[屍故] 完sem後被迫留在科大玩一場生存遊戲: 外傳２—獨眼

~一絲清風打到我的身上，我感覺到我全身都是酸軟無力，我用力地坐起來，我慢慢掙開眼睛，望望四周的環境。

我身處於一個樹林之中，四周盡是樹木，我拍拍我的臉，很痛！

我竟然還未死……

「估唔到你連M5氣體都頂得住。」突然傳來一把女聲。

這把聲很熟……





但我已經四處張望，除了樹木，這裡根本連人影都沒有，到底是誰在說話？還是說我其實已經死了？

「我係哩到呀！」我身邊傳來一把女聲。

這把聲……我立即低頭一望，是它！當日在商務書局見到的那隻啡色花貓，它耳上有白點，四腳踏雪，絕對是它！

我不是在發夢吧……貓竟然會說話……

「你應該就係MU168嘅成功生效到嘅人啦。」那隻花貓說。





「你……」我呆若木雞。

「我叫李樂遙，不過我都係想你叫返我係團隊入面嘅別名『花貓』。」那隻花貓接著道。

聽得我一頭霧水，貓會說話已經出奇，還要說一大堆難懂的話，教我如何吃得消。

「我叫何家豪，可以叫我阿豪。」我還是跟它一樣，自我介紹一番。

「我知，係名單上已經見過你個名。」它說道。





名單？

「我知道你有好多嘢唔明，我遲吓先同你解釋返，不過依家其實我係想你加入我地嘅團隊。」它說道。

「吓！？咩團隊？」我仍然不解。

「一個目的係鏟除哩次遊戲背後嘅組織嘅一個團隊。」它說道。

「點…點解我要加入？點解係我？沅婷阿俊佢地呢！？」最後的問題其實我都不覺得它會知道，只是我太想知道才衝口而出。

「第一，其實你都無得選擇，基本上你除咗加入我地都無其他辦法，第二，我地需要你嘅力量，第三，如果佢地未死，應該會做接下來嘅實驗。」

「咩實驗！？」我緊張地道。

「記憶實驗，係關於哩場遊戲嘅記憶將會被完全消除。」





完全消除！？那些沅婷和我的事都……不過都是好事，至少連肥波的事情，她都會忘得一乾二淨。

「咁點解我會無得選擇，一定要加入你地？」我問道。

「第一，因為已經有人取代咗你嘅身份，亦都係佢地嘅第二個實驗，第二，如果組織知你未死，唔止你有危險，就連你身邊嘅人都會好危險。如果你想有返正常生活，唯一可以做嘅就係瓦解佢地個組織。」

「吓！？咩人可以取代到我嘅身份。」

「複製人。」

對這些難以相信的事情，我都沒有再表露出什麼驚訝的表情，因為我覺得光是我和一隻貓的對話已經夠不可思議了。

不過我亦不覺得它說的是假話，因為只要我真的回家一看便知道真假，如果它有心騙我絕不會說這些輕易就能讓人識穿的大話吧。





那若果它說的是真的，那我只有跟著它們去做。報警什麼的肯定沒用吧，遊戲了五天都沒有人來救我們，這些普通機構肯定做不到什麼。

「好！我加入你地都得，但係你地要幫我一件事，就係比我去偷偷地望吓沅婷。」我只要望到沅婷多一眼就心滿意足了。

「好！咁由今日起，你係我地團隊入面嘅別命就叫『獨眼』。」