黃鼠狼特務Agent of Weasel(搬家原故,本站停止更新): 章十七:維持我意志的只有仇恨
「你究竟係乜人.....點解要阻止我!!?」秦世樂不忿的瞪著霜寒.
「仇恨已經沖昏左你嘅頭腦,我係嚟阻止你繼續濫殺無辜!」霜寒把長棍放回背上.
「無辜?呢D叫以牙還牙.」
「收手啦!你咁樣就等於中左敵人嘅計!!我地黃鼠狼要團結一致先可以對付到漁夫㗎!!!」霜寒伸出手説.
「你同霓虹女一樣.....都係Z小隊?哼...呢頭佢就話同我互不相干,依家你就走出嚟話要團結一致...」
「佢嗰邊我會勸𠶧!總之你收左手先好唔好??」
「我唔同意.」秦世樂慢慢掏出手槍,步向霜寒.
「秦世樂........」霜寒閉上眼睛,深吸一口氣:「你真係要咁做?」
「冇錯!!!!」秦世樂朝霜寒開槍,霜寒揮動長棍衝向,把子彈一一打走.他朝秦世樂的頸部刺向——————————————
-------------------黃鼠狼特務Agent of Weasel-----------------------------
----------------------- 章十七:維持我意志的只有仇恨--------------------------
・・・・・・ 兩小時前・・・・・・・・・・・・・・・・・・・・・・・・・・・
遊樂場上,奔走的小孩和飄逸的氣球為這片地方帶來了歡樂的氣氛.
「D雪糕好好味丫!!」嘴邊沾上雪糕的男孩説.
「要唔要食多杯丫,郎郎~?」陶陸偉的妻子問.
「唔駛喇~!我知道爸爸媽媽賺錢好辛苦,我唔會亂咁洗錢!!」男孩認真的説.
「我地郎郎真係好乖仔丫~」陶陸偉摸摸男孩的頭:「睇下你~成個嘴都係雪糕~」
「正一污糟貓丫你~」妻子用紙抹抹他的嘴邊.
「爸爸!!我地去坐摩天輪好唔好丫~?」
「梗係坐啦!我地次次嚟呢度都一定會坐!!」陶陸偉拖著男孩的手,走向摩天輪下排隊.
「兩個大人,一個細路.」他覺得眼前戴著口罩的這個售票員有些眼熟:「我地係咪見過面?」
售票員沒有理會,只是冷冷的把三張票交給他.
----------------------------------------------------------------------------------------
「爸爸你睇下!!好高丫!!!」男孩望著廂外的風景興奮不已.
「爸爸?爸爸?」
「老公,做乜望住下面丫?」妻子問.
「頭先個售票員......有D面善...」陶陸偉感到有點不安.
「同事?」
突然的停下,使車廂搖晃不已.
「咦?停左嘅!?」男孩問.
「應該係故障,陣間就冇事喇.」妻子說.
「唔.....唔係故障...」陶陸偉想起了,那個售票員.....就是秦世樂.
他往摩天輪下看,一雙充滿殺氣的眼睛正在瞪著他.
「秦世樂.....你究竟想點.......」陶陸偉擔憂起來.
在摩天輪下的秦世樂頭側對著陶陸偉,給他一個割喉手勢.
「唔好呀....求你唔好呀......佢地係無辜㗎!!!」
「爸.....爸...」男孩臉色蒼白,喉嚨有如被火燒一樣灼痛.
「老公!!啊啊呀....呀....」
「係....毒...毒氣!!!!」陶陸偉在車廂上發現一個散發沙林毒氣的裝置,但已經太遲了.
「啊呀!!.......呀..呀...呀...呀.....」
「啊....呀...呀..」
「呀.....」
------------------------------------------------------------------------------
Band房裡,DreamChaser正在練歌.
「別了依然相信~ 以後有緣再聚~
未曾重遇以前 要珍惜愛自己~
在最好時刻分離不要流眼淚~
就承諾在某年 某一天某地點......」
「....俾我hea一陣...眼淚真係忍唔住...」顏影寒放下吉他.
「做乜啫,又未到中六畢業~」陳永靡説.
「我顏影寒有咩唔叻?就係控制自己情緒唔叻...未到畢業就已經咁.....」
「休息下,收拾下情緒再練啦..」
「嘩,啱啱先有人死喎!」蘇鬋飛握著手機道.
「咩?」
「半個鐘頭前喺遊樂場度,警司陶陸偉同佢老婆同個仔被發現喺車廂入面中毒身亡.調查後得知係有人偽裝成員工混入去放毒氣裝置......」
「偽裝......員工.....」顏影寒的直覺告訴他這是秦世樂幹的.
「比人尋仇?」
「會唔會同近排唐日同嗰單案有關?」
「保安局仲即刻安排左個記者會㖭.」
「記者會?」
「嗯.」
顏影寒越來越擔心會再有事發生:「我有事做,要走先.」
「吓?咁急?」
「我地第日再練啦,bye.」
---------------------------------------------------------------------------------------------------
「先生,麻煩出示記者證.」
秦世樂展示證件,推門進內,戴上面罩,把證件狠狠丟進垃圾桶裡.
「陶警司係一位盡忠職守嘅好警察,今日佢嘅殉職帶俾我地兩種情緒...哀痛同埋憤怒,我對兇手嘅所作所為予以最強烈譴責,並決定成立特別調查小組全力追查兇手真面目.」保安局局長黎定國説.
台下有記者舉手提問:「你好,我係要綫電視嘅記者莫富文.局長,咁你認為呢件事會唔會係新星集團嘅餘黨?」
「我地懷疑今次事件係由范葛威嘅同黨一手策劃嘅.」黎定國說話的同時,伏在暗處的秦世樂已經握起手槍,瞄準他的頭顱.
就在子彈即將發射之際,全場燈光忽然暗下來了————————
電箱那邊站了一個人,是霜寒——————秦世樂收起手槍,朝霜寒揮拳,霜寒以長棍格住秦世樂襲來每招,再一掌撃向秦世樂的臉部.
「你有冇能力追上我?」 説罷,霜寒不假思索的就從露台躍下,踏上高速駛過的地鐵頂蓋.秦世樂跳至追上.兩個人影從空中劃過.
「嘭——」秦世樂前滾翻滾到車上.現在他們兩個隔著一個車卡.
「陶陸偉一家人係你殺嘅,係咪?而你....就係秦世樂.」霜寒道.
「你究竟係乜人.....點解要阻止我!!?」秦世樂不忿的瞪著霜寒.
「仇恨已經沖昏左你嘅頭腦,我係嚟阻止你繼續濫殺無辜!」霜寒把長棍放回背上.
「無辜?呢D叫以牙還牙.」
「收手啦!你咁樣就等於中左敵人嘅計!!我地黃鼠狼要團結一致先可以對付到漁夫㗎!!!」霜寒伸出手説.
「你同霓虹女一樣.....都係Z小隊?哼...呢頭佢就話同我互不相干,依家你就走出嚟話要團結一致...」
「佢嗰邊我會勸𠶧!總之你收左手先好唔好??」
「我唔同意.」秦世樂慢慢掏出手槍,步向霜寒.
「秦世樂........」霜寒閉上眼睛,深吸一口氣:「你真係要咁做?」
「冇錯!!!!」秦世樂朝霜寒開槍,霜寒揮動長棍衝向,把子彈一一打走.他朝秦世樂的頸部刺向,秦世樂用槍柄擋住,發現手槍被凍結了.
「啊啊呀!!!」秦世樂右肶肘撃上,霜寒再刺向,秦世樂側身避開右勾拳揍他,霜寒朝他的左膝蓋揮,秦世樂後空翻躲避,抓住長棍把霜寒拉過來送幾拳.
見地鐵即將駛入隧道,他們馬上撲到另一架地鐵上——————————霜寒向秦世樂使出下劈,避不及的秦世樂頭部立即感到暈眩.霜寒跑上以長棍支撐身體給他來多記騰空踢.秦世樂右拳揍上,霜寒揚起左腳纏住他的右臂,右膝擊他的下顎.
「哼...」秦世樂將計就計,低掃腿把霜寒跘倒.
「啊呀!」霜寒的頭被撞傷.
秦世樂雙手拉起他:「如果唔係你喺度阻頭阻勢!!!!我一早已經殺死哂班仆街!!!」
「放手!!秦世樂!!我唔想同你打!!」霜寒被秦世樂按在地上重拳毆打,他拼命掙扎也站不回起來.
一拳又一拳,霜寒就快撐不住了.他用力起腳把秦世樂踢起,因為地鐵移動中的關係,秦世樂被翻到軌道外跌入海裏.
「仆街喇.....」霜寒並非故意把他踢下海的:「唉真係麻煩....」
他收回長棍,跳入海裏.
---------------------------------------------------------------------------------------------------
酒店房間的雙人床上.
「喂...」剛剛醒來的蔡慧輕撫林旖旎的臉:「起身喇.」
「嗯...俾我瞓多陣啦....」
「唔得!我地仲要返學㗎...」蔡慧拉起她.
「好喇好喇我怕左你喇~」
她們拾起地上的內衣褲穿回身上才走出房外,劉三鴻已經坐了在沙發等她們.
「劉三鴻,你似乎喺唔應該出現嘅地方出現左喎.」林旖旎見到他便説.
「你地咪又一樣?老師同學生.....Wow~」劉三鴻留意到蔡慧正偷偷的聚集病毒波:「姓蔡嘅呢位同學,你可以收返你嘅招式喇.我冇諗住同你地打,況且你地都打唔贏我.」
「放心,我冇乜興趣去揭穿乜嘢師生戀.」他又説:「反之,我覺得我地其實都係同一類人.渴慕力量,渴慕名利,渴慕權位~不如,我地合作?」
林旖旎踏前一步:「說服到我地嘅理由?」
「蔡慧,你一直以為真實嘅身份,就係蔡慧?」劉三鴻拿出一塊破損的鉿合金碎片,望著道:「有冇諗過,你眼前嘅一切,都只係騙局?」
「劉三鴻,你精神有問題??」林旖旎一副想隱瞞甚麼的樣子.
「好,我地就合作.」蔡慧覺得那塊碎片有似曾相識的感覺——————————