「你真係決定入去....?」馮佩妮擔憂的望著韓傲清.
「由嗰一刻開始,我已經決定要咁做.」韓傲清道:「有仇不報非君子.」
     他撫摸馮佩妮的臉頰,溫柔的跟她接吻.

-----------------------------------------------------------------------------------
   眾鄉親父老正與戴鯨亨和一眾手下喝茶.
韓傲清毅然走進去,所有人的視線也轉移在他身上.

「唔係同我反面咩?仲搵我做乜嘢啊呀!!!??」戴鯨亨睜大雙眼瞪著他道.
「我韓傲清....」他蹲下來低聲説:「喺度同大佬你道歉....」




「聽唔清楚,講多次~」
「我韓傲清喺度同大佬你道歉!」
「再大聲D講多次!!!」
「我韓傲清!!!!!喺度同大佬你道歉!!!!!!!!」韓傲清竭盡力氣大聲說.

「哈哈哈~哈哈~」戴鯨亨訕笑道:「你向我道歉??」
「之前係我幼稚,唔識世界,我應該知道加入銀龍就要為社團奉獻所有!!而我就自私,唔肯為大佬你做事!!以前係我衰仆街!!希望大佬你可以原諒我,俾我繼續做你嘅得力助手!!!!」
「嗰頭同我攤牌....呢頭同我道歉.....你叫我點信你?」
「嗰次之後,我返去反省過...明白同你作對對自己唔係一件好事.....我會證明俾你睇,我嘅忠誠.」韓傲清按捺住怒火,沉著氣説.
「嗯~」戴鯨亨望望地板:「D人咁唔識珍惜食物嘅!成個地板都係D食剩嘅飯菜,好浪費喎~」




    韓傲清瞧一噍戴鯨亨,心中滿是來之不盡的怒火,但為了報復,他選擇忍辱負重.

「我食...」他把頭挨近地板,伸出舌頭,如狗隻一樣舔舐地板上的飯菜.在附近目睹一切的馮佩妮卻只能夠袖手旁觀.
     戴鯨亨又夾起蒸籠裡的牛肉球扔向地板,韓傲清猶豫一會,把它放進口咬噬.
「狗糧唔夠嘅咪俾多D囉~我好大方㗎~」
「咁樣你信我未....」
「未,你願唔願意為左銀龍嘅大業而放棄重視嘅人?」戴鯨亨道.
「願....意..」
     戴鯨亨臉上露出淫獰的笑容:「我要你條女陪我瞓~」
「咩...咩話?....」韓傲清愕了一頓.




「我從來未試過食學生妹~何況你條女皮光肉滑,身材咁正~」
「好....只要大佬你肯原諒我.....我乜都得!!!!!」
     
      馮佩妮雙手掩口抖動,簡直不能相信韓傲清會這樣說.


                    ------------------黃鼠狼特務Agent of Weasel-----------------------------

                  -----------------------章二十五:降服,埋伏,報復(上)------------------------


-------------------------------------------------------------------------------------------------------------
「根據IP位址,方計程應該就係喺呢度.」羅妙晴指著地圖上顯示的唐樓:「行喇.」
     韓傲清抓住馮佩妮的手:「銀龍D人睇住,我地兩個唔方便同你地行動,Sorry.」
「我想同佢地一齊去.」馮佩妮望向羅妙晴和黃虹.




「你唔怕俾人發現咩?」韓傲清有些愕然的問.
「唔怕.」馮佩妮甩開他的手:「你走先啦.」
「哦....」韓傲清只好獨自離開.

「我地都行動啦.」馮佩妮說.
   黃虹和羅妙晴對望一眼,她們也對馮佩妮的態度感到古怪.
「呢棟嘢咁多層,真係要逐層搵?」黃虹道.
「恐怕會同上次一樣係個局,我地可能會再俾方計程挽多次喎....」馮佩妮不確定方計程是否真的在這裡.
「Catch me if you can....呢句分明係引我地嚟呢度.」黃虹:「我唔可以放過任何一次殺佢嘅機會.」

     踏入危機四伏的建築,她們心情開始凝重起來.沒有誰知道敵人會何時從何處殺來.
「Katy姐!你要我做嘅事搞掂左喇!」羅妙晴的耳機傳來了馮鍵的聲音.
「結果係點?」羅妙晴問.
「條頭髮嘅DNA竟然係屬於.....狄光欣㗎!!」馮鍵說.
「原來........」羅妙晴覺得難以置信:「好...唔該哂...」





「喂.」黃虹瞧向馮佩妮:「對唔住.」
「咩對唔住?」
「當時我唔係有心咁話你....對唔住.」
    馮佩妮笑說:「你認為我會在乎呢D小事咩~?你都係關心顏影寒先咁講啫~」
「黐線....我先冇關心過佢.....」黃虹否認說.
「行動緊㗎,你地咪傾計啦....」羅妙晴聽到樓上傳來的音樂:「聽唔聽到D聲?」
「係''十面埋伏''......」有少許音樂知識的馮佩妮說.
     她們沿著音樂走到一個單位,卻見到劉三鴻氣定神閒坐在鋼琴前彈奏.
「劉三鴻?」羅妙晴想不到他會出現在這地方.
    黃虹踏前幾步:「點解會係你,方計程呢.」

「智商咁低嘅?你地個個都認為佢未死...」劉三鴻拍拍手掌:「好嘢好嘢~」
「咁講咩意思...」馮佩妮疑惑的説.
「佢只係普通人類,又點會好似另外嗰幾位咁大命呢?」




「另外嗰幾位?」黃虹説:「講清楚,如果唔係我對你唔客氣.」
「你叫我講我就講?當我咩丫?」
「唔講嘅話就去死!!!」馮佩妮掏出小刀朝劉三鴻擲出,在即將刺中的一刻,一道力場現出把小刀擋走————————
「你都有異能??」馮佩妮覺得事情複雜了.
「嘿嘿....咁心急做乜呢?」劉三鴻撿起小刀,欣賞小刀的線條:「霓虹女,我好想睇下,當你發現自己嘅同伴仲在生嘅表情~」

「咩話...當日....佢地冇..冇死到??」黃虹不能相信自己的耳朵.

「睇到喇睇到喇!你驚訝嘅樣!!」劉三鴻興奮的笑起來:「哇哈哈哈哇哈哈!!!!!正!!正!!」
「講清楚啊呀!!!佢地依家喺邊!!!」黃虹激動的走上前,劉三鴻舉起他手中的控制器:「定D嚟,望下窗出面啦~附近有間幼稚園,D小朋友喺度上緊堂,如果突然有毒氣流出嚟唔知會點呢?」
「你條撚樣想點呀!!??」想衝前動手的馮佩妮被羅妙晴阻止了.

「你地嘅對手唔係我.」劉三鴻道:「係佢~」
     在他說話的同時,蔡慧從一角走了出來————————





「白色衫呢位,我地係第一次見面.」蔡慧左掌匯聚病毒波:「就俾你見識下我嘅力量...」
「你同我係第一次見面,但係我同你就唔係第一次見面喇.需唔需要我當面揭穿你嘅身份?」羅妙晴盯住她說.
「吓?」馮佩妮不明白她的意思.
「蔡慧係假嘅身份,你嘅真身係狄光欣,係唔係?」
「咩話?...」黃虹瞟一瞟羅妙晴.
    羅妙晴解釋說:「之前我已經懷疑緊你嘅身份,所以偷左你D頭髮去化驗,先發現頭髮嘅DNA係屬於狄光欣呢個人嘅.你....就係狄光欣..」

「阿光.....係你??」黃虹鬆開原本緊握的拳頭.
「真係好~我唔駛再花時間解釋來龍去脈~」劉三鴻笑説.

「錯,我已經唔再叫做狄光欣...唔再係特務....我係叫做蔡慧.」
「唔好...阿光.......」
「嗰次之後,漁夫將我地變成殺人工具.....」蔡慧冷説:「為左心入面少少嘅正義,而落得咁嘅下場,值得咩??依家有得比我揀...我會選擇生存!!咁樣先可以維護我地之間嘅友情!!!」
「...唔可以......」受不住刺激的黃虹開始暈倒.
「小虹!!!!」馮佩妮跑去扶著她的頭以免撞傷.
「請你唔好扭曲呢句金句嘅原意.」羅妙晴道:「呢D只係你無能嘅掩飾~馮佩妮,我地兩個一齊對付佢!!!」
     馮佩妮拋上小刀再交叉接住:「仲洗講嘅!!」

  馮佩妮擲出小刀,小刀從牆上反彈刺向蔡慧,蔡慧側身避開———————————
     羅妙晴手刀劈來,蔡慧前空翻到她的後方朝脊椎骨肘擊,羅妙晴以風衣綁住蔡慧的手臂把她拉到馮妮那方.馮佩妮連拳揍她的腹部,蔡慧右肘擊羅妙晴的胸膛,另一隻手抓緊風衣連帶把羅妙晴摔前,蔡慧抓緊馮佩妮兩肩,右膝擊她的肋骨,馮佩妮小刀劃傷蔡慧的膝蓋.羅妙晴直拳揍向她的後腦,她倒後踢應對.馮佩妮把兩把小刀擲向地上,在小刀反彈的同時左拳打向蔡慧的腮部再接住小刀,右腳尖踢起另一把小刀刺向她的大腿——————蔡慧拔走小刀,羅妙晴用風衣卷起小刀朝蔡慧斬,和馮佩妮一同夾擊她.蔡慧開始應付得有點頭癢,她跳起抓住吊燈雙腳往馮佩妮重踢,馮佩妮被撞到水泥牆上.
「享受下病毒啦!!!!」蔡慧朝馮佩妮發出病毒波————————
    羅妙晴見況馬上把風衣拋出擋住病毒波.

「阿妮!」羅妙晴察看一下受重傷的馮佩妮:「頭先嗰一踢太大殺傷力....」
「好...」羅妙晴緊緊握住雙拳,雙臂潛藏的肌肉也露現出來....
「事情已經辦好~我地都冇必要再打.」蔡慧說.
     羅妙晴回過頭來才發現劉三鴻和黃虹也不見了:「專登轉移我地嘅視線.....」
「再見.」蔡慧説.

----------------------------------------------------------------------------------------------------------------
「你講咩話!?黃虹俾人捉走左!!??」顏影寒聽到這個消息後情緒激動.
「劉三鴻趁我地唔為意...捉走左佢...」羅妙晴道.
      顏影寒漸漸把目光移向韓傲清:「出事嘅時候....你去左邊?」
   韓傲清心裡也有點內疚.
「如果你當時喺現場嘅話黃虹就唔會咁容易俾人捉走!!!你今次又有乜解釋!??又唔得閒有事做!!??」
「我呢段時間真係唔方便同你地一齊.妮妮,你知道我係咩情況格!!」韓傲清希望馮佩妮替自己解釋.
「我唔知.」馮佩妮説.
     韓傲清愕了一頓:「你今朝唔係同我一齊咩......」
「如果呢度係你食花生等睇戲嘅地方.....咁麻煩你離開...過返去銀龍繼續做你嘅奇南道清哥.」顏影寒指向門口説.
   韓傲清二話不說便逕自走了.
     
   秦世樂想起自己之前對付周乙丙的方式,與韓傲清現在的計劃十分相似.同樣地,在未確定眾人的意圖之前,他也選擇把心中所思所想隱藏.
      他深信,世界上只有自己才信得過.