【情人節系列】《我男友撞左嘢？》: 十五

"叮叮叮叮" 電話聲～

邊個咁早打嚟！？

「妖！邊個呀？」最憎人喺我訓緊打嚟 。

『做咩咁惡喎！！又話今日要去查案？』女聲俾我嚇一跳。

係啊婷！





我好奇問「點解妳會知架？」

『Er……總之萬事小心啦。』講完佢就cut 左線

記憶中我冇同過啊婷講今日去查案架喎！！

佢又會知嘅？

唯有send WhatsApp俾佢～





佢覆左句"冇嘢"就冇on 過。

今朝啊婷古古怪怪咁～

一出門口就見到啊敏，佢話『Boss 你今日好準時喎。仲諗住你會遲到添。』

「點可以咁諗我，我仲有時間買埋早餐架。」

我將手上嘅火腿腸仔搖幾下～





哈！仲有隻貓仔走過嚟望住我啲嘢食，叫我喂啲俾佢咁。

好啦，見妳咁得意就分條腸仔俾妳食啦。

"喵"

貓仔食得好開心，摸佢果陣叫聲有啲其怪。完全唔係普通貓仔尖尖地嘅聲，反而係似一個女人嘅叫喊聲。

嚇左我同啊敏一跳～

隻貓仔食完之後都唔肯走，一直死跟住我地。

神情仲有啲兇狠～

好彩拉住啊敏跑左上巴士，隻貓仔先跟唔到嚟。





"你地做咩咁多事？"

邊個同我講嘢？

一把女聲直接傳入我個腦。

把聲絕對唔屬於啊敏～

到底係邊個！？

我上氣不接下氣「返公司拎完嘢就出發啦。」

啊敏係咪跑得勁得滯，成個人呆呆地～





冇幾耐就到左公司～

一打開度門就傳嚟一陣好刺鼻嘅氣味！！

呢啲係咩味嚟架？

燒著嘢？仲要似係人地拜神果種！

「啊敏，係咪有陣燒嘢味？唔係邊度着左火嘛！？快啲打俾管理處！！」

"喵"

點解會有貓叫聲？

『冇喎boss, 邊有味呀？』啊敏好驚望向我。





冇味？我錯覺？

「咁有冇聽到貓叫聲？」

『Office 點會有貓呀？Boss！你今日好奇怪。你係咪尋晚同女朋友咩完太攰？』啊敏一面鄙視目光～

「多事！！拎完就出發啦。」

尋晚確實係攰左啲嘅，啊婷突然一改常性，變到好嗲好痴身。平日想掂下佢都藉口多多，總之就話想第一次留返喺我地結婚果陣。

唯一就係尋晚，話屋企冇人仲可以上嚟我屋企。結果當然大戰一場啦，估唔到佢係咁淫。

完全唔似係新手～





都估到佢講大話，同ex 兩年有咩可能仲係處？ 算啦，靚女都係咁架啦。

話時話，今朝一早佢就出左去！！

到底走左去邊？