我的死鬼老婆: 第二十四節

再一次，我們回到了嚴國旋家裡的大廳。
 
內心出奇的平靜，或許應該說現在的我腦袋裡面一片空白，根本不能運轉，若珍和阿俊有染這個真相，我還是未能接受得到。
 
「對唔住，阿曦，如果唔係我帶你黎搵旋哥，你就唔會知道你太太既事………唉，我都唔知講咩好…….」司徒月一臉尷尬地說。
 
「唔關你事，如果我唔知道成件事係咁樣既，我可能成世人都會屈住屈住，而家知道件事係點，對於我黎講都可以叫做一種解脫。」我說。
 
我點起了一根香煙，並呼出了淡淡的白色煙圈。
 




「唔好食煙啦！對身體唔好架！」這是我每一次抽煙時若珍均會對我說的話，現在的我身邊再沒有人「依依哦哦」，現在的我才感受到原來寧靜可以說成是孤獨和寂寞，有時候有一個人在身邊嘮叨著自己，原來是一件很幸福的事。
 
不其然的再一次想起若珍的事情，我心愛的太太真的會背叛自己而和阿俊有染嗎？說實話，之前聽了阿健的說話之後，我只感到憤怒，可是冷靜下來後，我在想其實這是否事實的全部。
 
男與女，不可以只是普通的朋友嗎？
 
可是，把阿健殺掉的的而且確是阿俊，那麼又會是誰襲擊阿俊？
 
若珍！？
 




「旋哥，我想問下有冇可能一隻鬼可以令到一個人受傷？」我說。
 
「你意思係……..」
 
「我意思就係，會唔會我太太若珍因為俾阿俊殺左，而佢變成一隻厲鬼搵阿俊報仇？咁就可以解釋得到點解若珍既鬼魂會灰飛煙滅。」我說。
 
「唔……..正常情況下係冇可能，你諗下如果一隻鬼真係可以殺人，咁樣監獄裡面就唔會有殺人犯，係咪？」
 
嚴國旋的答案也不無道理。
 




那麼現在的我還可以做什麼？把阿俊殺人的事告知劉啟發，還若珍和阿健的一個清白，可是若珍的魂魄呢？她不像阿健一樣可以投胎做人，她已經灰飛煙滅永世不能再投胎做人，對於我來說，事情並沒有完結。
 
「旋哥，仲有冇辦法可以令到若珍的魂魄結合返，等佢可以投胎？我唔想佢死左之後連投胎既機會都冇，你幫下我啦！」我向著嚴國旋說。
 
「旋哥，你諗諗計啦，我知你一定有辦法架，你諗下你老婆如果好似阿曦咁，咁你會點算？」天佑也幫口說。
 
「我之前幫你，你而家知道左你太太生前既事，你冇後悔咩？如果你唔知，你心裡面仲會覺得你太太係完美既，但係你而家知道佢原來同你朋友有染，某程度上其實我覺得我害緊你。」嚴國旋一臉認真的說。
 
「旋哥，你諗多左啦，響我心裡面我太太都仲係咁完美，就算佢真係做錯事，都係因為我先會搞成咁，我而家最想既就係可以救得返佢，我唔想佢要死兩次……」說到這裡，傷感的情緒再一次湧上心頭。
 
「我真係唔知，我地學法既人主要目的都係想幫人，要救你太太唔係冇辦法，不過你自己都要付出。」
 
聽了嚴國旋說有方法救若珍之後，我激動得大叫起來說：「付出！？冇問題！只要可以救到若珍，你要我做咩都得！」
 
「好，既然係咁，我要你十年既陽壽，即係話要救你太太，你就要早死十年！」嚴國旋說。