好彩約左佢喺旺角啫~

"叮" WhatsApp 響

"BB 到邊呀?" 附上自拍一張。

今日啊婷著左一身粉紅色嘅衫,件衫長到佢好似冇著褲咁。雖然佢冇女神咁正嘅長腿,但係身材上絕對係有過之而無不及。

"妳睇下後面"





啊婷轉身周圍望~

個樣真係好Cute,見到我仲即刻攬實我~

佢身上傳嚟蘋果木味,仲化左淡妝。本來已經好白嘅佢,今日顯得更白裏透紅。

平日啊婷都好hea架~

今日係節日咩?





『今晚我要食魚。』佢嗲我話。

同我對望仲嗲下我添~

「係啦,知道貓要食魚啦。」

聽我咁講佢鼓起塊面『你就貓,你全家都係貓!』

好彩一早叫左啊敏幫我book位啫,多人到呢~





『咦?呢份咩嚟架?』

我聲都未出就俾啊婷搶走左我手上個file。

「冇,個客啲資料嚟。俾返我啦!」

啊婷望到張相就開始黑面,仲要低頭唔出聲~

我個心好寒,周圍嘅目光完全冇友善可言。每個人都好似想殺左我咁,眼球充滿紅筋。

仲有就係猙獰表情,隻犬齒仲要咬住自己嘴唇。

感覺下一刻就要衝過嚟咁~

我一手搶返個file ,再蓋返埋佢。





頭先係錯覺?

啲人表情轉得咁快嘅?

「婷,頭先啲人有冇望過嚟?」

『邊有人望啫!』啊婷伸個頭過嚟再講『Sam 你冇事嘛?成塊面都青埋嘅!!』

「冇事,快啲叫嘢食先啦。」

有種感覺啊婷係知道啲嘢,但係點解會同佢有關?

『其實果個係我ex …… 』啊婷打破沉默。





「我咪話過我接受妳所有咩?」

『嗯。』

岩岩識佢果陣,講到個ex 勁賤。

但咁又點會做左Mika男友?

『我唔想你接觸佢。』佢好大反應咁。

做咩會咁大反應?

呢單係咁耐以嚟最有趣嘅case,仲可以喺Mika面前威返次。

冇理由而家先放棄。





飯後我再冇提起單案,啊婷亦冇再追問。

佢成晚都心事重重咁『Sam, 無論都好。應承我唔好離開我!』

「嗯!」

『無論我犯左咩錯都係?』

佢眼角帶有淚光~

我冇出聲回應,只係輕輕咁點左下頭。

到底啊婷今晚做咩?





仲有今日見到嘅又係咩?