我傻左咁對住本簿大叫「小燁,你係咪喺度?係就應下我!!」

膊頭俾人拍左下!? 係世伯。

『Mika, 妳冇事嘛?』

咦!!我又返返去小燁間房。

『頭先叫極妳都冇返應,諗咩諗到咁入神?』



明明見到佢哋架!仲有本簿~

「係啦uncle,小燁本簿呢?」

『吓~ 妳頭先咪打開左佢囉!仲口嗡咁唔知講乜!』

我幾時打開?

呢頁係~ 佢星期二遇過嘅事!!



點解佢啲字咁奇怪架?

「uncle , 頭先我一直坐喺度冇行開過?」我疑問

『係呀,妳一拎起本簿就口嗡嗡咁啦!』

頭先嘅係幻覺?

咁佢個Fd呢?同小燁一齊?



不如打去問下…

~~~~~~~~~~~~~~~~

"你好,我係啊禧……"

點解又係留言架?唔通佢都出左咩事?

五分鐘後,電話響~

"Mika, 妳搵我?"

係啊禧!!

「你係咪同小燁一齊?我搵唔到佢,佢屋企都冇返過!」我忍唔住問



"冇喎!果日行完山就冇見過佢啦。"平淡語氣

淨係小燁出左事!?

點會咁架?

眼淚完全控制唔到~

"Mika, 妳唔好喊住先啦。其實果日啊燁叫返醒我架炸!!唔係……"

一聽到關於小燁嘅事,我完全控制唔到情緒「到底係點架?你好講啦!!!!」

係我隔離嘅 Uncle , Auntie 見我咁大聲都呆咗。



"妳唔好嬲住先!……"佢繼續平淡語氣

啊禧講咗果日佢哋行山嘅事~

大約係佢哋喺個廢墟影相,之後一直搵唔返路出去。

就連指南針都冇反應。啊禧迷迷糊糊咁,仲叫小燁行返去個廢墟度。

好彩小燁推返醒佢,但係就搞到自己成身傷晒。

出返外面有返意識就到小燁怪怪地~

同佢講嘢都冇乜反應~

我沙住聲咁問「點解你要帶小燁去啲咁邪嘅地方?」



啊禧火火地"果度係妳條仔話要去架,仲有我哋都唔知行左幾多次!!!"

「Sorry, 我唔應該唔大聲!不過我真係……」因為喊而聲音變得更沙

"明嘅,係啦!果日影嘅相有啲開唔到!"

吓?「開唔到?啫係點?」

"我問過朋友,佢哋都叫我唔好開!不過要開都有辦法嘅~"

「到底係咩相?!」

"就係果啲廢墟嘅相~"



小燁消失就係同個廢墟有關!?

「咁你所講嘅廢墟喺邊?」我堅定咁問

"大帽山!"啊禧好肯定咁講。

我決定要去搵返小燁!

無論邊個都唔可以阻住我!