今日放學果陣,收到一個由男友send 俾我嘅WhatsApp。

"Mika,我哋分手。我唔想再同妳一齊啦!"

喺校門前面我係咁喊,一個二個都係咁問我發生咩事。完全喊到收唔到聲,淨係識指住個whatsapp。

佢哋睇個msg 都呆左再講『吓~前兩日你哋先見家長!妳有冇打去問下?可能佢俾人玩電話。』

我醒左下~「又係喎~」我諗都冇諗就打返俾男友,但係幾次都係佢留言信箱。"你好,我係啊燁。而家唔得閒聽你既電話,我會盡快覆你"



點解冇人聽架?

『Mika, 點呀?』眾人。

「打左幾次啦!」 「平日佢都唔會Miss 我call 架!」

眼淚又流啦,喊到把聲有啲沙。

佢哋一人一句,真係冇心機聽。直到一個討厭嘅人出現, 呢個女人叫啊婷。



得得戚戚咁講『又話你地好恩愛又點,仲話我hurt佢。佢飛左你呀?抵你有今日。』

仲揚起嘴角,轉身拖住隔離個男人行~

聽到呢句真係好想打佢一巴,但係我更擔心嘅人係小燁。

尋晚先同佢WhatsApp都好地地。巴絲們,佢係咪有咩事?定撞到嘢?我到而家都未搵到佢,我真係好擔心。有冇人幫到手?