【情人節系列】《我男友撞左嘢？》: 十八

我行返轉頭果陣就見到啊敏仍然座係車上面唔出嚟，仲用一個好嬲嘅目光望住我。

我望住佢講「妳係咪唔舒服？做咩仲座喺度？」

『話你呀！一啲風度都冇架，落車都唔識過嚟幫我開門。仲有呀……』

啊敏一反常態咁話我，又話我冇男人風度唔關心佢之類。成個感覺佢變左另一個人咁，再唔係之前果個聽話嘅佢。

返去實炒左妳！！





『炒左我？乜你有出過糧俾我咩？』啊敏望住我。

「點解……？」

啊敏指住我話『點解知你諗乜嘛！其實我一早就知，只係我唔出聲啫！！你似住我鐘意你，就當我工人咁洗。』

老實講，公司成立後大多數嘅case都係咁啊敏一手搞掂。要我出手嘅，呢次根本就係第一單。

「唔係咁架……」





『唔係？咁你幾時有當過我係女仔？幾時對過我溫柔？幾時關心過我？』

「咁我有女朋友嘛！」

『果個女人？哈…』

啊敏講完呢句之後就自己落左車。佢拎住本筆記簿周圍咁望。

「妳周圍咁望咩？而家大霧成咁。」





我完全咁被無視，直至一聲巨響。呢一種聲係…… 鎗聲。

我大叫「快啲伏低，有人開鎗呀！！」

『喺空地伏低有用咩？少爺果然係少爺。』

啊敏對住我冷笑，感覺成個環境突然低左幾度。

呢一種寒係由我内心恐懼而來～

見佢微笑咁話『呢度本來係一個戰場，邊個叫你介入唔屬於你嘅事？』

我驚叫「戰場？香港邊有仗打？我只係嚟查案，想搵返個失踪嘅人。」

『我知！唔係我都唔會同你一齊嚟呢度。』





「妳到底係邊個？妳唔係啊敏！！」

呢個"啊敏"再對我冷笑～

『你連我都唔認得？我係你師妹啊敏。』呢個人開始大笑啦！！

「妳唔係！！佢唔會用啲咁嘅語氣同我講嘢，仲有妳一定答唔到我地之間嘅事。」

『哈……』

『你仲記唔記得我點幫你搞掂啊婷個ex！？』