[屍故] 完sem後被迫留在科大玩一場生存遊戲: 第６章—討論
~「哇，乜枝掃把淨係得返碌棍嘅～咦！佢地係？」阿明問。
「佢地叫阿俊同…同軒少，我地係路上撞到，諗住一齊行有個照顧，所以帶埋佢地返嚟。」我說。
「ＥＲ…都好嘅。前門已經積咗好多喪屍，我諗哩到唔捱得幾耐，我地要一齊再商量吓對策。」阿明說。
「係呀，不過頭先我地已經諗到好多嘢，我地坐埋一齊討論組織吓啦。」高威插口說。
那可能是「我地」，我想根本應該都是靠阿明想出來的吧。經過一番自我介紹後，整頓一下行裝後，我們就馬上入正題，而主持的人當然是阿明。
「首先，依咖我地未知嘅嘢實在太多，第一我地唔清楚喪屍嘅特性，第二我地唔知仲會唔會有其他突發嘅元素，會唔會真係一個鐘放一百隻喪屍直到第五日咁簡單呢？，第三，我地唔知佢地哩場遊戲嘅目的。我地依家一樣一樣咁討論一吓，睇吓大家會唔會有新啟發。」阿明說。
看來阿明留在實驗室也不是閒著沒事做。
「好啦，不如你地先講吓，頭先出去，有無留意到啲喪屍嘅特性？」
「有有有！一開始對付班喪屍，明明用掃把就可以好容易打甩佢地個頭，但係之後去完hall再出返嚟，遇到個班喪屍，我再一嘢打落去，就會變咗係我把掃把斷咗，可能真係正如你之前所講，佢地係會愈來愈勁。」
「你自己廢就咪多多事實啦，我咪照舊一刀一件。」軒少語氣刺骨。
「仲有，只要佢地個頭一甩，就唔會識郁。同埋…同埋…我唔知我有無睇錯，我一開始搞掂完個班喪屍，走個陣好似見到啲殘肢郁，我唔肯定我有無睇錯。」
「肯定係你睇錯啦，你實係驚到有幻覺。」軒少又再針對我。
其實我已經氣上心頭，但我又無力反搏他，因為事實上我的確是個廢囊，他的實力遠遠在我之上。此時，我見到肥波偷偷暗笑一下，這傢夥肯定是看到我被軒少羞辱而暗暗發笑，我把所有怒氣都轉向發洩到他身上，狠狠地瞪著他，嚇得他馬上低頭不敢直視我。
「會郁？先假定你無睇錯嘅，會唔會即係表示佢地係可以再生？」阿明大膽推斷。
「唔係掛，咁咪即係去到第五日，我地一定會面對成萬隻喪屍，仲要困係科大入面…」想到此時，其實我心中又是害怕得很，但唔想被軒少看扁，我盡量裝作鎮定。
「我諗可能係，我地原路返去個陣，馬路啲屍駭都唔見哂。」沅婷說。
「係呀！而且佢地嘅頸上面都有啲傷痕。」我接著說。
「等等。」阿明說。
阿明聽完之後，閉目深思了一會兒，而大夥兒都靜下寸，讓他好好思索。突然他瞪大雙眼，好像想到了什麼，便開口說。
「如果我話喪屍係可以重生之餘，而重生嘅部分都會更加強，你地會唔會諗到啲咩係prove到佢係true？正如啱啱阿豪由hall出返嚟遇到嘅第二批，如果就係比佢打甩過個頭個批喪屍，因為比佢打甩過之後，喪屍重生完個頭部就變得更加硬，所以阿豪第二次打落喪屍到就唔work。」
眾人聽完都點點頭，而我聽完之後，真的很佩服阿明的思考能力，看來讀science的人腦筋都特別靈活，除了我之外。突然我又想起一些事情，可以證明阿明的理論。
「係呀！之前我咪講過，啲喪屍會識行樓梯嘅，我仲記得佢地對腳係有傷痕，應該係再生過，所以佢地比之前行得更快，而且仲變到識行樓梯。」我說。
「咁睇嚟我哩一個假設係無錯，咁建基於哩一個理論上面，如果喪屍係可以無限次重生，咁隨之佢地嘅能力就可以愈嚟愈高。」阿明說。
「咁…咁會唔會屈機啲呀？唔會係咁呀？」高威發抖地說。
「當然哩一樣嘢我都係估估吓，但處於無足夠情報嘅情況下，當然最好所有嘢都作最壞打算。所以以後我地見到喪屍，盡可能嘅情況下都係要走，因為就算今日打低咗佢地，咁我地第日再遇到嘅就會係更加強嘅喪屍。」阿明作出生存第一個戰略。
「如果迫於無奈之下，首先係打頭，頭唔得先再打腳，因為個頭硬點都好過啲屍行得快。」阿明接著再說。
「嗯嗯！不過最驚係其他人唔知頭唔知路，見屍就殺，累街坊。」我說出我的憂慮。
軒少馬上瞪我一眼，喔！他回程時見屍殺屍，而且是非常落力般的，他那想到這行為只是為我們將來樹立更多更強的喪屍。所以他以為我剛才的這句是諷刺他吧～但事實上我可沒想得這麼多呢。
「咁仲有無人留意到啲喪屍咩特別嘅地方，如果無嘅我地再講下一個議題。」阿明說。
我見阿俊剛才有一下欲言又止，應該是不敢打斷阿明的說話吧。
「咁大家有無咩辦法可以提升我地嘅生存率，應對到啲突發情況？」阿明再說。
「咁一係我講先啦，其實我知到門口密碼嘅lab有三個，哩一個只係其中一個，我已經將其餘嘅lab嘅地點同密碼寫咗係紙仔比大家。萬一遇到咩事，都可以去哩啲lab到避吓。」阿明把紙條逐一分給我們。
「ｅｒ…之前我係hall到搵到四部對講機，可能遲吓會有用。」我說。
「好好…始終情報太少，都做唔到太多咩推測同準備，咁大家覺得佢地嘅目的到底係乜？」阿明問大家。
「佢地…佢地一定係想殺死哂我地。」高威說。
「如果佢地想殺死哂我地，洗乜搞咁多嘢，直接入嚟亂槍掃射咪仲快。」阿俊說。
「無錯！而且仲記唔記得，一開始有個人咪衝咗出去，結果就比人射殺咗。咁即係話，佢地好可能已經係科大整好哂監視器，嚟睇實我地一舉一動。」阿明說。
眾人聽到都點點頭。我在外時，只顧逃跑，沒考慮過喪屍的能力，更沒想過要推測這場遊戲的目的，看來阿明的分析能力對我們來說是相當重要。
「如果哩個推論無錯，能夠做到哩一個地步，一定用好多錢。而且遊戲都過咗大半日，點解可以無人知，無人入嚟救我地，又可以中斷哂我地手機嘅信號，講到哩到，我諗大家都諗到，背後嘅策劃人一定唔簡單，甚至可能係一個龐大嘅組織。」
眾人聽到後都是大吃一驚，主是當然是因為其內容，而其次則是他的分析能力。
「咁點解有錢嘅組織都要玩我地，係咪痴線咖？」高威說。
「玩？如果真係為咗玩，我真係無嘢好講。不過我唔覺得係為咗玩咁簡單。」阿明說。
「咁佢地嘅目的係乜呀？」我心急地說，皆因我很討厭人賣關子。
「ＥＲ…其實我都未諗到。哈哈！所以先問吓你地意見，睇吓有無咩頭緒。」阿明笑著說。
在這討論上，沅婷基本上只是聽，沒有作聲，因為她本身腦筋就不太靈活。而肥波也沒有作聲，因為他忙著淫視沅婷的身體。當然我早就察覺，只是免得打斷討論才沒有做什麼，只是在肥波盯得太過份的時候乾咳兩聲，要他收斂一下。
分隔線
————————————————————————————————————————————————————————————
「……咁即係話，佢地好可能已經係科大整好哂監視器，嚟睇實我地一舉一動。」
「哩條友，唔簡單。」在漆黑的房間中，只要依靠螢幕發出的光，依稀看到這個男人身穿實驗袍，坐在他的坐位品嘗他手中的藍山咖啡。
「……背後嘅策劃人一定唔簡單，甚至可能係一個龐大嘅組織。」
「孫博士！」這男人看了手上的文件後眉頭一鄒。
「係！彼德教授。」頭髮全白的男人應道。
「哩個人，唔可以留低。」彼德教授說道。
「明白。」孫博士應道。
————————————————————————————————————————————————————————————