-------------------黃鼠狼特務Agent of Weasel-----------------------------

                       ----------------------- 章十六:毒蛇彩虹派對--------------------------

「秦世樂!」
「秦世樂!」
「秦世樂!!!」
     Mr.Lee見況,只好走去拍拍秦世樂的枱.
「Tell me,咩時候用 Your's sincerely,咩時候用Your's faithfully?」Mr.Lee問.
      秦世樂眼神呆滯,沒有理會他.




「搞乜丫Francis??成堂都心不在焉嘅!?See me after school!!」

「佢前日朝早已經係咁喇!都唔知乜事.」余閃說.
「係咪失戀丫?」羅妙晴笑道.

----------------------------------------------------------------------------------------------------------------------------
    放學的走廊上.
「Francis,做乜你呢排個人好似失左魂咁,係咪發生左乜事?」Mr.Lee問.
 秦世樂一言不發.
「周圍冇人,有乜事你都可以同我講,話唔定我可以幫你呢?」




「嗯?」
「Mr.Lee.」馮妮走了過去.
「Cindy?你又喺度嘅?」Mr.Lee說.
馮佩妮瞧瞧秦世樂:「我嚟丫.」
「咁好....thank you Cindy.」Mr.Lee走開了.

「冇幾耐前死左嗰個,係你嘅上司係唔係?」馮佩妮説.
「係.」秦世樂冷説.
    馮佩妮不知道說甚麼好,所以選擇沉默.





「特別新聞報導,關於近日范姓男子死亡一案,警方指有突破性嘅新進展---」掛在校務處的電視機吸引了秦世樂的目光.
「現場係月井灣東區警署,警司陶陸偉就話,死者懷疑同之前唐日同死亡一䅁有關.」
「各位,三日前警方喺豪宅施工地盤度發現嘅范姓男子屍體,身上有多處傷痕.因而我地警方就判斷呢單為一宗他殺案.不過經過一輪調查後,我地好肯定死者其實係畏罪自殺嘅.我地有足夠證據去支持呢一點.」陶陸偉説.

      馮佩妮大惑不解的走上電視機前:「畏罪...自殺?」

「我地同事發現喺唐日同嘅槍枝上面,仲有本案死者范葛威嘅指模;而唐日同嘅家屬並向警方作供指曾經有個律師上門尋找唐日同談論公事,嗰個律師就係本案死者范葛威.相信喺公事上嘅糾紛之後,范葛威向周乙丙提供武器殺人.所以我地相信周乙丙被捕後,本案死者范葛威因為畏罪而決定自殺.稍後我地警方會提供更多資訊,多謝.」

   秦世樂捏緊拳頭,一直盯住電視屏幕上的陶陸偉.

------------------------------------------------------------------------------------------------------------------------------
      穿雲裂石的電音驟然響起,一大群年青人跟着節拍瘋狂起舞.
  霓虹女和霜寒坐在水吧,一邊喝酒一邊留意著目標的舉動.這目標就是製造出噴劑的神秘商人.
「呢幾年嚟,毒蛇彩虹嘅市場越嚟越大....」霓虹女眼角瞄一瞄放在商人旁的黑色箱子,上面刻著毒蛇彩虹的字樣. 
「我地真係要坐喺度睇住佢地吸嗰D噴劑??嗰D係毒品,會害死佢地㗎!」霜寒説.




「即使你今日阻止到佢地吸毒,咁聽日呢?」霓虹女又望向那群勁舞中的年青人:「呢班人已經冇得救喇.....」
「算...以大局為重丫嘛..知喇.」 雖則霜寒不同意她,但他選擇尊重霓虹女的決定.

     神秘商人把黑色箱子交給侍應,講了幾句後,侍應便把黑色箱子抬出舞台上.

「Ladies and Gentlemen!!!」侍應舉起箱子,展示給全場看:「我地今晚又有貨歎喇!!!!!」
「Yeah!!!!!」全場興奮不已的歡呼起來.
侍應打開箱子,把裡面所有的毒蛇彩虹扔向全場,全場便有如北韓飢民一樣搶奪.搶不到的只好對著別人的食糧眈眈逐逐.

   不過五秒,注射過毒蛇彩虹的人便開始亢奮起來,紛紛注視著侍應.
「所有人跟住我一齊讀!!」侍應走下舞台.

「唔通......」霜寒和霓虹女也意識到有些不對勁.

「我地要清洗呢片骯髒嘅大地!!!」侍應大叫.




「我地要清洗呢片骯髒嘅大地!!!」眾人同聲回應.
「抹去所有違抗耶和華嘅罪惡!!!」
「抹去所有違抗耶和華嘅罪惡!!!」
「重建上主應許予我民之天城!!!」
「重建上主應許予我民之天城!!!」

   神秘商人嘴角露出滿意的笑容,然後起身離開.

「今晚似乎仲有兩位客人未向大家露面喎~」侍應把目光移向霓虹女和霜寒.

「利用毒蛇彩虹嚟增加教徒人數,好嘢好嘢~不愧係漁夫嘅所為.」霓虹女撿起舞池上殘留的針筒.
「不如兩位.........向大家介紹下自己丫~」侍應說.
     霜寒把凍結棒往空一揮變成長棍:「就用拳腳嚟介紹.」
「我知喇!!你地兩位應該都係黃鼠狼嘅人~Hello~」
「Hello,Hello,哈你老母!!!」霜寒朝侍應揮棍把他擊至倒地,其他人馬上跑前保護他.




「大家,呢兩個人都係違抗上主旨意嘅罪惡之徒!!」侍應指着霜寒和霓虹女:「根據教義,你地應該點做??」
「抹除!!抹除!!抹除!!抹除!!」被洗腦的眾人漸漸迫近他們.

「哼.....我地唔得閒陪你地!!」霜寒和霓虹女拿出鉤爪槍,朝窗戶射出鉤爪,從屋頂逃去————————————————

----------------------------------------------------------------------------------------
     地下隧道裏.
「呢支針筒入面仲有少少殘餘嘅毒蛇彩虹,我會拎去俾馮鍵化驗下入面有咩成份.」霓虹女把針筒放入手袋內便走.
「虹!等陣.」霜寒説.
「咩?」
「秦世樂......就係N小隊嘅特務..係咪?」
「.........你真係有去查....」
「馮鍵同我講,你搵佢去查秦世樂.」
「我話左我地唔需要佢.」
「冇錯,但係佢需要我地.」




「咁當日我地需要佢地嘅時候佢地又喺邊??」霓虹女始終不能解開心結.
「虹......」霜寒無言以對.