黃鼠狼特務Agent of Weasel(搬家原故,本站停止更新): 章二十四:白衣特務現身
------------------黃鼠狼特務Agent of Weasel-----------------------------
----------------------- 章二十四:白衣特務現身------------------------
船上的人見到霓虹女也呆了.
「唔歡迎我~?」霓虹女道.
工人全部跪了下來:「放過我地啦!!我地都係受人指使㗎!!!」
「放過你地?」霓虹女冷笑:「呢批毒蛇彩虹流出海外嘅話,會害死好多人.你地無可避免都係幫兇.」
「毒...彩....?」工人們愕了一頓.
「乜事?」
「入面嗰D只不過係動物皮草嚟......冇你講嘅乜乜彩虹...」工人説.
霓虹女逐個貨箱拆開,結果如工人所說的一樣,裡面的全部也是皮草.
「我地中左計,貨箱入面根本就冇毒蛇彩虹,D人只係走私皮草.」霓虹女跟耳機裡的霜寒説:「相信....戴鯨亨已經將毒蛇彩虹由另一艘船運走.」
「激氣.....」另一邊箱,霜寒扶起重傷的秦世樂一步一步離開現場.狙擊手捲土重來,拿起槍瞄準他們.
「頂住呀!!特勤車就喺前面咋!!!」
「個Sniper仲喺上面!!你走先啦如果唔係你都會俾佢殺死㗎!!!」秦世樂說.
「唔得!!!我唔可以再犯同一個錯誤!!!!!」此刻的情況就如三年前貨櫃場那次一樣,如果那時他有射中敵人的話,他的同伴便不必白白犧牲....霜寒堅決,今次絕對不要再讓同樣的事情再次發生.
「我嘅同伴....由我守護!!!!」霜寒走在左邊以肉身保護秦世樂:「車上面有急救設備,你快D上去!!!!!」
「轟隆————————」特勤車被敵人炸毀了.衝擊波把秦世樂撞回地上.
「秦世樂!!!」霜寒發現秦世樂已被燒傷:「豈有此理.....」,他朝狙擊手開槍,對方立刻躲藏————————
霜寒謹慎的握緊手槍極目四方,狙擊手有可能從任何位置出現突襲.
「砰——————」狙擊手從後方出現猛速的朝霜寒的手腕射擊.霜寒意識到,他就是當時親自放走的那狙擊手,沒想到今日又再見面了.
「我今次一定要贏你!!!」霜寒拋下沒有子彈的手槍,拿出凍結棒,往空一揮變成長棍:「我仲有另一隻手可以用!!!!」
在狙擊手射出子彈的同一刻,霜寒使盡股肱之力朝狙擊手擲出長棍,長棍刺中他的心口位————————內臟被凍結的狙擊手也隨之死去.
工場外來了更多敵人,左小腿被打中的霜寒已失去戰鬥能力,他緊閉眼睛,準備迎接死亡....
這時候,一個披著白色風衣的中長髮女子插著褲袋邁步而來.
「你...係邊個......」霜寒看不清她的樣子.
「特務.」她說.
帶領手下的老大從人群走出來,趾高氣揚的道:「同我死開!!!我要嘅係嗰兩個人!!」
「哈哈~但係我唔鐘意喎.」她完全不放對方在眼內,半秒間揮出手刀————————老大的頭骨嚴重碎裂,碎片刺中腦袋使其倒斃.
「唔洗逐個逐個嚟㗎,一次過衝上嚟啦!」她説.
大群敵人迎面以來,她向敵方拋出風衣遮擋他們的視線,朝右邊幾個勁力抽腿,取回風衣從後勒住一個的頸,再把他摔倒地上.側面一棍毆來,她用風衣打走木棍,轉身抓住一個扔向剛才拿木棍那人.幾記重拳擊至,她用風衣綁住一個拳頭甩開把攻擊轉移到旁邊的人上,她再前滾翻避過拳腳,掃堂腿絆倒敵人.後面又來個狠狠的抓緊她,她起腳擊碎敵人的腳踝再把他的頭顱扭斷.見秦世樂失血情況越發嚴重,她只好加快步伐,掏出Glock 17手槍把敵人的腦袋逐顆射穿————————
「羅...妙晴?係你?」霜寒從武功認出了她.
「哎呀~比你認到出嚟㖭~」羅妙晴脫下面罩,露出她的樣貌.
「你係專登比我認到嘅,我知.」
羅妙晴笑而不語,把風衣披回身上.
---------------------------------------------------------------------------------------------------------------------
林中安全屋裡,陷入昏迷狀態的秦世樂躺在床上.
羅妙晴研究從他體內取出的子彈:「情況算係穩定左,但係佢失血太多,要盡快輸血俾佢.」
「呢度有一包,但係係過期嘅....」顏影寒説:「醫院嘅話,應該有好多.」
「偷醫院嘅血包係危險左D....不過都搏得過.」黃虹説.
馮佩妮跑了進來:「Katy?你做乜喺度嘅?」
「呢個問題我都想知.」黃虹把目光移向羅妙晴.
「等秦世樂醒左之後我先一次過同你地講,依家最緊要係搵到血包輸血俾佢.」羅妙晴說.
馮佩妮想起一些東西:「秦世樂同我講過,佢做特務所需要嘅嘢大部份都係喺絲綢之路買嘅.」
「你有冇錢先??」顏影寒推著拐杖說:「我地子彈唔夠都冇錢買,何況係血!?如果唔係因為我衰衝動....行動就唔會失敗....」於心有愧的他,不敢面向大家.
馮佩妮望向他:「咩話?」
「係我冇好好睇清楚現場情況就走出去,秦世樂係為左拉我返去而中槍.....」
「係你害到自己同伴中槍....」馮佩妮雙眼持續盯住顏影寒沒有放開.
他沮喪的坐下,沉默不語.
「寒!!」黃虹叫住他.
「由得佢!佢內疚係應該㗎.」馮佩妮冷説.
「馮佩妮,唔好再講喇.」羅妙晴勸說.
「佢咁樣你好開心係唔係呀?」黃虹回頭對着馮佩妮:「當我地行動嘅時候,你同韓傲清又去左邊度??呀~我知道,你地係銀龍嘅人,根本冇必要去參與我地呢D卑微嘅特務行動~黃鼠狼對你地嚟講只係個笑話係唔係??你加入黃鼠狼嘅目的只不過係為左韓傲清,只係因為私慾先至嚟我地度.你地有乜資格.....去對我地指指點點??」
「小虹....我唔係咁嘅意思....」
「你明白佢嘅感受咩?你會明白同伴受傷嗰種內疚,嗰種冇辦法挽救失誤嘅無力感咩!!???唔會,你唔會!!!你始終係黑社會,呢D社會垃圾同我地黃鼠狼完全扯唔上任何關係!!!你企喺呢度....簡直係侮辱左方sir....」
「呢D係你真心說話?」馮佩妮問.
「係.」
「一直....你都係咁睇我?.....我地識咁耐...」
「係!!!!」
「好......睇嚟你都唔知你自己係咩處境喎~」馮佩妮道:「你地敬愛嘅方sir....喺佢塊面具之下佢又係乜人呢~?枱面有部平板電腦,自己睇下......」,她指著那部平板電腦.
黃虹半信半疑,翻開平板電腦,見到了馮佩妮想讓她看到的電郵.
「呢個係秦世樂喺佢昔日同伴屋企搵到嘅.」馮佩妮道.
「只有呢D電郵證明到D咩?任何人都可以偽裝成任何人.」
「我同秦世樂發現左一個地方,入面有一間監視用嘅房,無論學校,基地,你屋企,佢屋企都比佢監視住.而且裡面放滿好多黃鼠狼嘅機密資料.」
「方sir絕對唔係D咁嘅人!!你咪喺度抹黑佢!!!知道組織機密嘅人除左方sir之外,仲有范葛威!!!」黃虹開始懷疑未曾提及此事的秦世樂.
「唔會係范sir.」羅妙晴抹抹眼鏡:「原本諗住等人齊我先講,不過睇嚟要依家講喇....關於我嘅身份.」
「為左防止特務成員變節而影響組織嘅運行,范葛威搵左佢外甥女,即係我,去監察N小隊同Z小隊.」羅妙晴道.
「咁S小隊?」黃虹比較關心其餘的失聯特務的下落.
「S小隊....我對佢地一無所知.」
「好....」
「喺監察嘅時候,我調查到方計程同漁夫教主有緊密嘅接觸,聽聞漁夫教主從來都冇俾人見過佢真正樣貌,而唯一一個見過佢真面目嘅,就係方計程.」羅妙晴道.
「冇可能....你唔好喺度亂講,方sir係個有志氣嘅人,絕對唔會同天幕計劃有任何關係...」黃虹不相信羅妙晴的話.
「證據已經擺喺你面前,方計程唔係你想象中咁好㗎!!!」馮佩妮説.
黃虹神情凝重,思緒凌亂,不知道該相信何方.
此時,平板電腦響了,是來自方計程的郵件:'' CATCH ME IF YOU CAN~ ''
「唔肯定,就去證實.」羅妙晴搭搭黃虹的肩膀説:「去弄清事情嘅真相.」
黃虹瞥一瞥馮妮,甩開羅妙晴的手轉身離開安全屋.
「咁依家.....」馮佩妮不知如何是好.
「你去醫院偷血包先,其他嘅嘢等我搞.」羅妙晴説:「馮鍵,幫我一個忙.」
「終於有人發現我嘅存在喇!」被無視已久的馮鍵彈起説.
羅妙晴給他一個密封袋,袋內有一條頭髮:「得閒就幫我check下呢條頭髮嘅DNA係屬於邊個嘅.」
「係~」
-------------------------------------------------------------------------------------------------------
羅妙晴找到了黃虹,她獨自坐著靜思.
「我同你,仲有馮妮,大家都係好姊妹.有乜事唔怕講喎.」羅妙晴道:「你份人就係咁㗎喇,只係想將美麗嘅一面展示俾人睇,而將內心嘅痛苦,憤慨,全部收埋喺心深處入面.初初識你嘅時候,我對你嘅印象就只係靚女.不過熟悉你之後,發現你係個思想成熟嘅人.看似皇帝女,但係其實你有偷偷地搵兼職,食飯連一毫子都會找清楚.」
「喺呢幾年嘅監察之中,我睇到你地每個人都有你地各自嘅強大.」羅妙晴挨在草地上,望向夜空.這時她察覺到顏影寒在樹後偷聽著.
「小虹,妳嘅強大....在於妳嘅智慧,冷靜.而顏影寒嘅強大......在於佢嘅熱血,不屈嘅精神.范sir曾經同我講過,當面對太多衝擊嘅時候,人就會越來越黑暗,所以黃鼠狼唔可以冇左佢.佢代表嘅係光芒.」羅妙晴說:「而秦世樂......佢嘅強大在於理性,過人嘅思維.佢好清楚明白呢個世界可以有幾咁可怕,清楚世界血淋淋嘅現實.不過今日,你地每個人都似乎開始比黑暗侵蝕緊心靈,罪疚,憤怒,自責........」
「我地要善用我地嘅強大,將黑暗徹底粉碎.你冇必要再為方計程而內疚.」她抱著黃虹,黃虹忍不住淚水,不斷的哭.
----------------------------------------------------------------------------------------------------
秦世樂漸漸張開眼皮,醒了過來.
「佢醒左喇!」馮佩妮見到便叫.
「Katy姐?你...做...乜喺度嘅.....」
「為左防止特.....唉我廢時再講喇....等馮鍵佢話你知啦!」羅妙晴指住馮鍵道.
馮鍵舉起手:「問我啦~!我會將你錯過嘅劇情話俾你知~」
「你失血過多,全靠我喺醫院偷嗰D血包你先冇事咋!放心,冇攞錯血型~」馮佩妮道.
「你同霜寒都負傷,暫時要停止行動留喺度休養.」韓傲清說:「我地當時有事幫唔到你地.....對唔住.....」
「繼續吹,依家你講乜都得㗎啦.....」顏影寒不滿的抱怨說.
「執好裝備,我地準備要出發喇.」羅妙晴道.
「去邊?」秦世樂說.
「搵方計程.」
「小心....上次我同馮妮差D就比差佬捉,今次唔知佢又會搞邊科.....」
「我地一D都唔怕~係唔係?」羅妙晴望向黃虹.
「Katy講得啱....」黃虹戴上拳套,眼神充滿殺氣:「因為我會親手殺左方計程——————————」