眼淚自把自圍咁走出嚟。

但係我都唔理咁多~

衝過去將呢個背影有咁實攬咁實,只係想感受佢嘅呼吸,佢嘅溫度。

「你知唔知我幾擔心你?」

佢不斷俾我拳打,完全冇反抗。



無論我幾大力,佢都唔還手唔出聲。

「做咩唔出聲?仲背住我喎!!」

仍然冇轉身~

佢突然講『Mika ,我知道自己講幾多句對唔住都係冇用。只要妳會舒服啲,少少痛都比唔上妳既傷心。抱歉,我好想見妳一眼,但係唔可以。』

「你知架咩?你知……」眼睙又忍唔住,連聲都沙埋「點會唔可以見我?你而家轉身咪得囉。」



我將佢攬得更加緊~

『呢一個係規條!!我真係唔可以……』

小燁全身都震緊仲越講越細聲,睇嚟佢真係冇辦法~

『係時候帶返妳出去啦,要好好生活搵一個可以交附終生既人。記住照顧我地啲仔女。可以應承我嗎?』

我受夠啦!!!!!!!!!



「點解到左而家你仲係咩都唔講?

點解你永遠將啲嘢收埋唔話俾我知?

你咁樣真係好自私!!!」

對住背向我既小燁尖叫完後,周圍都恢復正常?

"你有冇聽我講嘢架?"

同我講嘢嘅再唔係背向我既佢,而係喺電話筒傳出嚟討厭既女人聲。

我真係唔想應佢~

就喺同時,小燁又同我講嘢"Mika,叫啊婷去接返佢男友。仲有呢樣係我最後送俾妳既禮物,有需要果度佢會幫到妳。"



小燁講完之後就有條羽毛樣嘅頸鍵掛左喺我條頸度~

你仲係咩都唔肯講!!

成日做埋啲令人擔心既事,對底有冇當我係你女朋友?

就係呢一下,條頸鍵發光~

咦!!呢度係?

係小燁同我表白既地方?