附魔師: 第壹章---久別重逢?

[愛情/奇幻][附魔師]
第壹章---久別重逢?
 
這個人…她不就是經常出現在我夢中的那個女孩嗎…?什麼一回事!?
 
「喂喂,你做咩呆晒呀?係唔係見到本小姐太靚講唔出野呢,哈哈。」
 
「你…你叫Christine…? 。」
 
「係呀,做咩一副好驚訝嘅樣?唔係我太靚嚇親你掛@@?。」


 
「唔係,只係你好似一個我唔識嘅人…。」
 
「嘩先生,你識女仔嘅手法都幾奇特架啵,我似一個你唔識嘅人都講得出。」她邊說邊笑
 
「我講真。」
 
「係係係,見你講到似層層咁,信住你先喇。」
 
「咁你叫咩名呀,我就講左俾你知喇,點計都到你喇掛。」


 
「我叫Kyle,黃凱峰。」
 
「咁以後多多指教喇,鄰居。」
 
「多多指教。」
 
這個叫Christine的女孩一直出現在我的夢裡,如今卻活生生坐在我身旁,是什麼因由。難就我幼時認識她,只是長大後忘記了?
 
「Christine,我地有冇見過…? 」


 
「有呀,咪啱啱囉。搞笑咩,先識左你唔夠三分鐘,點可能見過你呀= =」
 
「當我冇問過。」
 
 
看起來,這是我們第一次相遇,但夢的感覺何以如此真實,該不會是體內的狂靈作祟吧。很睏….。
 
「Kyle、Kyle!黃凱峰!落堂喇,你洗唔洗由第一堂瞓到放學呀?搞到本小姐冇得傾計,悶左成日\./」
 
「我琴晚發惡夢,唔夠瞓。」
 
「咁你快啲返屋企瞓覺喇,聽日上堂唔準瞓,要陪本小姐傾計! 」
 
「好…」


 
「咁我走先喇,聽日見,bye bye 。」
 
「聽日見。」
 
我看了看手錶,15:47。夢的事暫時放下,今晚又要拯救世界。
真不懂這事為何會算到我頭上來。
 
「阿叔,今晚又要係邊到打? 」
 
「沙田一間舊學校。嘩,你個樣咁殘嘅? 瘋狂打丁呀?」
 
「你就打丁,琴晚又發惡夢。」
 
「一睇就知係春夢嚟喇。」


 
我沒有說話,只是向他比了一隻筆直的中指
 
「又係個女仔喇,你條友就嚟唔識發其他夢,好心你…」
 
「今日係學校見到佢。」我打斷了他說話
 
「細路,你撞邪呀-.-?」
 
「如果係撞邪,狂靈會有反應。佢就冇反應,有嗰個反而係我。」
 
「例如呢? 」
 
「我好似識左佢好耐,但明明今日先第一次見佢。佢一講自己叫Christine,我以為自己又係到發夢,到底咩事?」
「唔通你…。」


 
「唔通咩?? 」
 
「我遲啲先話你知,因為…. 」
 
「你講定唔講架? 」
 
「因為你,要去間學校”返學” 。」
 
我聽到後反了反眼
 
「去喇,搞掂埋呢單再同你講。」
 
待續