【情人節系列】《我男友撞左嘢？》: 啊婷篇

"啊婷，仲記得我嘛？"

「你係邊個？」

邊個同我講嘢？

眼望四周都淨係得Mika, 同啊賢。

仲要每次同Mika眼神接触佢都會怒視我～





其實我真係唔明點解，我係做錯過。

仲Hurt過好多人～

但係佢地而家唔係幾開心咩？

我只係想搵合適既人啫，咁都有錯？

"妳唔係鐘意我既，點解要俾機會我？"





又係果把男聲～

點解呢？

明明好好天氣，突然黑到想落雨咁嘅？

「啊賢，Mika。好似想落雨，不如避下雨先？」我對佢地話。

佢地繼續向前行……





「喂喂喂！」

點解佢地好似完全聽唔到我講嘢咁？

我淨係見到啊賢遞支水俾我，仲同我講左句嘢。

咁近我都完全聽唔到佢講咩既？

唔係，一定有啲唔妥！！

"玩我都算，仲要周圍中傷我。到底對妳有咩好處？"

中傷佢？ 唔通係！？

我個護身符呢？





佢唔係已經自殺左既咩？

唔係呀～ 佢行緊埋嚟啊！！！！

「唔好啊！！」

我認得佢果套衫～

係我送俾佢既套suit。佢迫我見佢，唔見就死喺我面前。

本身我真係以為佢唔夠膽架～

點知佢就喺我面前跳左落嚟……





果日之後，我都冇好訓過。每晚都見到佢死果個樣！

我真係就痴線架啦！！

直到遇到啊Sam， 佢話我知佢會一直陪住我。

俾佢攬住真係好有安全感～

我相信啊Sam 就係我要搵既人。

啊Sam 我一定會救返你出嚟，無論點都好！！

可惜今次啊Sam 唔喺我身邊，而呢個猙獰面孔冇因為咁而停低。

反而係一步一步咁接近我～





「佢行緊過嚟呀！！」

「呀！唔好過嚟呀呀呀呀呀呀……」

就喺佢掂到我之前，個十字架發出紅光。

之後點！？

我坐左喺度休息？

啊婷篇完