[屍故] 完sem後被迫留在科大玩一場生存遊戲: 外傳１—組織

　在科大的地下秘密實驗室內，一名又高又瘦的人拿著他的實驗報告書，向一位坐著的男子匯報。

「今次實驗接近完全失敗，MU168效能同我地原來所知嘅完全唔同。」那名又高又瘦的男人說道。

「哩樣我知！」坐著的男子說道。

「雖然我地仲未搞清背後嘅原理，但係跟據返當時MU168成功生效者所得知嘅資料，MU168至少可以令本身嘅人類機能全方位提升二至三倍，同時亦會造出另一種扭曲人格。」

「跟住呢……」





「跟據返影片，我地推算如果成功者呈現出扭曲人格嘅時候，佢嘅肉體機能會提升超過十倍以上。」

「果然選擇鏟除佢係一個正確嘅決定。」坐著的男子心道。

「嗯嗯！善後工作做成點？」坐著的人說道。

「所有生存者已被處理，而且依家已經進行緊接下來嘅兩個實驗。」

「相當好！」





「所有進行過實驗嘅大中學，一切環境已經回復正常。」

「咁資金方面？」

「今次遊戲令我地嘅資金增加咗2.38%，都算係一個好大嘅增幅。」

「好！你即刻將哩啲資料傳送返去總部。」

「知道。」說完那名又高又瘦的人便離開房間。





「我都話咗你唔會阻止到我地嘅實驗啦，李樂遙！」那名男子低聲冷笑道。