「Auntie, 可唔可以借小燁啲行山嘢同佢本簿俾我?」

『冇問題,不過你要嚟做咩?』

仲洗問嘅~

「梗係去搵小燁返嚟啦!我諗佢出左事。」

世伯皺眉頭『嘅然佢喺果度出左事,妳仲走去?』



「點解……」

『點解我會知? 咪就係妳頭先講個電話同妳奇奇怪怪咁。』

世伯真係好犀利,知道自己個仔出事都可以咁冷靜。

仲推斷到咁多事~

Auntie細聲咁講『Mika, 我哋都好擔心,但如果妳都有咩事咁點算?我諗大家都唔想妳出埋事~』



「小燁都係……」

我垂低頭,又忍唔住啲眼淚~

『妳咪話過啊燁咩都寫低嘅,不如睇下有咩線索先。』世伯真係好冷靜

係喎!! 點解我諗唔到架?

淨係見到啲字怪怪地,但係又冇睇過啲內容~



我把開本簿果陣~

啪~

跌左張卡片出嚟~

頭先喺本簿把聲就係叫我留意呢樣嘢?

卡片上淨係得個電話嘅!!

等等先!?

唔通小燁想叫我搵呢個人幫佢??

~~~~~~~~~~~~~~~~~



咩頭粹都冇不如搵人幫下手,而且仲係小燁推薦。

電話好快就通左,係一把女聲~

呀~

不如話係把妹妹仔聲,好似十五六歲果種!

"歡迎致電,KC 偵探社。有咩可以幫到你?"

偵探社!?

背景好嘈!



「我想搵人,唔知……」

"啊敏你又做乜x 嘢? 請你返嚟講電話呀!個個忙到x 晒街,仲唔過嚟幫手收錢!"

佢電話背景嘅男聲~

乜偵探社要人去收錢嘅咩?

嘩!咁多粗口架!!

"係……嚟啦! 小姐,唔好意思!我轉頭覆返你電話。"

講完佢就收左線~

到底靠唔靠得住架!?



雖然而家啲差人仲危險過賊~

點都總好過我自己一個去搵!

『點呀Mika, 個電話係邊個嚟架?』世伯問

「係偵探社嚟!」

『估唔到你個仔又識幾多人喎,似足晒你呀!』

世伯向Auntie笑一笑~

『咁約幾時傾,收費呢?』



「未約,佢話轉頭先覆返我。」

老實講,我真係唔感同世伯Aunties講~

對呢個所謂偵探社真係十萬個唔放心!