附魔師: 第參章---不肯定的真相

[愛情/奇幻][附魔師]
第參章---不肯定的真相
 
「有人曾經講過夢境係過去同未來嘅連結,即係所謂時間斷層,有可能你嘅記憶同未來重疊左,所以出現咁嘅夢。」
 
「點解你愈解釋我愈唔明? 」
 
「等我再去查下咩事再同你傾,始終係太離奇。夜喇,你返去先,唔好要你阿媽擔心,條屍同啲手尾交俾我。」
 
「好…」


 
回家後,我躺在床上思前想後,到底是什麼情況,想著想著,我便睡了。
 
鈴鈴鈴鈴鈴鈴鈴鈴鈴,手機鬧鐘響起
 
不行,太累了
 
「娘,唔知我第二日返學就請假,會唔會好過份呢? 」
 
「會呀。」


 
「琴晚又跟你阿叔走去打打殺殺呀?好心你唔好成日夜媽媽走出去喇,學校電話係唔係23382338呀?」母親知道我與父親選擇同一條路,是為了替他報仇,她看見我堅定的決心,便沒有諸多阻止。
 
「係…」
 
就這樣,我托母親請了假,然後便再入睡
不知為何,在遇見Christine的那天起,便再沒有發那個夢,不過是兩天,為什麼問題愈來愈多。
 
「早晨。」
 


「喂,你琴日做咩唔返學呀!?本小姐又悶左成日喇,你消防員嚟架? 」
 
「我係消防員就直接返歸去救火喇,仲走嚟返學把鬼咩@@」
 
「唉吔哋,膽敢駁本小姐\./」
 
「Sorry囉╮(￣▽￣)╭」
 
「啍」
 
「好喇上堂唔玩喇。」
 
與這女生互相戲言,有一種舒暢的感覺,不需介懷避忌很奇特
 
「黃凱峰,點解你揀留班而唔轉校呀?做留班仔感覺好慘。」


 
「我話我懶,費事搞轉校啲野,你信唔信? 」
 
「信呀,你冇必要呃我姐,何況你第一日返學就瞓足全日,第二日直頭唔返x_x。」
 
「我瞓咁耐同唔返學有我嘅因由,同埋你都幾易信人架喎。」
 
「個因由咪就係你懶囉(～o￣▽￣)～o 。你呃到嘅,都係因為我相信你,如果你有心呃,都只可以怪我咁信你。」
 
「你俾人呃過? 」
 
「唔記得。」
 
「以後邊個敢呃你嘅,話我知,我幫你打醒佢。」
 


「咦~你好暴力,聽住先喇。」
 
「話時話,你點知我係留班仔?我應該冇同你地講過架。」
 
「見唔見坐第一行第二個女仔,矮矮地戴眼鏡嗰個女仔。」
 
「唔靚嗰個? 」
 
「叫你睇人呀!正係掛住囡囡╭∩╮_(︶︿︶)_╭∩╮」
 
「又係你叫我睇嘅x_x, btw見到又點?」
 
「佢好八架,仲八過狗仔隊,上至高層,下至低能,無一不知,係佢話我地知嘅。」
 
「姐係八婆喇,不過你地知我係留班都無咩所謂,又唔係打家劫舍。」


 
「你唔怕俾人笑? 」
 
「香港人出名善忘,過多排就會冇事,好似係。雖然俾人笑係會幾唔開心,但應該會慣。」
 
「唔好唔開心,姐姐鍚返<(￣︶￣)/ 」
 
「咁等我打個電話先。」
 
「打電話做咩? 」
 
「報警。」
 
「食屎喇你〒▽〒」
 


2E班黃凱峰請立即到校務處
中央廣播器突然響起我的名字
 
待續