇怕左我。
琪琪猛然提起我對手，我窒一窒，佢誠懇地說：「黎啦…﹗入啦…﹗其實我個偽娘會遲下會同其他會合辦偽娘選美比賽﹗我地既宿敵—薔薇今年既代表好強勁，外號係偽娘皇后﹗我地唔輸得架﹗一輸就無曬面架啦﹗如果你加入﹗一定會贏﹗到時我地一定會好好感激你架﹗」
乜原來偽娘都有宿敵架﹖
「冤家宜解不宜結﹗不如你地化干戈為玉帛，握握手做個好朋友啦﹗」我盡可能展現最自然既笑容。
「唔得﹗」琪琪既怒吼響徹雲霄。
「哎呀…無曬儀態添…」又變番怕醜樣。
我俾佢果下怒吼嚇到震左下，琪琪續說：「佢地對我地既侮辱…係唔可以就咁算既﹗」。
睇黎我今次走唔甩啦：「真係無得算咩﹖…或者可以改變下個競爭方式…猜包剪揼丫﹗」。
琪琪大大力地搭我膊頭，好痛﹗「就算係猜包剪揼﹗我都要派個最靚既出去猜﹗」。
口材差，又怕事既我係琪琪轟炸左我十幾分鐘後投降；屈辱地加入左偽娘會。
佢好興奮地即時去facebook更新我入會既訊息；仲add埋我個acc入去。
我個acc得肥輝、阿康；仲有佢既幾個舊同學。
望住上次為釣石厹而同阿康肥輝影既合照…唉…
跟住就話個比賽係下兩個禮拜進行，詳細日子遲下再通知；記住留意facebook同同佢交換手提。
琪琪再異常興奮地話今次實贏硬﹗許勝不許敗﹗
「如…如果有真女仔參賽既話…咁會點架…﹖」我怯懦地問。
「會取消資格囉﹗」琪琪一邊禁電話，一邊快樂地回答。
「咁如果你地俾人取消左資格…咁你會…﹖」你打定輸數都得啦﹗
琪琪望一望我，仲嘆左啖氣：「雖然你真係好似女仔，仲有男朋友﹗但你始終係一個好似女仔既偽娘…始終都係有污…點既…」。
「呢個選美就係for我地d有污點既美麗人物參加…所以唔駛怕…。」琪琪開始感懷身世。
咁你打定輸數都得啦﹗我係無污點既﹗
「佢地唔會驗身…之類既咩…﹖」俾一班咁高壯既「姐姐」們圍困係間房到，到時實蝕曬底﹗
琪琪窒一窒：「我地又無諗過喎…我地講個信字嫁嗎﹗」琪琪大力地拍左下我膊頭，搞到我差d企唔穩：
「咁如果…如果有人累你輸呢…」。
正展現溫馨笑容既琪琪，瞬間變臉：「我一定唔會放過佢﹗」。
今日真係唔應該出街架﹗
入返美食廣場之後，想法完全調曬方向。
咁仲變唔變返男仔好呢﹖變返就可以名正言順咁參加偽娘選美，順手仲名正言選咁做埋變態佬。
唔變呢，參加左俾人揭穿實比死更難受…點算啊…
真係左右做人難；我係唔係一定要係出左世後16年再思考自己要做男仔定女仔咁靈活呢﹖
但其實去海傍都唔一定變得返男仔啦，咁不如維持現狀；就算有突發野發生，俾其他人知道我走左去參加偽娘選美，都有得推我本身係女仔，係俾人逼住參加姐…
一於咁話﹗今天的事明天做﹗明天的事…都係明天先諗啦﹗
肥輝終於施施然到步—睇黎獅兄真係做過野咁喎﹗肥輝今日真係正常好多：一條唔誇張既低腰黑色牛仔褲加對…又係vans﹖
上身係一件紫色愛迪達有帽既運動外套；gel左頭…都仲係SevenSeven地學果d棒棒頭。
估計係因為獅兄唔鐘意gel頭所以無教到佢。
肥輝古惑地望左我一眼、再停留左係我對腳一陣—佢o左嘴；直到我將對眼瞇成一條線蔑視佢先肯移開。
之後隻肥仔又o返嘴；我了解到佢係親覺到琪琪既存在。當然，龐大肥輝既出現，亦吸引到琪琪既注意。
不過肥輝既形象好明顯唔符合琪琪既審美觀，琪琪盡顯蔑視。
估唔到琪琪係一個「港女」。
最後肥輝不安地坐係獅兄隔離：「…hi...」係琪琪面前肥輝自信盡失。
獅兄微微搖一搖個頭去肥輝方向，眼神望向餐枱：「hi。」佢睇落心事重重。
自從頭先我入返黎後就無再睇獅兄講過野；雖然佢極力撩我，但我都係「嗯」、」啊」、「哦」地回答，咁唔算係對話掛﹖
頭先佢唔係睇女睇得好開心架咩﹖做咩又突然變得咁sad啊﹖
佢唔係特登扮俾我睇啊﹖
肥輝連阿康係邊都無問，好似一個做錯野既肥仔—dup低頭坐係自己位。
Anyway；應該趕既人趕唔走，唔應該走既人又走左；肥輝姍姍來遲，而家只係等主角—小女神既出現﹗
時間一分一秒咁過，係座位上既四個人都非常安靜。
我同獅兄默默低頭望住餐枱，琪琪同肥輝對峙。
肥輝好明顯陷入下風—從佢閃縮既眼神已經反映一切。
琪琪好似好不滿要坐係肥仔對面咁。
而我呢，腦海裡有件事唔記得左既念法愈來愈強烈；究竟係唔記得左d乜野呢﹖係唔係有野趕住做而我唔記得呢﹖
終於，難捱既時刻要完結—隨著小善既到來。
小善比起上次…好似清減左，佢將微曲既頭髮放係一邊胸口前；身上著住一件灰黑相間，個領充滿小丸子feel，仲挷住連紅色蝴蝶結既長袖連身裙。條裙同我條迷你裙有得揮，一樣去到大脾位；但由於小善唔太高，所以顯得佢特別嬌小。
佢著左對唔知咩牌子既黑色鞋…有d似vans不過唔係。
今日真係充滿vans既一日﹗
我企起身熱烈地呼叫小善，小善望黎呢邊，表面困惑。
有咩咁困惑啊﹖無見幾個禮姐，我又無咩大改別，唔係咁快唔記得我啊﹗
改變﹖…Hi Hi﹗我用緊女性打扮，仲著住條迷你裙﹗
原來一直醒唔起就係我未換返裝扮﹗
我僵硬地坐返低，茫然地對望獅兄。本來面無表情既獅兄突然表現一個睇你點死既表情。
我怒極，係枱底狠狠地踩左佢一腳；獅兄既恥笑既笑容轉變為痛苦既笑容，臉龐中落張枱度。
唔知來龍去脈既琪琪望向呢一邊，對我突然攻擊獅兄一臉不解。
困惑既小善愈行愈近，因為佢認得肥輝；我慌張地望住倩影既逼近，應該點應對好呢﹖
佢行到黎啦﹗點算好呢﹖點算好呢﹖
肥輝正注視小善，並緊張起黎。當小善終於行到枱前，肥輝瞬即彈起：「你…好啊﹗」。
我知你好緊張，但都唔好企到好似板門店d泡菜兵咁啦﹗
小善有禮地：「你好…﹗」然後就望向我：「你係…﹖」。
我咪係毒向左走向右走樂囉﹗
但無理由咁答佢嫁嗎﹗我口震震，不知如何是好。
忽然，獅兄舉起頭再攬住我膊頭：「佢係我女朋友樂樂，因為今日佢同學阿樂忽視唔得閒到，所以叫佢
黎頂住先﹗」講完仲要加個魅力微笑。
你咁快痛完啦﹖我慌張地望住小善；係枱底下，我又用力踩多獅兄一腳。
獅兄放緊電既俊臉又dup返低。
「啊…係啊﹗所以我頭先咪叫你過黎囉﹗」唯有咁答啦﹗
「咁呢位…」我feel到小善有d驚，佢問緊琪琪係何方…何方神聖。
琪琪又彈起，伸出有假甲同粉紅色指甲油既右手：「我叫琪琪，多多指教﹗」並一臉妒忌，好似同小善競爭緊。
小善慌怯地伸出小手：「你…好」。
如果環境同法例許可，我會好似幪面超人咁起飛腳踢走琪琪。
佢竟然對小善咁惡﹗我鬆開獅兄攬住我隻手，行去小善旁邊拉住佢隻手：「不如我地去第二度傾丫﹗」。
雖然而家既我對小善黎講仍然陌生，但觀感上都比琪琪好太多：「好啊…﹗」小善捉緊我隻手，報以微笑。
肥輝震驚地睇住我捉住佢從來都未捉過既女神之手。
琪琪依然一臉妒忌，睇黎今晚我要好好保護小善﹗
獅兄又忽然一臉興奮地跟住我同小善起行；係唔係阿康既情緒化會傳染架呢﹖而家連你都係咁﹗
一行人浩浩蕩蕩地離開美食廣場，去…去邊到好呢﹖就入去Pacific Coffee啦﹗可能開得格zip，又可能因為不敵starbucks同mccoffee；Pacific竟然無乜人。
我地埋去一個梳化位陸續坐下。
唔知係有心定無意，我地以小善為中心圍坐；眾人既目光，令小善有d羞怯；臉頰紅紅。
感覺到保護小善既時機又到：「你地唔好望住小善啦…﹗係啦…小善約我地出黎有咩事啊﹖」。
咁咪又係將d目光繼續keep係小善身上﹖小毒向左走向右走真係唔識講野﹗
「啊…啊…其實我有d事想同阿樂講既…不過佢無黎…」小善望住咖啡桌。
內心一震﹗咩無黎啊﹖我有啊﹗就坐係你對面喳﹗
我責怪地望一下獅兄，佢雙眼向上望左下；一副佢都唔想既表情。
「咁…咁可以同我地講…等我地回話丫﹗」我續道。
「唔得…﹗唔得架﹗…一定要同阿樂一個講…﹗」小善為自己既激動更加臉紅。
係呢一刻，我肯定小善係世界上最靚既女仔。
一個我先知得既秘密…世上最遠既距離唔止係利物浦同聯賽冠軍，仲有我坐你面前而你唔知我係乜水。
內心變曬灰色，眼前既一切全部都變曬灰色。
點解要變我做女仔啊﹗眼前呢個女神級既女仔有秘密要同毒向左走向右走身份既我講啊﹗呢d機會係毒向左走向右走祈禱一萬次都
唔會有既機會，點解係呢一刻我先黎躂q啊…
點解唔係遇到小善之前就收我皮啊…
「真係…連我都唔講得…﹖」我期望出現奇蹟。
「對唔住啊…」小善歉疚地說。
我攤坐係座位上。獅兄繞有興致地係我耳邊細語：「佢係唔係你既目標啊﹖」。
「目標﹖咩目標啊﹖」我不解地問向獅兄。
「原來你係les既…」獅兄一臉嬉笑。
我肘左佢一下，憤怒地回話：「你點會咁諗架﹗我係…」我真係鐘意女仔架喎﹗
獅兄見我猶豫，馬上追擊：「從你頭先俾佢拒絕既表情…就同我一樣咁落寞…」獅兄立即變得好落寞，但又馬上變返嬉笑：「唔怪得你拒絕我啦…」。
好唔好用咁既藉口黎一野收獅兄皮呢﹖其實都唔算係大話…我真係鐘意女仔嫁嗎﹗我理直氣壯地：「係啊﹗我係les既，我鐘意小善﹗」。
一時激動，唔記得收返細聲。
理直氣壯變為震驚，我將呢個天大既秘密講左出口啊啊啊﹗
小善驚訝地望住我心虛既野；獅兄仲火上加油，搖搖頭，口upup：「唔怪得我會輸啦…」。
肥輝都震驚﹗但好快就怒視我；從識左佢16年徹底了解佢既習性，我知道佢已經label左我做敵人。
只有琪琪係一邊體諒地，並加以鼓勵地向我報以一個微笑。
「唔係…唔係啊…我鐘意小善件衫喳…哈哈哈…」。
我知道無論點兜都兜唔到…我岩岩黎左次遲來的表白。
小善已經唔敢同我對望，一片空白既我已經唔想諗結果。
小善抬起頭，極力冷靜地說：「…啊…其實…我係唔係識你架…﹖」。
佢唔係應該講你係個好人咩﹖
你緊係識我啦﹗仲由小學果陣已經識我啦﹗
「…啊…點會呢…哈哈…」變做女仔呢個秘密仲未可以同小善講住…
「我覺得…你好有親切感啊…」小善微笑說。
咁有無大道理﹖唔講爛gag…唔通佢發現左…﹖
「吓…係咩…哈…」愈聽佢讚我，我就覺得自己錯失得愈多。
「嗯﹗我覺得我地可以做朋友先…」原來回復開朗既小善從個先字察覺到自己好似講錯野，臉上一陣紅：
「我地可以做朋友啊﹗」。
「好啊…﹗好啊…﹗」總算化解到呢場尷尬。
但隻死肥仔又拿拿聲了返起：「咁…咁你無應承佢…做佢女…朋友啊可﹖」。
你收下聲得唔得啊﹗
小善俾肥輝呢個問題搞到有d錯諤，眼神移向我：「吓…我無諗過呢個問題喎…」。
小善竟然答無諗過，而唔係無考慮過les。
我用威嚇既眼神命令肥輝收聲；從佢一臉既不情願，我好肯定佢將我再昇華到情敵。
「其實你唔駛理佢架…哈哈…我岩岩一時情急講錯野姐…哈哈」收聲啦肥仔﹗
「哦…」幫小善解圍，令佢倍感安慰。
獅兄適時插嘴：「既然妹妹你無諗過，咁就唔好同我爭啦；又或者…我兩個都要曬﹗」。
獅兄既輕佻自然又幫小善塊面轉色：「吓…」仲好不知所措。
你係我面前挑逗第二個女仔﹗我擰轉頭，用住我最能表達既憤怒眼神反擊。
「樂樂你咁既眼神，係嬲我想要埋個妹妹；定嬲我搶你既目標啊﹖」。
花心得你丫﹗緊係嬲你搶我目標啦：「荒謬﹗將自己睇到咁重﹗」對付佢唔理佢先係高招﹗
「咁我去馬嫁啦…」，「妹妹你叫小善啊可﹖」獅兄對眼係咁放電。
雖然小善係女神級，但獅兄係屬於超男神級；去選港男都嫌拉低身份既級別。又好似三國志12張郃vs張飛咁，都仲係爭緊1x點武力。
小善明顯未遇過獅兄呢類型男既挑逗：「啊…啊係啊…咁你呢﹖」。
不愧係女神啊﹗仲有力反擊﹗
「我啊…你哄塊面埋d我再講你聽丫…」。
你又想用呢招﹗
借d咦搏懵—獅兄既老技倆。如果施展此技條友個樣衰少少，或者帶點猥褻；咁就可能執定野洗定籮抽預備入赤柱。
但獅兄絕非等閒之輩；被佢輕薄既對象非但唔會感到冒犯，仲會有臉紅、心跳加速，呢種咁初戀既感覺。
係小善好pure好true地伸過頭埋去既0.03秒間，我就感到大事不妙；未及呼喊：「唔好伸過去啊…」；肥輝搶先殺出：「唔好…﹗」壞事﹗此舉令小善分神向肥輝：「吓…﹖」獅兄正好偷襲。
望住正準備展現贏利笑容既獅兄，我決心唔會俾你食到小善既﹗勇敢向前﹗千鈞一髮—我鍚先﹗
我對準小善既櫻桃小嘴，一啖錫落去；而獅兄鍚到既只我塊面。
作戰成功﹗我保護左小善既貞操﹗…咁色魔咪變左我囉…﹖
驚惶地縮返個頭：「對…對唔住啊﹗」唔好報警拉我啊﹗
小善無想報警既舉動，而係臉上紅暈再紅多倍，尷尬地望下我，又望下獅兄。
而獅兄呢，佢正笑容燦爛：「唔錯唔錯，鍚到樂樂都算係成功。」。
我對佢呢種態度開始習以為常；係呢一刻需要留意既應該係肥輝憤怒既眼神。
你聽我解釋先啦﹗
不等肥輝開口，琪琪搶先：「我又要鍚﹗」。
你同肥輝鍚啦﹗
自鳴得意既獅兄、分身不暇既我、憤怒呷醋既肥輝、異常尷尬既小善、好想參與既琪琪；呢一枱人形成一個奇怪既組合。
要處理人際關係方面等級係c既我應付一切，就好似叫唐英年去聯合國演講咁—死緊嫁嗎﹗呢班人仲要個個都咁有性格，而得我毫無性格；要點搞啊﹖
早知我都跟埋阿康走左去好過﹗
「啊…」小善突然開口：「今日阿樂又無黎…不如…不如我走先囉…」。
你走﹖雖然話小毒向左走向右走約女神通常都係女神鬆人為結局，但原因係因為我無出現…我接受唔到啊…
「不如…不如我地食埋飯先啦﹗」。
人生第一次約女仔食飯係自己變左女仔之後…唉…
琪琪忽然目光如炬，令事情有d轉機。
所有人都俾琪琪行為上既改變吸引住：佢又想搞邊科啊﹖
「…我…係唔係識你架…﹖」類似既句子由琪琪口中講出黎簡直係惡夢。
「…戴家善…﹖」琪琪疑惑地吐出呢三隻字。
我虎軀一震，似乎琪琪要揭開我地三個之間微秒既連繫。
「你係…」美妙既聲音充滿疑問。
「我係陳嘉其啊﹗」琪琪差d壓止唔到自己把雄厚男聲。
雖然唔match，但我都想用呢個詞語去形容；小善美麗既臉容散發出黎既信息，經我解讀後就係四隻字：唔向左走向右走係啊﹖
我知道小善係唔會講粗口既，所以改做唔係啊﹖
「…你…變左好多啊…」小善首次仔細地查看琪琪—琪琪一嬌柔地放對手係大脾端坐。
「…阿其﹗」如獲至寶「你係阿其﹗」小女神笑得好甜。
不厭其煩地再講一次：小善真係好pure好true；知道左琪琪係舊同學之後，笑到成個細路女咁。
「仲有啊…佢咪係…陳俊…」我拿拿聲掩住琪琪把口，唔可以俾小善知架﹗
「我叫…我叫陳津樂…係阿樂既…」一路應付琪琪強而有力既掙扎一路講野真係好辛苦啊﹗我係自己既邊個好呢﹖
「我係…我係佢堂妹﹗由細細個已經同佢好熟，所以你有咩同我講就得啦﹗」。
小善睇住我同琪琪既激烈鬥爭，竊笑左下，再好爽朗地回應：「哦﹗」睇黎尷尬氣氛已經全消。
我用眼神請求琪琪唔好亂黎，經佢埋怨但同意既眼神後；我鬆開隻手：「咁…你會同我地去食飯架可﹖」。
「嗯﹗我有好多野想同你地講啊﹗」小善笑得好有期望。
結果，呢場約會我再次成為主角；肥輝反而做左可有可無既配角。
佢唔順氣都係應該既…反而獅兄就好愉快地望住我地3個，唔知佢又打咩鬼主意呢﹖