【情人節系列】《我男友撞左嘢？》: 二十

電話響～90XX XXXX

呢個到底係邊個？

完全冇記錄～

"你係啊燁女友。"

「你係邊個？」我疑惑地問。





電話對面係把女聲，聽落好熟不過又講唔出佢係邊個。

"我知道啊Sam 去左查佢，而家仲有啲事。"對方語氣好平靜。

聽到呢句，我知道佢係邊個。一個為左自己就可以出賣身邊所有嘢既女人。

「所以呢？」

"唔知話你蠢定咩好……"佢冷冷咁笑一聲再話"估唔到佢會揀左個咁蠢既女人做女朋友。"





「你而家想點？」

"唉～ 同你講嘢真係好晒時間…"

完全係高冷感覺～

到底佢想點？

真係講到我扯火～





「講你就講清楚啲，唔好扮晒高深咁。你晒緊我時間呀而家！！」

嘆氣聲"打得嚟當然同你有關啦，同你有親呀？"

好想打佢兩把呀呀呀呀……………

"我諗啊Sam 為左查佢出左意外，佢地而家可能一齊撞到啲嘢～"

撞到嘢！？

"Mika, 家蔚！唔好聽佢講！！佢講呃妳架，千祈唔好信佢！！"又係小燁同我講嘢

點解本薄喺度架？

明明放低左俾偵探社架！！！！





不過今次我忍唔住對住本薄大叫～

「夠啦！！！ 你到底去左邊？成日都突然出嚟講句嘢！？到底你想點？知唔知好真係好辛苦好掛住你？」

"對唔住，家蔚。對唔住，總之唔好聽個女人講嘢。"

「我唔想再聽啦！！」

一怒之下，本薄俾我扔左落地～

"你同邊個講嘢？"電話筒話。

「同邊個都唔關你事掛！」





"我知道你聽到啊燁把聲，佢叫你唔好信我。" 個女人繼續話。

What？？？？？