「估唔到你都幾準時架喎~」我對佢冷嘲。

『你都係啫!』

其實我同個女人都早左半個鐘到。

佢個眼袋好勁,睇嚟呢兩日佢都訓得好差~

佢留意到我眼神再講「唔洗再望,自從啊Sam 去左查案之後,我就冇休息過。一直周圍喺啊燁朋友間打聽!」





點解佢要咁做?

唔通佢仲關心小燁?

「點解你要咁做?」我好奇問。

『你以為我仲會關心佢嘛!!冇…真係冇。我係想啊Sam 快啲返嚟炸。』

直覺話我知佢講緊大話~





「返正題,咁有咩發現?」

小燁既朋友基本我都搵過晒,不過咩都冇發現。

佢搖頭話『冇! 個個一聽到係我就cut 線。』

全世界都知你啲衰嘢,係班厹先會信你啫。

同佢講講下,啊賢行過嚟向我揮手~





「點解佢都會喺度架?」我指住啊賢問果個女人~

『唔係佢我點會有你電話?多個男仔照應下唔係更好咩?』果女人質問我。

果然~ 厹係呢個世界最唔可靠既生物!

啊賢話『Mika, 今日我係專登嚟幫妳搵返男朋友架。放心,我會好好保護你地既!』

講呢句嘢果下佢好自然咁掃視我全身!!咁多人面前佢都咁,一陣真係唔知點算!?

有佢喺度我更加擔心~

果女人都唔知係咪有心嘅~

不過冇時間同佢嘈,再唔上去就天黑。





小燁,你會保護我既!係咪?

我摸一摸羽毛樣嘅頸鍵~