近排阿澄多咗傾電話。 


本來屋企個電話,打黎多數係搵佢教功課,大概用好少時間就會搞掂。但佢而家周不時都總會傾一個鐘電話,而且時間仲會有加長嘅趨勢。 


有一次好次約定咗咁,到咗十一點,阿澄就會將屋企電話偷偷拎入房間,然後望住隻錶,等住,之後電話就會忽然響起,阿澄就迅速拎起電話。 


「喂?」佢會變得好開心咁講野。 




好奇怪,明明電話入面嗰個人都望唔到,唔知點解要笑到咁開心。 


阿澄通常會用手撬住電話線,一路傾,其實傾嘅內容都無乜野,都係:「你做緊咩呀?」、「你做哂功課未呀?」、「你有無睇最新嗰套海賊王。」 


啲內容都幾悶,唔明點解可以傾到咁耐。 




有一次,阿澄由十一點傾到天光六點添,結果搞到第二日佢勁無精神。 


究竟電話入面嗰個係邊個?