『你都有今日啦。』

到底?

「你咪係……」

見到佢我都呆左。

『怪就怪你識錯左人。』



我連個樣都未望清楚,淨係感覺到自己俾人推左下仲一直下墜。

"我唔會就咁俾你死,你條命要由我親手結束!"

當我以為自己玩完果陣,一隻充滿傷疤嘅手將我拉住。

『Boss, Boss !』啊敏係咁搖我。

「我頭先!?咦,呢度係邊?」回神就返返office。



啊敏企喺我身邊不斷咁搖我~

我幾時拎住呢本嘢架?仲攬住左啊敏!?

啊敏面好紅咁講『做咩喎,咩都唔講就攬住人。你明明就知我一早鐘意你架。』

嘴上傳嚟一陣車喱子味,仲有濕潤感覺。

我同啊敏Kiss ?



到底發生左咩事?

「係啦,我地出發啦。」

我試圖推開啊敏,嘗試令個氣氛冇咁尷尬。

『Boss, 唔係!應該叫你啊Sam。我暗示左咁多次貨都冇反應!衰人而家先有啲表示!!哼!』

求求上天唔好俾啊婷知,唔係多多條命都唔夠死!!

「唔好講咁多,渣車去啦。已經好晏,快啲出發。」我拎轉身講。

啊敏上到車就一直痴實我,唔係要開車佢都唔放手。

連安全帶都要我幫佢扣,話咁樣sweet啲!



一陣仲有好多嘢要靠佢,而家唯有順下佢意。

『跟據本嘢,我地第一個去嘅地方係火炭嘅黃竹洋村。』啊敏望住本嘢話。

我打開車上GPS輸入目的地,但係奇怪就係GPS搵唔到我地而家嘅位置。

完全提供唔到路線指引~

仲話咩最新型號~

返嚟實cut 左你!!

『Sam ,唔緊要!我有地圖。』



啊敏搖一搖手上嘅香港街道圖~

所以話,成功嘅偵探幾時都需要一個幫到手嘅"女助手"。

當然呢樣都唔可以同啊婷講~

路上啊敏一直同我講返鐘意我嘅原因,同點解要幫我追啊婷。

但係我都冇點應佢~

由佢自己一個喺度講,我只點頭和應。

啊敏準備都幾周到下,短短半個鐘已經將所以偵查工具準備好晒。

不過奇就奇在,明明出停車場果陣天氣都好好架,雲都冇架喎!!



點解入到嚟火炭又會大霧成咁嘅?

『Sam 入工業區再轉右。』

照啊敏指示終於到左,不過霧氣就比頭先更重。落車果陣間直可以話係伸手不見五指,視介不良下只有向前行。

啊敏冇跟住嚟?

「啊敏……啊敏。」

冇人應?

咦!啊敏呢?