附魔師: 第貳章---首戰

[愛情/奇幻][附魔師]
第貳章---首戰
 
我推開這所廢棄小學的大閘,由於日久失修,鐵閘已是破舊非常,只是輕輕一推,已發出鐵鏽磨擦的聲音,有點吵。
 
「細路,帶左火機未? 」
 
我從衣袋拿出特製鋼火機,推開蓋,嚓一聲燃點了火。
 
「睇住呀,唔夠打嘅記住報警,要小心,唔好掂到佢地嘅便便。」


 
這次,我向他比了兩隻中指
 
接著,我慢慢步向昏暗的校舍,在側旁球埸裡,依稀見到一個人影。
 
「喂手足,咁夜仲唔返屋企,留係到做咩呀? 」我一邊把玩火機,一邊放聲地說
 
他聽到後放下手上的東西,乍看類似彎刀,但太暗,看不清。在他身旁躺著一個人型物體,該不會真的是人吧。他向我緩緩走過來,愈接近我,他臉上的輪廓愈清晰,這下真是撞邪了,那人正是劉志高,那個在我夢中操控Christine的男人。
 
「企係到! 」同時間,我把左手放到背後,準備隨時發動火機,製造火焰發動攻勢


 
他停了下來。在月色映照下,他的樣貌更顯精煉,像一個殺人無數的凶手。一頭銀髮,置人於死地般的眼神,狠狠地注視我,加上右手拿著的刀,令人心寒,他個子比我略高,圍繞身軀的氣埸,是附魔氣息!但不只一種.他到底是什麼人。
 
「o靚仔,唔好阻住我好嘛,我好忙架。」他用刀指著我
 
「忙住殺人呀? 」
 
「係呀,一唔一齊? 」
 
「殺你嘅話我相當樂意,你又一唔一齊? 」


 
「唔同你講咁多廢話!」
 
說罷,他便向我砍,幸好我及時反應,要不是,恐怕要坐黑箱車。
既然他已開打,我便奉陪到底。
 
我推開火機蓋,發動火花,將火苗對著右手手心,拉出一道弧形的火光,使我右手被火包裹著。
然後我向他揮舞右勾拳,他向後躍避開了我的進攻,但這全是我的預計之中。我乘著揮拳的力度和動作轉了半圈.再以左手手背揮打他的臉,他始料未及,硬吃了這下重擊。
在他站穩前我乘勝追擊,以火拳衝向他。突然,他舉起了左手,輕輕地停下我的攻擊。然後一腳把我踢飛至圍欄,這一記飛踢,也太痛。我只能捂著肚,痛苦地爬起來。
 
「估唔到係個火攻型附魔師,真係少見,但睇嚟你仲未控制到魔靈,可惜。」
 
無錯,我係一個火屬性附魔師,因為火攻是十種屬性中最難控制,最容易被反噬,所以最少人選擇。而我選擇火攻,是因為父親亦是火攻附魔師,我不想失禮他。有一件事他說對了,我還未能完全控制魔靈,即是我體內的狂靈。由此,我只能借助火種激發魔靈,借用「它」的力量。
 
「關你春事,打就打,講咁多廢話。」


 
「阿叔我今日攰,唔同你打住,何況你都唔係我對手。同埋,你好似有少少用,我地後會有期。」說罷,他的身軀便消失於黑夜之中。
 
我拿出手機,致電叔叔.叫他過來。
 
「阿峰! 」
 
「我冇咩事,除左痛到瀨屎,去睇下個邊嗰個人點先。」
 
「好,一陣俾啲唐太宗整腸丸你食,你坐陣先。」
 
這就是我的叔叔,即使我快死,他亦會道出一個又一個爛笑話。盡管如此,他亦是個不折不扣的附魔師,不過是禦型附魔師,負責後勤工作,不會隨便戰鬥,但叔叔的戰力一點也不弱,傳聞他曾獨自應付魔軍,是由於叔母被魔軍殺死,他才大開殺戒。那埸戰役後,他便退居二線。
 
「嗰個人死左,佢身上嘅血,一滴不留。」
 


「一定係啱啱嗰個人,劉志高。」
 
「你識佢? 」
 
「佢係我個夢出現過。」我說出這句話的同時,叔叔臉上流露出一絲
驚愕。
 
「阿叔,你係唔係有野暪住我? 」
 
待續