隻眼喊完好腫,啲人喺度指指點點咁~

諗返之前ex 當住我面同第二個女人kiss,我喊到跪左喺度收唔到聲~

傻到求果個女人俾返個賤人~

好彩呢個時候遇到小燁,……咦!眨左下眼啫,周圍嘅人變左個影??

完全聽唔到佢哋講咩!『Mika, Mika…』​男聲!!





有人叫我?直至好似有人拍我膊頭~

『做咩叫極你都冇反應架?不如你返屋企休息下先!』

女性朋友好驚咁講聽到屋企呢個字,係喎~

俾佢地一言驚醒「屋企?係啦去佢屋企咪搵到佢,起碼都俾我知佢平安。」『而家都成六點幾啦,你返去先啦!聽日反正day off,大把時間。』

班女人一人一句唔可以,我唔可以失去佢~





「如果,果日佢遲十分鐘搵我,你地而家就唔會見到我!!」丢低呢句,我就轉身跑去火車站。

『不如我同妳去啦!』一把討厭男聲

「乜你知佢住邊咩?」一心急我就炆架啦…

『唔知,不過起碼有人陪妳嘛!』同我講嘢係一條死厹叫啊賢,成日都晒自己有錢,我做咩都跟住唒。

俾我拒絕N 次都唔夠,仲明知我有男友仲企上LT 個台同我表白。





頂!!成個場都odd 哂。呢個時間真係冇心機去應佢由佢跟住嚟。放學時間路上人都唔少人,去到火車站啲水貨客仲要頂住成條路。

估唔到啊賢好大聲咁話啲水貨客阻住晒,話會報海關拉佢地。啲水貨客聽到會俾人拉走都走唔切~