「點解…?」

我未問完之前,個女人已經答左我~

"以前我同佢一齊果陣,佢間唔中都會咁同我講嘢。"

吓?

「冇可能,我點會唔知?」



"你? 哈哈~ 同佢一齊左幾耐呀?你真係好了解佢咩?"冷嘲聲。

呢半年間,小燁真係對我好好。

每樣嘢都係以我為先~

冇Miss call ,冇遲到~

總之佢一定會第一時間幫我~



係果個女人講得啱,我地只係一齊左半年。永遠只係小燁幫我,從來我都冇去問過關於佢嘅事。

我真係唔想承認,呢個女人確確實實比我地一齊更耐,比我更加了解佢。

我真係無言以對「我………」

"冇聲出就聽我講! 我確信佢地而家喺大帽山……"

「……你點會知道架?你又知小燁喺果度?」我開始失控。



佢仍然非常平靜"啊Sam 個電話有我裝嘅GPS, 只要佢電話冇熄我就搵到佢。至於啊燁~所有事都因佢而起,我相信佢係想引啊Sam 上去!"

「咁……」始終有啲不安。

"唔好咁啦,我地而家即刻去搵佢地。我唔想再有人因為我而……"

???

電話突然斷左線~

呢度係邊度? 點解周圍都咁黑架?除左電話個Mon 既光,我根本見唔到有其他嘢。

連開埋個電筒app都係冇用~

我一直向前行,向前行~



沿路都係漆黑一片,咩都見唔到。

好攰~ 再行唔到

「呢度到底係邊到?」

我大叫一聲之後坐左喺地下喊出嚟。

面上出現隻好暖嘅手抹走我既淚珠~

『Mika, 我唔會俾妳有事。』

眼前嘅背影!? 係小燁,佢終於返嚟啦。